Fokdýrar ESB viðræður

Samkvæmt skoðanakönnunum vildi meirihluti þjóðarinnar láta reina á ESB aðild, en jafnframt taldi meirihlutinn að við myndum ekki ná þeirri niðurstöðu sem við teldum ásættanlega. Ef þjóðin yrði spurð:

 Viltu sækja um aðild að ESB, til þess að láta reyna á hvað í boði er? Er ég ekki viss um að um slíkt næðist meirihluti, og enn má telja líklegt að allnokkrir yrðu fráhverfir umsókn ef þeir fengju að vita að kostnaðinn við þessa umsókn yrði yfir 1 milljarður.

Ef við þurfum að samþykkja Icesave til þess að fá að láta reyna á hvar stæði til boða í ESB þá gæti það kostað okkur 100-250 milljarða eins og fram kemur í grein Ragnars Hall í dag, er ég sannfærður um að mikill meirihluti þjóðarinnar myndi fella slíkar viðræður.

 

 

 

Breski tryggingasjóðurinn leystur undan ábyrgð

Athugasemdir

[Loftur Altice Þorsteinsson, 27.7.2009 kl. 09:51]

Við skulum ekki gleyma Sigurður árlegum kostnaði af aðild að ESB. Samkvæmt heimildum frá Svíþjóð, kostar aðild þá SKR.100 milljarða á ári.

Þetta samsvarar ÍKR.60 milljörðum á ári fyrir okkur !!!

[Sigurður Þorsteinsson, 27.7.2009 kl. 09:54]

Loftur ef svo er þá fer nú að verða lítið eftir fyrir þjóðina til að lifa af, fyrst Icesave og síðan ESB kostnaðurinn.

[Arnlaugur Helgason, 27.7.2009 kl. 14:51]

Ég tel afar ólíklegt að kostnaðurinn hjá Svíum eða öðrum aðildarþjóðum sé meiri en ágóðinn af verunni í ESB. Held að Svíar séu ekki svo heimskir en það má svo sem vera að þið hafið meiri þekkingu á því en þeir. Ef við ákveðum að fara ekki í viðræður af því að við teljum að við töpum á því fyrirfram er það eins og með tjakkinn fræga. Segi ekki meir.

[Loftur Altice Þorsteinsson, 27.7.2009 kl. 15:28]

Svíarnir fullyrða að kostnaður þeirra sé svona hár.

Heimild: http://www.nyframtid.com/PDF/EUs%20ekonomi%20och%20de%20stora%20kostnaderna.pdf

[Sigurður Þorsteinsson, 27.7.2009 kl. 16:10]

Arnlaugur, ein aðal ástæða þess að Norðmenn fóru ekki inn var vegna þess að þá misstu þeir aðganginn að sjávarauðlindunum.  Telur þú líklegt að Svíar hefðu verið tilbúnir að borga 2900-7250 milljarða fyrir það eitt að fara inn, eins og okkur er ætlað að greiða í aukaþóknun með Icesave? 

[Jonni, 28.7.2009 kl. 09:33]

Aumt er nú ástandið á Íslandi, en ekki vissi ég að það væri svo aumt að við höfum ekki einu sinni efni á því að athuga hvort ESB sé vænlegur kostur fyrir okkur. Svo veikburða þjóð er ekki í góðum málum, það skal vera víst.