HK í tímabundum vandræðum

Ég játa sem Kópavogsbúi að gengi HK veldur mér miklum vonbrigðum í 1deildinni. HK hefur staðið feiknarlega vel að yngri flokkum undanfarin ár. Það hafa því nægur mannskapur komið upp í meistaraflokk félagsins. Annað hvort hefur ekki verið rétt staðið að því að færa yngri leikmenn upp í meistaraflokkinn, of margir leikmenn verið aðkeyptir í meistaraflokki, eða skipulag elstu flokkana er verulaga ábótavant. Við Kópavogsbúar viljum eiga tvö félög í úrvalsdeildinni í bæði karla og kvennalfokki og ef HK þarf aðstoð eiga þeir að fá hana.

Þór og Fjarðabyggð með útisigra

Áfellisdómurinn er um aðgerðarleysi ríkisstjórnarinnar

Fyrir rúmu ári síðan lá fyrir álit fjölda sérfræðinga um að gengistryggingin var ólögmæt. Strax þá áttu stjórnvöld að stuðla að því að fá niðurstöðu um réttmætið. Það gerðu stjórnvöld ekki. Allar yfirlýsingar ráðherra voru í gagnstæða átt. Í millitíðinni hefur fólk og fyrirtæki farið í þrot, fjölskyldur tvístrast og fólk flutt af landi brott. Vanlíðan stór hluta þjóðarinnar hefur verið mikill. Aðgerðarleysi ríkisstjórnarinnar í þessu máli hefur skaðað fólk. Nú segir viðskiptaráðherra að niðurstaða dómsins verði jákvæð fyrir þjóðfélagið og efnahagskerfið. Af hverju var þá ekkert gert?

Meiriháttar áfellisdómur

Hjá höfðingjanum!

Í kvöld var boðið upp á fótboltaveislu hjá höfðingjanum. Við horfum á Mexíkó á móti Frakklandi með þýskum þulum. Það eru þýskir sérfræðingar sem lýsa leiknum. Þetta er allt önnur uppákoma. Höfðinginn skipti yfir íslenska sjónvarpið í 5 mínútur og það verður að segjast að þulirnir voru kjánalegir.

Hef kenningu sagði höfðinginn.

Sem er....

Þeir hafa ekki þessa stráka í lýsingunum í sparnaðarskyni.

Nú?

Nei, ef íþróttafréttamennirnir hefðu menn eins og Guðjón Þórðar, Loga Ólafs, Ólaf Kristjánsson og Willum Þórsson, þá virka íþróttafréttamennirnir eins og fábjánar. Þess vegna fá þeir til sín leikmenn, sem kunna e.t.v. 20% af því sem fagmennirnir kunna.

Gæti verið, sagði ég. (mjög líkleg skýring)

Heyrðu þetta. Frakkar ná boltanum. Þeir sparka útaf. Innkast sem Mexíkó á. Halda þessi fífl að við séum ekki að horfa á boltann. Skiptum yfir á Þjóðverjana, þetta fúsk eyðileggur leikinn fyrir manni.

Það er franskir smáréttir með boltanum, ásamt sérlega góðu frönsku rauðvíni. 

Ég minnist þess fyrir 5 árum síðan, þegar við gerðum dómarasamninginn. Þá horfðum við á enska boltann í 4 helgar í röð, en fyrir leiki fór ég yfir dómaralögin. Útskýrði m.a.  rangstöðu, beina óg óbeina aukaspyrnu, hvort bolti færi í hönd eða hönd í bolta. Ég varð að kaupa lögin fyrir höfðingjann. Eftir það er hann með lögin á hreinu, sem margir íþróttafréttamenn eru alls ekki og síst aðfengir leikmenn. 

Lélegir íþróttafréttamenn fara sérstaklega í taugarnar á höfðingjanum. Í fyrstu lýsingu sem ég var með honum braut hann forkunnarfallegt innskotsborð. Það var litli bakarasnúðurinn. Höfðinginn minntist á hann aftur í kvöld. Ég fór að horfa á mína menn. KR á móti Fram. Þá heyrði ég það ljótasta orðbragð sem ég hef heyrt í áhorfendastúku hérlendis. Hvatning til óhæfuverka. Minnti mig á knattspyrnubullurnar í Englandi. Þær verstu. Mér var litið á kauða. Jú, mikið rétt. Var þá ekki kominn litli bakarasnúðurinn, sem reif kjaft,sama innihaldslausa bullið.

