Með hvaða liði heldur þú?

Þegar ég var yngri hélt ég með Manchester United, einhverjir vina mina héldu með Liverpool, Totterham, Leeds og Derby. Við áttum húfur eða trefla ,,okkar" félaga. Við vissum sumir nöfn leikmanna  í félögunum. Síðan héldum við með íslenskum liðum. Ég meiddist snemma og hóf að þjálfa mjög snemma. Síðan var sest á skólabekk til þess að læra meira um íþróttagreinina. Eftir því sem ég lærði meira og þjálfaði lengur, minnkaði áhugi minn á að halda með einhverju ákveðnu félagi. Fótboltinn skipti miklu meira máli. Mér er nær óskiljanlegt að margir áhugamenn í fótbolta hata lið, t.d. eins og KR, en elska sitt lið. Ef uppáhaldsliðið tapar, er það nánast alltaf vegna óheppni, vegna óheiðarleika mótherjanna eða dómarinn var ómögulegur.

 Nú hafa verið stofnaðir aðdáendaklúbbar fyrir nokkur af ensku liðunum. Félagarnir mæta vel fyrir leiki á fyrirfram ákveðna bari og hita sig upp. Svo kyrja menn frasa til dýrðar sínu liði, eða til að niðurlægja lið mótherjanna.

Þetta atferli virðist einnig vera í pólitíkinni. Það er eins og litrófið einskorðist við hvítt og svart. Það mitt lið og þitt lið. Ef þú samsinnir ekki öllum skoðunum liðsins, ert þú flokkaður í hitt liðið. Í okkar liði er bara ein skoðun, sú rétta. Allt góða fólkið er hjá okkur og allt það vonda hjá hinum. Það er ekki hikað við að kalla andstæðinganna landráðamenn þeir, þiggja mútur og eru endalausir lygarar, auk þess að hafa ekkert fram að færa. Slíkar fullyrðingar eru síðan settar í frasa sem hver étur upp eftir öðrum, oftast nær hugsunarlaust. Mitt í þessari hjarðhugsun, krefjast menn svo aukins lýðræðis, hvernig sem það nú fer saman.

Vaxandi hópur tilheyrir ekki þessum liðum, og gengur tiltölulega óbundinn til kosninga. Þessi hópur er tiltölulega hljóðlátur. Ef fjölmiðlarnir stæðu sig betur í stykkinu og spyrðu gagnrýnna spurninga, er líklegt að þessi hópur stækkaði umtalsvert.

Samfylking eykur forskot sitt

Athugasemdir

[Birgitta Jónsdóttir, 9.4.2009 kl. 16:00]

XO er þverpólitískt afl - með það að leiðarljósi að koma hér á þeim nauðsynlegu breytingum sem til þarf til að hér verði alvöru rannsókn á hruninu - að hér verði framkvæmdar nauðsynlegar umbætur á stjórnsýslunni og upprætingu á þeirri spillingu sem hefur fengið að blómstra í skjóli flokkaveldisins.

[Anna Guðný , 10.4.2009 kl. 01:59]

Mikið til í þessu hjá þér :)

[Gísli Foster Hjartarson, 18.4.2009 kl. 13:56]

Frábær punktur hjá þér og sovna nákvæmlega er þetta búin að búa í bæjarfélagialla mína ævi þar sem af meirihluta þeirra háværu hefur veið nánast Guðalst að styðja ekki sjálfstæðisflokkinn, alveg sama hvað hefur gengið á og hversu mikið hefur verið gengið á rétt manns - skiptir ekki máli þú átt að styðja þinn flokk........veistu þetta er svei mér þá verra en með enska eða íslenska boltann menn viðurkenna þó þegar ÍBV á lélegan leik.

Sem betur fer er þetta að breytast og fólk að verða meira opið og mótar sér meira skoðun eftir mönnum og málefnum frekar en hjarðeðlinu sem er að mínu mati af hinu góða.

....út frá þessari umræðu er hægt að skrifa þvílíka langloku - ég læt h´re staðar numið og þakka þér fyrir nettan en góðan pistil..reyndar ætti ég að segja pistla því ég renndi í gegnum bloggið þitt og hafði gaman af

[Sigurður Þorsteinsson, 19.4.2009 kl. 11:05]

Brigitta rannsókn er í gangi og ég held að á sama tíma verðum við að hefja endurreisnina. Ef rannsókn tekur t.d. 2 ár, hvað gerum við í millitíðinni. Kosningar með svo skömmum fyrirvara þýða litlar breytingar í íslenskri pólitík. Það sem ég hef skoðað af stefnumálum allra framboða er nú ekkert til þess að hrópa húrra fyrir.

Anna Guðný bestu kveðjur norður. Ferðum þangað hefur ítrekað verið frestað. Verð í sambandi þegar ég kem norður.

Gísli Foster þakka fyrir. Í sveitarstjórnum þarf að lyfta sér upp fyrir þessa flokkapólitík. Mannlíf í Eyjum rúmast svo illa fyrir í hugmyndafræðikössum flokkanna.