Ísöld Morgunblaðsins

Það virðist vera einhver óskapleg depurð og pirringur á Morgunblaðinu síðustu mánuðina. Fyrst hélt ég að þetta væri einhver alvarleg sótt, en er farinn að hallast að því að þetta sé bara slæmur hnerri.

Það þarf að gera Being There eftir Jerzy Kosinski að reglulegri skyldulesningu fyrir starfsmenn Morgunblaðsins. Það er alveg rétt ályktað að á eftir hausti kemur vetur, en síðan kemur vor og þá sumar, en ekki ísöld.

Útrásin hefur gengið í heildina afar vel og fjármálafyrirtækin orðin mikilvægur hluti af gangverki efnahagskerfisins. Verkefnin nú felast í því að finna leiðir til þess að styrkja okkur í sessi sem fjármálaþjóð. Útrásin hlýtur að sveiflast eftir þeim tækifærum sem uppi eru hverju sinni. Einhver dæmi ganga ekki upp, eins og Nyhedsavisen. Svo verður eflaust víðar.

Krafa okkar til fjölmiðlanna er að fjallað sé um viðskiptalífið og pólitíkina af hlutleysi, virðingu og víðsýni á það hefur talsvert skort hjá Morgunblaðinu síðustu mánuðina.

Íslenska útrásin að stöðvast?

Athugasemdir

[Þór Ludwig Stiefel TORA, 31.1.2008 kl. 10:24]

Algerlega sammála.
Það er e.t.v. kominn tími á að alþjóð láti af því að setja Morgunblaðið á þann stall sem það hefur verið. Þetta er bara dagblað og þær skoðanir sem þar koma fram endurspegla á engan hátt skoðanir þjóðarinnar - ekki einu sinni hluta hennar. Það eru skoðanir þess er skrifar og hugsanlega ritstjóra - basta.