Bjálfaákvörðun á menningarnótt!

Fyrir ekki svo löngu var boðið frítt í strætó á laugardaginn sem við köllum á menningarnótt. Mjög margir tóku strætó og margir kyntust almenningssamgöngum. Þetta gekk bara ágætlega. Kostnaðurinn við þennan rausnarskap við íbúa á höfuðborgarsvæðinu var smáaurar, ekkert sem skipti rekstur sveitarfélöganna nokkru máli. Svona til þess að sýnast var þessi auma nýja  ákvörðun tekin. Ef nokkur vilji hefði verið hægt að fara í smá aðhald í rekstri sveitarfélaganna. Ég spurðist aðeins um þessa ákvörðun og fékk það svar að margir hafi komið að ákvörðuninni. Var hugsað til máltækisins. Því verr duga/gefast heimskra manna ráð sem fleiri koma saman.