Mikið leiðtogaefni

31.1.2009 | 20:45

Bjarni var afburða íþróttaefni og fyrirliði yngri landsliðanna í knattspyrnu. Það er engin spurning að hef hann hefði haldið áfram hefði hann orðið fyrirliði landsliðsins. Til að lýsa Bjarna, þá er hann þrælduglegur, heiðarlegur,markmiðasinnaður, mjög skynsamur og góður drengur. Einkenni Bjarna er að hann þorir að taka ákvarðanir, en hlustar vel á rök annarra. Það er sama hvort andstæðingar hans eru flokksfélagar hans eða ekki. Hann hefur mikla samúð með þeim sem minna mega sín og verður seint flokkaður sem stuðningsmaður við öfgastefnur. Þegar ég var spurður nýlega hvort við hefðum einhvern með útgeislun Barac Obama, þá höfum við Bjarna Benediktsson. Við þurfum á erfiðum tímum feiri leiðtoga í öllum flokkum eins og Bjarna.

	Bjarni staðfestir framboð
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Já þvílíkur leiðtogi. Það setur að manni hroll við svona miklum sjarama.

hilmar jónsson, 31.1.2009 kl. 20:51

Hilmar það er öfundarhrollurinn.

Sigurður Þorsteinsson, 31.1.2009 kl. 22:05

Sammála þér Sigurður. Við þurfum á leiðtogum að halda til að leiða okkur inn í nýja tíma - eða nýja von - eins og Obama orðaði það í sinni kosningabaráttu. Bjarni Ben er leiðtogaefni en fyrst þarf Sjálfstæðisflokkurinn að komast í var og leiðrétta kúrsinn áður en siglt er til hafs á ný!

Jón Baldur Lorange, 1.2.2009 kl. 18:28

Jón, hárrétt. Allir flokkar þurfa að stokka upp m.a. vegna ástandsins. Það eru valdakerfi innan þessara flokka sem full ástæða er að hrista upp í. Krafan er mun virkari lýðræði.

Sigurður Þorsteinsson, 1.2.2009 kl. 20:34

Sæll Siggi minn.

Mér hefur alltaf litist vel á Bjarna Ben, og alltaf reiknað með honum í forustuna.

En er hann traustsins verður í dag ?

Hann hefur sýnt og sannað að hann er léttur í taumi hjá réttum aðilum.

Bestu kveðjur Jenni

Jens Sigurjónsson, 5.2.2009 kl. 14:39

Frjáls verslun var að gera skoðanakönnun í gær meðal Sjálfstæðismanna og þar fékk Bjarni 57%, Þorgerður Katrín 22%, Kristján Júlíusson 5%, Guðlaugur Þór 4% og Illugi Gunnarsson 4%. Þegar allir kjósendur voru spurðir fékk Bjarni 44% og Þorgerður 37%, Kristján, Guðlaugur Þór, Illugi og Davíð Oddson milli 2-4%. Held að þetta sé nokkuð nærri lagi. Miðað við þessa könnun kæmi mér ekki á óvart að Bjarni færi einn fram til formanns.

Styrkur Bjarna er að hann á mjög auðvelt að vinna með fólki, og þá sama í hvaða flokki sem er. Hann er ástundar ekki að vera í flokkspólitískum nuddingi og fyrir það fær hann virðingu. Ég sé ekki að hann láti stjórnast af öðrum. Hann hefur mjög skýra sýn, er markmiðasinnaður, hlustar og þorir alveg að setja fram skoðanir sem ekki endilega falla öllum í geð. Hins vegar hlustar hann vel á ábendingar og þá skiptir engu máli hvort þær eru frá samherjum hans í pólitík eða ekki.

Nýjir tímar kalla á nýtt fólk, og það verður örugglega endurnýjun í öllum flokkum.

Sigurður Þorsteinsson, 5.2.2009 kl. 18:38

Þú virðist þekkja kosti og væntanlega galla Bjarna. Ég get tekið undir það að Bjarni kemur vel fyrir og margt gott sem hann segir og hann virðist vera einn af þessum örfáu þingmönnum sem gera sér grein fyrir alvarlegu ástandi þjóðfélagsins, en virðist þó vera "jarðtengdur". Mig undrar ekki að þessi ungi maður eigi bjarta framtíð fyrir sér í pólitík. Ég er ákaflega undrandi á mönnum sem tengja hann "ættarveldinu" og telja það stórgalla á honum, því hver maður fellur og stendur með "sínum gjörðum en ekki forfeðra sinna". Getur verið að aðrir flokkar "öfundi dálítið".