Hlutlausa matið

Síðan Þjóðhagstofnun var aflögð, hefur Hagfræðistofnun Háskólans verið það batterí sem helst hefur verið mark á takandi. Niðurstaða stofnunarinnar er sláandi. Við þurfum að fara mjög varlega ef ekki á illa að fara. Alþingi á ekki að samþykkja þann samning sem fyrir Alþingi liggur. Það var ekki sérstök ástæða til þess að taka niðurstöðu Fjármálaráðuneytisins alvarlega, enda þeir bullandi vanhæfir til þess að koma með raunhæfa niðurstöðu. Kæmi Fjármálaráðuneytið með niðurstöðu sem væri í andstöðu við Fjármálaráðherra. Því miður er Seðlabankinn í sömu stöðu.

Hafna þarf þessum Icesave samningi sem er allt annað en glæsilegur, og taka upp samninga upp á nýtt með okkar besta fagfólki og aðstoð erlendis frá ef með þarf.

Mesta hættan fólksflótti

Athugasemdir

[Gísli Ingvarsson, 4.8.2009 kl. 19:34]

Þessi skýrsla reynist vera ruglingslegur samtíningur á fyrirvörum sem maður var fyrirsjánlegt að myndi gerast án tilkomu IceSafe samningsins einsog fólksflótti. Það að fólk flytur burt af landinu er þegar staðreynd og mun því miður aukast. Skýrslan gagnrýnir Seðlabankann fyrir að vera of bjartsýnn! Þetta lið þarf að komast á Prozac. Svartagallsraus og væl og vol er það sem þið viljið heyra. Vonandi getur alþingi ýtt þessu plaggi útaf borðinu án langrar þvælinnar orðræðu.

Þú nefnir einsog svo margir að það sé hægt að hafna þessum samningi og fara strax í nýjar samningaviðræður. Þetta finnst mér undarlegt í ljósi þess að mikilvægara er fyrir Íslendinga að fá samninga en viðsemjendur okkar sem geta beðið árum saman. Bretar og Hollendingar þurfa ekkert að semja við okkur. Þeir hafa sín úrræði og aðgang að fjármagni sem við höfum ekki. Á meðan mun efnahagslífinu hér blæða út og það sem við tekur verður afar ófyrirsjánlegt.

[Sigurður Þorsteinsson, 4.8.2009 kl. 20:50]

Við fáum harða gagnrýni frá okkar fremstu lögfræðingum, með rökum sem ekki er leitast við að svara. Frá Evu Joly og nú frá Hagfræðistofnun Háskólans. Ljóst er að meirihluti Alþingis mun ekki samþykkja þennan samning. Ástæðan er ekki sú að þeim finnist samningurinn of góður, heldur er ástæðan að meirihluti þingsins hefur áttað sig á að samningurinn er meingallaður. Auðvitað er enn til lið sem vill láta samþykkja þennan samning, vegna þess að með því sýnum við ESB svo mikla undirgefni. Þetta lið er ekki á Prozac, það er sennilega á einhverjum  ESB töflum.

[Gísli Ingvarsson, 4.8.2009 kl. 21:18]

Þú þarft ekki að hafa neinar áhyggjur af því að þessum samningi verið hafnað af alþingi. Það verður ekki vegna ESB eða milligöngu þaðan. Þeir lögskýringarmenn okkar sem mest hafa haft sig í frammi og efnhagsráðunautar hafa vissulega gagnrýnt og vakið óraunsæjan ótta á meðal fólks sem þér finnst greinilega rétt að ala á. Óttinn er góðar umbúðir undir illa lyktandi varning. Þessi samningur er fyrst og fremst pólitískur gerningur og mun verða tekinn upp og endurskoðaður rækilega. Þess vegna eru nú þessi sjö ára ákvæði í honum að ekkert þarf að greiða af honum. Þau eiga að kaupa tíma. Búist er við að á þeim tíma verði hægt að ganga þannig frá pólitískt að allt komi betur út fyrir alla. Núna verður hinsvegar að ganga frá þessu þannig að þeir sem um sárt eigi að binda trúi því að stjórnvöld þeirra setji íslendingunum ströng skilyrði. Eg skammast mín fyrir Ólöfu Norðdal og tel að hún hafi ekki erft snefil af huyggjuviti föður síns og láti nota sig af fjarverandi formanni siðleysingjaflokksins. Að fella þennan samning er ekki valkvætt. Pólitík hefur sínar reglur og þeir sem fara eftir þeim farnast vel. Steingrímur er ekki í samræðum við ESB á neinu stigi stjórnsýslunnar. Þessi tenging er útúrsnúningur.

[Jón Sveinsson, 5.8.2009 kl. 00:10]

ÉG hef aldrei skilið það að þið getið kallað þetta samning samningur kallar maður þegar Allir megi vel við una en ekki plagg sem fleygt sé framan í heila þjóð,Skrifið undir asnarnir  ykkar og hunskist heim og látið stjórnvöld skrifa undir.

Þetta geta menn kallað samning það er svo mikil skömm firrir Íslenska þjóð að eiga svona mikla liðleskjur sem þessi ríkisstjórn er það er eins gott að þau komu ekki að landhelgisdeilunum á sínum tíma því þá værum við komnir í moldarkofa aftur, þau hafa ekki heila heldur kvarnir.

[Sigurður Þorsteinsson, 5.8.2009 kl. 08:46]

Gísli samkvæmt þessu þá notar kokkurinn ekki fagleg sjónarmið við matargerðina, eða verkfræðinguinn fagleg sjónarmið við mat á burðarþoli eða læknirinn við uppskurð á sjúklingi. Þetta á allt samkvæmt þínum kokkabókum að vera pólitískir gjörningar.

Það er ekki ástæðulaust að ég tala um ESB töflur. Gísli nú er bara að trappa sig niður eftir verslunarmannahelgina.