Logi farinn - Rúnar tekur við.

Það hefur legið nokkuð lengi í loftinu að farið var að hitna undir Loga. Það hefur verið sagt um KR að þar hafi óþolinmæðin ráðið ríkjum, en það hefur ekki gilt í ár. Logi hefur náð athyglisverðum árangri í Vesturbænum og það má finna bæði virðingu og þakklæti þegar hann hættir störfum. Gengi KR er hins vegar í ár er hins vegar alls ekkert til þess að hrópa húrra fyrir. Mannskapurinn er afar góður, umgjörðin gerist vart betri, en spilamennskan ekki góð, og ekki á uppleið. Efnasambandið gekk hreinlega ekki upp. Logi er með skemmtilegustu mönnum, en nú var  meira að segja léttleikinn farinn.

Rúnar sem tekur við var einn okkar besti landsliðsmaður í fjölda ára. flinkur og útsjónarsamur leikmaður. Það verur hins vegar að koma í ljós hvort þeir hæfileikar nýtast við að byggja liðið upp. Rúnar verður ekki einn. Pétur Pétursson hefur  sýnt að hann er afburðarþjálfari. Hann mætir til þess að byggja upp. 

Áður hefur Luka Kostic verið látinn taka pokann sinn, það hefur ekki skilað sér sem skyld, enn sem komið er. Það þarf ekki mikið að gerst í þessari deild, þar til að fleiri þjálfarar finni stólana sína hitna.

Loga sagt upp hjá KR

Athugasemdir

[Rafn Haraldur Sigurðsson (IP-tala skráð) 19.7.2010 kl. 22:00]

Ég held það hafi verið meira en hiti sem kraumaði undir loga, ég held að það hafi verið farið að loga undir Loga og það glatt. Burt séð frá öllu gríni þá má þakka honum fyrir þann góða árangur sem hann náði með KR ingum undanfarin ár, þó svo það hafi ekki verið að ganga upp núna hjá honum. Ég óska honum alls hins besta .

[Helga Kristjánsdóttir, 20.7.2010 kl. 00:30]

Þetta er bara svona út um allan heim,þjálfarar ná undraverðum árangri,1-3ár,þá gerist ehv. óútskýranlegt,lið þeirra hrapar,allir býsnast,smita hvorir aðra,það gerir leikmenn leiða. Þetta er nú ekki beint Proffa-legt hjá mér.Það hlýtur alltaf að vera erfitt að þjálfa,þar sem kröfur eru yfirþyrmandi. Ég vildi halda þjálfara Breiðabliks um ókomin ár,hann verkar á mig eins og Morinho.

[Sigurður Þorsteinsson, 20.7.2010 kl. 08:13]

Rafn ég er sammála þér, þessi aðskilnaður er báðum aðilum til sóma. '

 Helga það var gott innleggið þitt um ESB. Það er mjög algengt að þjálfarar nái hámarksárangri á 2-3 árum, sérstaklega hjá yngri þjálfurum. Þá eru þjálfarar oft farnir að endurtaka sig, þeir hætta að þróa leik og þá kemur oft stöðnun eða afturför. Víðast í stærri klúbbunum erlendis er um teymi að ræða, og slík vinna minkar líkurnar á stöðnun. 

Það sem Óli Kristjáns er gera er alveg frábært, en árangurinn nú er ekki bara honum að þakka. Fyrir nokkrum árum tók stjórn knattspyrnudeildar þá stefnu að nýta skildi þá góðu uppbygginu sem búið var að vinna í yngri flokkum, í stað þess að kaupa endalaust leikmenn, oft af misjöfnum gæðum. Óli kemur þegar þessi stefna liggur fyrir og hann er að kenna leikmönnum. Hann er afburða þjálfari að mínu mati stöðugt að byggja sinn mannskap upp. Það væri mjög mikill sigur fyrir  fótboltann og fagleg vinnubrögð ef Breiðablik yrði íslandsmeistarar í ár. Við gætum verið að koma upp lið sem gæti staðið sig t.d. í Evrópukeppnunum. Það án erlendra leikmanna! Ef ég man rétt er Óli búinn að vera í 3 ár og gæti hæglega verið í 3-4 ár til viðbótar. Til þess þyrfti hugsanlega að styrkja teymið hjá honum.