Bíll, pylsur, lóðir og lestir.

Halla Tómasdóttir keypti sér bíl hjá Brimborg. Það fer í fjölmiðla og þá gerir hún það eina rétta gefur upp kaupverðið. Fjölmiðlamenn telja sig hafa komist í frétt. Ef Halla fékk afslátt var það siðferðilega rétt eða ekki? Örugglega ekki stærsta málið! Hún og Egill Jóhannsson þekkjast alveg örugglega frá fyrri tímum. Nú hefur ekki komið fram hvað afslátturinn er mikill en fljótt á litið gerði Egill mikil mistök að setja þessi kaup á netið, og hefur reyndar viðurkennt það. Hefði Halla keypt notaðan bíl, hefðu allir verið rólegir. Hæstráðandi á mínu heimili vinnur í heilbrigðiskerfinu. Þegar hún fer á ráðstefnur erlendis, þá þiggur hún ekki flugferðir eða dýrar gjafir frá framleiðendum efna sem hún þarf að velja á milli fyrir skjólstæðinga sína. Þegar hún fer í Pylsumeistarann sem hún gerir gjarnan, hefur hún í nokkur skipti verið beðin um að prófa einhverjar nýjar pylsur, eða álegg og veitir Pylsumeistaranum gjarnan upplýsingar ábendingar, mat á gæðum og bragði. Oftast er þessar vörur í allra hæsta gæðaflokki og framleiðandinn er mikið á móti aukaefnum í vörunum sínum. Hún fær ekki greitt fyrir, eða er notuð í auglýsingum til að auglýsa vörurnar. Siðferðilega er þetta allt innan marka. Fjölmiðlar fjalla ekkert um málið. Svo kemur upp að fyrrum borgarstjóri afhendir eigendum olíufélaganna milljarða í formi lóða. Sannarlega hefur eitthvað verið minnst á málið, en afar hógvægar ábendingar frá fjölmiðlamönnum. Nýjasta dæmið eru viðskipti við Þorparana, sem hafa efnast um milljarða í samskiptunum við fyrrum borgarstjóra. Helsta gagnrýnin kemur frá Bolla Héðinssyni hagfræðings sem hefur fjallað um málið á fésabókarsíðu sinni. Bolli er flokkaður í Vókarm Samfylkingarinnar, þeirra sem hent er út úr flokknum vinstri hægri í hreingerningum Nýsamfylkingarinnar. Þá heyrist ekki múkk á fjölmiðlunum. Er það siðferðilega ásættanlegt að RÚV þegi um málið í ljósi tengsla Stefáns útvarpsstjóra við Dag B. Eggertsson fyrrum borgarstjóra. Einn af þorpurunum er fyrrum rektor á Bifröst og orðinn milljarðamæringur eftir viðskipti sín og ráðgjöf m.a. um lestar og samgöngu við fyrrum borgarstjóra. Runólfur fyrrum rektor,  er jú líka góður vinur Dags fyrrum borgarstjóra. Ef einhverjum starfsmönnum Kveiks dytti í hug að fjalla um ósómann mun Ingólfur Bjarni Sigfússon sjálfsagt reka þann starfsmann og vera með yfirlýsingar um gæði starfsmannsins sem fjölmiðlamanns eða persónu. Svo getum við metið hvort slíkt mat Ingólfs Bjarna sé siðferðilega rétt, eða bara bölvaður áróður. 

Aðförin að framtíðinni!