Nú er hnn kominn í pólitíkina. Hann var settur í baráttusætið.

Hann spurði ég.

Jú, bakarasnúðurinn.

Nei, nei. hann var ekki í neinu baráttusæti, hann var settur í einhverstaðar neðalega á lista.

Bíddu við ungi maður. Sjáðu Mexíkanana. Þeir eru allir með baráttuna á fullu. Líka varamennirnir. Þess vegna vinna þeir Frakkana. Settu eitt skemmt epli á bekkinn, og þeir spila eins og Frakkar. Það eru allir liðs í baráttusætinu, líka í pólitíkinni.

Fótboltasýningar hjá höfðingjanum eru engu líkar. Ég nenni varla að horfa á sýningarnar a flatskjánum heima, það vantar umgjörðina og menninguna. Fyrir höfðingjann er þetta heilög athöfn. Í henni tek ég þátt með glöðu geði.  

Mexíkó sigraði Frakkland 2:0

Styrkjamál Samfylkingarinnar

Styrkir eru í sínu versta formi mútur. Þetta vissi Samfylkingin eftir síðustu Alþingiskosningar, þegar þeir fóru fram á það við VG að fá peninga úr Ríkissjóði til þess að fara í ESB leik. Í byrjun var þjóðinni sagt að kostnaðurinn yrði rúmlega milljarður, en það er fjarri lagi. Væri full ástæða til þess að fá rannsóknarnefnd í málið og fá fram réttar tölur. Kostnaðurinn við ESB umsóknina er bæði hægt að skilgreina sem styrk til Samfylkingarinnar og líka mútur. Steinunn Valdís sá sitt óvænna og sagði af sér, það á Samfylkingin líka að gera. Ekki bara úr ríkisstjórn, heldur úr íslenskri pólitík.

Skilur lítinn stuðning við ESB

AES - Austur Evrópusambandið

Það hefur vakið athygli í Evrópu, rétt eins og hérlendis að yfirlýstir stuðningsaðilar ESB lyfta ekki litlafingri til þess að auka stuðninginn við inngöngu í ESB. Þegar nánar er skoðað kemur að sjálfsögðu í ljós að sú barátta er fyrir löngu töpuð, fyrir utan heittrúaða samfylkingarsnúða eru örfáir villuráfandi sauðir sem álpast til að styðja dæmið. Ljóst er að enginn þingmaður VG mun styðja aðild að ESB, og aðeins örfáir aðrir þingmenn.

Í Evrópu er vaxandi kurr meðal Þjóðverja, Frakka og Breta með stöðu annarra þjóða innan ESB. Vaxandi fylgi er fyrir að skipta ESB í vestur og austurhluta: Í Vesturhlutanum yrðu þá þróaðri ríki en í Austurhlutanum yrðu vanþróaðri vestræn ríki s.s. Grikkland, og fyrrum ríki austurblokkarinnar, þar sem kommúnisminn lifir góð lífi. AES verður okkar hlutskipti, og í stað Evrunnar fáum við Rúbluna. Austur þýska velferðarþjóðfélagið, draumaríki ríkisstjórnarflokkanna er orðið að veruleika.  

Aukið samstarf við Kína og Rússland verður sett á oddinn. Gjaldeyrissamningar verða gerðir við þjóðir sem okkur áður fyrr datt ekki í hug að gera. Rúmeníu, Búlaríu og Albaníu.  Ráðstafanir eins og að setja afdankaðan kommúnista yfir Icesavesamningana verður nú allt í einu eðlileg ráðstöfun í ljósi sögunnar og nýrrar stefnu. 

Sagt er að Steingrímur og Jóhanna faðmist nú kvölds og morgna. Langtímasýnin er komin. 

Metandstaða við ESB í Noregi

Fylgi við ESB er nú eins og Íslandi að hverfa. Þetta stafar af því að í þessum löndum er læsi þokkalegt og mikið af upplýsingum fáanlegt um ESB og áhrif þess. Nú eru um 25% Norðmanna hlynntir inngöngu í ESB og er reiknað með að sá stuðningur verði kominn undir 20% þegar líða fer á árið. Þrátt fyrir þetta er hluti ríkisstjórnarinnar íslensku svo miklir snillingar að eyða milljörðum af skatttekjum ríkissjóðs í aðildarumsókn. Það á tímum sem ríkiskassinn er tómur. Ríkisstjórnin er alveg tilbúin að skera niður í heilbrigðiskerfinu til þess að fá að leika sér svolítið í ESB inngönguleik, sem öllum er ljóst að þjóðin mun alfarið hafna að viðræðum loknum.

