Spurðu áður en þau fatta það!

Á Vísi í dag, kemur fram að Stöð 2 og Fréttablaðið hafi gert skoðanakönnun um hvort halda eigi viðræðum við ESB áfram eða ekki og í ljós hafi komið að 65% vildu ljúka viðræðunum.

Á sunnudag var ég í feiknargóðri skötuveislu og þar var m.a. ESB umræðan tekin. Þeir sem tóku þátt að ræða niðurstöðu síðustu daga, viðurkennu flestir að þeir höfðu alls ekki kynnt sér um hvað málið snérist. Einn var ESB sinni og hann sagði niðurstöðu síðustu daga vera mikil vonbrigði. Nú væri alveg ljóst að við værum ekki að fara að taka upp Evru á næstu árum. Hann vildi samt klára þessar viðræður. Aðrir höðu alls ekki kynnt sér hver staðan er, þá voru þeir sem engan áhuga höfðu á málinu, eða voru ekki virkir í samræðunum. 

Skoðanakönnun nú er auðvitað bull. Spyrja þarf hver tilgangurinn er. Hvenær var skoðanakönnunin tekin?

Venjulegt fólk á eftir að kynna sér niðurstöðuna. Sjálfur hef ég leitast við að setja mig í það sem hefur verið að gerast bæði í þýskum og enskum fjölmðlum. Niðurstaða mín er að ESB muni skiptast upp, ef ekki alveg þá í deildir. Það skiptir máli í hvaða deild er þá sótt um. Það er alls ekki víst að efsta deildin væri áhugaverð, heldur ekki neðri deildirnar. 

Skoðanakönnun Stöðvar2 og Fréttablaðsins ber allan keim að vera áróðursaðgerð fremur en skoðanakönnun. 

Meirihluti vill ljúka ESB-viðræðum

Athugasemdir

[Kristján B Kristinsson (IP-tala skráð) 12.12.2011 kl. 09:40]

Hver tekur mark á Fréttablaðinu?

[Jón Steinar Ragnarsson, 12.12.2011 kl. 09:59]

Aftur er sama gildishlaðna spurningin í gangi, þar sem þjóðaratkvæðum er grautað saman við seinni spurninguna. Nákvæmlega sömu spurninga spurði Capacent Gallup fyrir sterkara Ísland og þá varð niðurstaðan 50/50.

Þetta var fyrir rúmum 1/2 mánuði eða svo. Sveiflan er gríðarleg. Hvað veldur?  Hér er enn um sama 800manna úrtakið að ræða, sem þeir hafa verið að hringja í hjá Stöð 2 og fréttablaðinu. Sami hópur og vildi losna við Jón Bjarna í sama símtali.  Handvalinn hópur áskrifenda. 

Ég vil gjarnan vita meir um grundvöll þessarar furðulegu könnunar. Nú er mikilvægt að fá aðra og vandaðri könnun gerða. Spurningarnar af eða á:  Viltu draga umsóknina til baka, eða, Viltu klára umsóknarferlið? 

 Hér er eitthvað verulega rotið á ferðinni.

[Anna Sigríður Guðmundsdóttir, 12.12.2011 kl. 20:51]

Það skiptir öllu máli fyrir alla, að vinnubrögðin séu vönduð, og unnin af heiðarleika og réttlæti hjá öllum fjölmiðlum, ef á að vera mark á þeim takandi.

Sérstaklega á svona gífurlega miklum umbrota-tímum í heiminum.

Hver væri annars tilgangur fjölmiðla-skoðanakannana-frétta yfirleitt?

M.b.kv.

[Jón Atli Kristjánsson, 12.12.2011 kl. 21:38]

Ég legg til að þið bloggarar góðir lesið fréttina aftur, hún er viðhengi hjá SÞ. Flestum vangaveltum er þar svarað. Svarhlutfall, afstaða til spurninga er mjög hátt, það kemur fram hvenær könnunin er gerð. Afstaða fylgjenda VG er áhugaverð og einnig sjálfstæðisfólks. Það er að mínu viti engin efni til að gera lítið úr þessari könnun.

[Sigurður Þorsteinsson, 12.12.2011 kl. 22:54]

Jón, niðurstaðan í samningaviðræðunum í Evrópu eru að koma rétt fyrir helgina. Almenningur hefur ekki kynnt sér þær. Að tímasetja skoðanakönnun á þeim tímapunkti er hreinlega galin. Spurningarnar eru eins og samdar af Agli Helga áróðursmeistara Samfylkingarinnar.