Fyrir síðustu kjarasamninga bar ég mikla virðingu fyrir tillögu Vilhjálms Birgissonar, en ég lagði sagði í mínum skrifum að samningarnir væru ekki góðir nema tekið yrði á húsnæðismálunum. Vann í nokkur ár í ráðgjöf varðandi húsnæðismál. Þá voru lóðaþátturinn 3 til 5% af húsnæðisverði Nú eru lóðahlutinn 25 til 30% á höfuðborgarsvæðinu. Hverjir borga brúsann jú unga fólkið okkar og þeir sem minna mega sín. Þjóðarsamningarnir á sínum tíma byggðu á að láta flokkapólitík til hliðar og láta hagsmuni fólksins ráða. Nýta þekkingu á efnahagsmálum til þess að ná verðbólgunni niður. Því miður er þetta ekki endurtekið nú. Húsnæðisliðurinn í verðbólgumælingum heldur fyrst og fremst verðbólgunni uppi. Sveitarfélögin gefa skít í baráttuna gegn verðbólgunni og bjóða út lóðir, á sama tíma og það er mikill skortur á lóðum og hverjir eiga að borga. Jú unga fólkið okkar og þeir sem eru á leigumarkaði. Hafi menn skömm fyrir. Hvert leita menn lausna þegar kjarkurinn til að taka á málinu er ekki til staðar. Jú, ætlar Seðlabankinn ekki að lækka stýrivexti? Þetta kalla þeir sem hafa þekkingu á efnahagsmálum populisma. Einfalda lausn, með ekkert innihald. Þessu hatri á unga fólkinu verður að svara. 

 

 

 

Vók vírusinn ekki ennþá náð til Grænlands

Þegar meintir glæpamenn fara á milli landa, eru þeir yfirleitt ekki að tilkynna komur sínar. Það gerir Paul Watson. Hann er ekki að fara til Grænlands í náttúruskoðun, það vita heimamenn og handtaka hann strax við komuna, enda eftirlýstur. Á hann engin óuppgerð mál á Íslandi? Hefði verið hægt að setja hann hér inn fyrir meint óhæfuverk hans og/eða samtaka hans  á Íslandi? Fyrir Grænlendinga eru hval og selveiðar hluti af þeirra menningu. Þó hvalveiðar hafi ekki sama sess hérlendis eru þær hluti af menningu okkar og sögu. Ég skil vel að einhverjir eru á móti hvalveiðum. Er samt viss um að ef byrjað væri að rækta hunda til manneldis þá færu einhverjir upp á afturlappirnar. Sum staðar þykir át á svínakjöti ósiðlegt. Þegar hvalveiðar voru ákveðnar síðast fóru örfáir Íslendingar niður á Austurvöll og mótmæltu. Þeir fóru í hóp stuðningsmanna Palestínu, sem hafa hegðað sér hér sem örgustu dónar. Er svo komið að stór hluti þjóðarinnar myndu vilja henda þeim úr landi fyrir framkomuna. 

Staða flokkana - spáð í spilin

Síðasta skoðanakönnun Gallups um fylgi flokkana kemur ekki svo á óvart. Við tekur sumarleyfi á Alþingi og átökin líkleg að verði minni en hefur verið, þó ýmislegt sé í pípunum.

Sútninkflokkurinn í vetur er tvímælalaust Samfylkingin sem hefur verið um og yfir 30% í skoðanakönnunum. Engin spurning að koma Kristrúnar Heimisdóttur vegur þar þungt. Í skoðanakönnum fyrir kosningar fékk Samfylkingin nokkru meira en í kosningunum sjálfum og munar þar allt að 15%. Sé niðurstaða Gallups nú leiðrétt miðað við þetta þá er samfylkingin að fá um 22,9%, sem flestir stuðningsmenn yrðu ánægðir ef það yrði niðurstöður næstu kosninga. Það eru hins vegar svört ský á lofti. Hreinn klofningur er kominn fram Gamla Samfylkingin og Nýja Samfylkingin munu ekki vinna saman. Á milli þessara arma er komin djúp gjá. Mjög sterkur skoðanaágreiningur sem vart verður séð hvernig á að brúa. Líklegast er að fram komi nýtt framboð og þegar líklegt að slíkt framvoð fái nokkuð fylgi. Það sem ógnar samt Samfylkingunni enn meira er að ,,erfðaprinsinn" Dagur B. Eggertsson tók ekki við af Loga Einarssyni, sjálfsagt sáu margir hvernig viðskilnaður Dags yrði hjá Reykjavíkurborg. Þegar þau mál verða gerð upp í haust er líklegt að flokkurinn verði fyrir talsveðrum skakkaföllum hvað fylgi varðar. Kristrún er fyrst og fremst að höfða til flökkufylkisins sem hreyfist milli flokka. Sá hópur fer vaxandi. Þegar á reynir gæti Nýja Samfylkingin verið komin niður í 17% raunfylgi þegar haustar. 

