Af hverju fögnuðu bíleigendur ekki?

Það vakti athygli margra dræmar undirtektir skuldara bílalána, þegar Árni Páll Árnason tilkynnti væntanlegar aðgerðir ríkisstjórnarinnar varðandi lækkun bílalána. Árni Páll kynnti svokallaða 110% leið, sem þýðir að sú upphæð láns sem er umfram 110% virði bifreiðarinnar fellur niður. Meginþorri bílalána er með gengislánum og nýlega er fallin í Héraðsdómi Reykjavíkur um að gengislánin séu ólögmæt. Verði þessi dómur staðfestur í Hæstarétti sem margir telja mjög líklegt lækka bílalánin mun meira en hugmyndir ríkisstjórnarinnar segja til um. Þess vegna þykir þetta útspil félagsmálaráðherra heldur klént.

Annað er að ef þetta var mögulegt nú, af hverju var þetta algjörlega ómögulegt fyrir ári síðan. Sá tvískinnungur þykir ekki trúverðugur. 

Félagsmálaráðherra segir nú að hann óttist ekki lögsókn frá fjármögnunarfélögunum. Ef bílalánin verða dæmt lögmæt, þá verður ekki séð á hvaða forsendum félagsmálaráðherra ætlar að komast hjá lögsókn.  Því miður lykta þessar aðgerðir af spunavinnubrögðum og því fá boðaðar aðgerðir misjafnar undirtektir. 

Athugasemdir

[Hrannar Baldursson, 19.3.2010 kl. 09:40]

Þetta kemur ansi seint.

Það er lítið tilefni til að fagna þegar komið er í veg fyrir slysin eftirá og þegar skaðinn er skeður.

[Sigurður Þorsteinsson, 19.3.2010 kl. 13:32]

Hrannar ég er hræddur um að þetta komi bara ekki ansi seint. Það virðist sem það hafi verið flestum ljóst að það þyrfti að taka á þessum vanda strax, nema núverandi stjórnvöldum. Nú er búið að skaða fjölda fjölskyldna þannig að ekki verður aftur tekið. Þá er enn verið að nota spunann, en flestir eru hættir að trúa. Það hefði verið hægt að taka á vandandanum með samstilltu átaki.

Sá sem segir ég ætla að reyna fyrst sjálfur og ef það tekst ekki kalla ég á ykkur með mér til að leysa málið, er ekki líklegur til að ná samstöðu.

[Hrannar Baldursson, 19.3.2010 kl. 14:44]

Sammála.

[Arnar Geir Kárason (IP-tala skráð) 19.3.2010 kl. 16:51]

Þessar aðgerðir Árna Páls eru eins og fyrri aðgerðir hans í fjármálum, frat og hálfkák og ekki nægilega í takt við það sem þörf er á.

Því ber þó að fagna að augu stjórnarliða séu farin að opnast fyrir því að það er nauðsynlegt að afskrifa en þau virðast ætla að gera það með rassgatinu eins og allt annað sem þau gera.

Raggi veltir þessum pælingum fyrir sér á blogginu sínu   http://raggig.blog.is/blog/raggig/entry/1031904/