Segir ríkisstjórnin af sér?

Það er öllum löngu ljóst að ríkistjónin er ónothæf til allra verka, nema óhæfuverka. Icesavestjónin er komin í þrot og er ekki  á vetur setjandi. Það væri að sjálfsögðu mikil gæfa fyrir íslensku þjóðina ef þetta lið segði af sér, en það væri of gott til að vera satt. Spái afsögninni í haust eftir að upp úr sýður.

Boða til flokksráðsfunda

Vandi atvinnulausra

Nú eru um 1000 einstaklingar að falla út af skrá fyrir atvinnulausa, sem þiggja bætur. Þá er vandi þeirra vandi sveitarfélaganna. Reynt hefur verið að leita leiða til þess að bæta kjör þessa fólks. Sagt er að Árni Páll  hafi verið himinlifandi þegar eftirfarandi frétt kom á Pressunni í dag.

Atvinnulausum konum hjálpað til að finna sér ríka karla til að spara í félagsþjónustunni

Tvö hollensk þorp hafa tekið höndum saman um verkefni þar sem atvinnulausum konum er hjálpað við að finna sér ríka karla og giftast þeim. Markmiðið er að spara í félagsþjónustunni.

 

Hún kom frá Dresden

Sem nýgift kona settist hún að í Dresden ásamt eiginmanni. Fjarri fjölskyldu sinni og vinum. Þetta ver rétt eftir heimstyrjöldina síðari. Aðskilnaðurinn frá fjölskyldu hennar stóð yfir í 40 ár. Stjórnvöld hömruðu á félagshyggju, samráði, réttlæti og öryggi. Styðja þá sem minnst mega sín. Niðurstaðan eftir 40 ár að við vorum í raun öll öreigar. Allt var í niðurníðslu vegir, byggingar og mannlíf. Samhjálpin og félagshyggjan fólst í því að hver hugsaði um að komast af og stela af ríkinu ef möguleiki var á. Síðan fylgdumst við með hvort öðru og sum á launum.  Við vissum hvar við máttum tala og hvar ekki. Áróðurinn gegn vestrinu, gróðahyggjunni var gengdarlaus. Það voru mörg tannhjólin í vél kommúnistaflokksins sem unnu dag og nótt. Framfarirnar og úrbæturnar voru alltaf í vinnslu. Rétt að koma. Ein fimm ára áætlunin var ekki fyrr liðin og svikin, fyrr en ný glæsileg tók við. Flokksgæðingarnir hrópuðu húrra, húrra í hvert skipti, rétt eins og einhverjir þeirra gerðu í tíð Hitlers.

1989 urðum við frjáls. Margir áttu erfitt að fóta sig, en þetta er á réttri leið. Hugarfar kommúnismans er eins og askan úr Eyjafjallajökli, hún smýgur um allt. Ef við erum ekki vakandi fer hún í gangverk þjóðarvélarinnar og hjólin stöðvast. Þessi einstaka 86 ára  kona var að koma í sína 3 ferð til Íslands. Skilaboð hennar settum við í allt annað samhengi en hún ef til vill ætlaðist til.  

Nú er bara að samfylkjast frá vandanum.

Að samfylkjast er nýyrði yfir að blekkja eða ljúga og jafnfram kenna öðrum um. Auðvitað er búið að slá skjaldborg um heimilin í landinu. Væntanlegur er listi yfir aðgerðir sem stendur til að hugleiða að setja á framkvæmdalista. Svo er ýmislegt mjög merkilegt í vinnslu sem verður kynnt mjög fljótlega. Þetta er ekki það sama sem áður hefur verið í vinnslu og ekki hefur verið birt, en afar merkilegt framlag til skuldug heimili. Jóhanna er snillingur. DV ætlar að velja hana sem DV stúlku ársins og birta mynd af henni á 3 síðu. Ísland er yndislegt land

Hafa komið til móts við skuldavandann