Sjálfstæðisflokkur greinist með 18,5% og hefur oft mælst hærra. Hins vegar eru niðurstöður kosninga yfirleitt mun betri en í skoðanakönnunum og er fylgið uppreiknað 20,2% sem enn er sögulega mjög lágt. Líklegt er að árangur Guðrúnar Hafsteinsdóttur varðandi útlendingamálin eigi eftir að hækka fylgið nokkuð þegar á komandi mánuðum. Þá virka ráðherrar flokksins kröftugri og stefnufastari, en áður. Það er líklegt að skila einhverri fylgisaukningu.  

Framsóknarflokkurinn kom afar illa út úr þessari skoðanakönnun, en Framsóknarflokkurinn kemur ávallt sterkari út úr kosningum en skoðanakönnunum og ef tekið er tillit til síðustu kosninga þá fengi Framsóknarflokkurinn 7,6% fylgi. Sigurður Ingi Jóhannsson virkar ekki sterkur og   mælist mjög neðarlega í hvað varðar fylgi sem leiðtogi. Þau  Lilja Alfreðsdóttir og Willum Þórsson eru mun sterkari. Auk þess að ekki mun koma til sameiningu við Miðflokkinn með Sigurð í formannssætinu. Einar Þorsteinsson hefur komið vel út sem Borgarstjóri og það gæti skilað flokknum fylgi í Alþingiskosningunum. 

Vinstri græn mælast nú með 4% en þeir eru yfirleitt sterkari varðandi úrslit kosninga, eða með 4,8%. Flokkurinn er í raun formannslaus í dag og öllum má vera ljós að Svandís Svavarsdóttir mun bæta stöðu flokksins ef hún einbeitir sér að húsnæðismálunum og mikilvægum málum í Innviðaráðuneytinu. Þá gæti flokkurinn náð betur til yngra fólks en nú er. Það að þeir yfirgáfu meirihlutann í Reykjavík gæti skilað auknu fylgi. Gamla Samfylkingarfólkið á hvergi heima sem stendur, og gæti að hluta farið yfir á VG. Þá ætti hluti fylgis Flokk fólksins að vera auðunnið. 

Viðreisn mælist yfirleitt hærri í skoðanakönnunum en í kosningum, og munar talsverðu. Hjá Gallup eru þau nú að fá 9,4% en með leiðréttingu væru þau að fá 6,4%. Flokkurinn er ekki afgerandi með Þorgerði Katrínu Gunnarsdóttur sem mjög veikan formann, en á sama tíma og innanborðs eru mjög sterkri þingmenn eins og Þorbjörg Sigríður Gunnlaugsdóttir, Guðbrand Einarsson og Hönnu Katrínu Friðriksson. Uppgjör í Borgarstjórn með afar veikan Forseta borgarstjórnar Þórdísi Lóu Þórhallsdóttur, gæti orðið flokknum dýrkeyptur. 

Píratar virðast halda sjó, en svo er ekki því þeir koma ávallt lakar út í kosningum. Eru nú með 8,8% en með leiðréttingu verða þeir með 7,6%. Stuðningur þeirra fyrir opnum landamærum er ekki líkleg til þess að auka fylgið. Erfiðleikarnir í Reykjavík gætu einnig reynst þeim erfiðir. Það mun ekki skila fylgi þar að svara réttmætri gagnrýni með hroka.

Flokkur fólksins, mælist nú með 7,7% sem er mun hærra en fyrir síðustu kosningar. Með leiðréttingu þar gætu þeir náð 13,6&. Það kæmi ekki á óvart að barátta VG fyrir lífi sínu tækju þeir allnokkuð frá Flokki fólksins auk þess að nýr flokkur á grunni gömlu Samfylkingarinnar er líklegur til þess að tæta fjaðrirnar af Flokki fólksins. 

Sósíalistaflokkurinn mælist nú með 3,5%. Þeir hafa komið hærra út úr skoðanakönnunum en úr kosningum, með leiðréttingu væru þeir líklegir til þess að fá 2,1% sem þýðir í raun að þeir eru að þurrkast út.