Afneitun Svavars

Það var mjög áhugavert að sjá viðtöl við útrásarvíkingana svokölluðu eftir hrun. Enginn þeirra hafði gert neitt af sér. Þetta var allt öðrum að kenna. Afneitunin algjör. Þegar lengra líður frá eru einhverjir þeirra farnir að koma fram og viðurkenna að þeim hafi orðið á i messunni. Fyrir hrun hefðu stjórnmálamennirnir okkar getað gert betur, og eins og Páll Skúlason hefur bent svo réttilega á þá geta stjórnmálamennirir ekki sagt að þeir hafi ekki vitað eða hafi ekki kunnað. Þeir voru á vaktinni sjálfviljugir og brugðust þjóðinni. Einhverjir vilja draga þá fyrir dóm, en það verður áhugavert að sjá hverning tekið verður á málum.

 Nú eftir hrun eru  aðrir komnir á vaktina, og þá var Steingrími Sigfússyni falið það erfiða verkefni að ná samningum um Icesave. Hverslu skynsamlegt sem það var nú dró hann fram tvö gamalmenni Svavar Gestsson og Indriða Þorláksson og lét rúlla þeim til samningagerðar í London. Svavari þótti þetta nú ekki erfitt verk og rubbðaði því af. Síðan var hringt í Steingrím, sem sagði þjóðinni að við myndum sjá glæsilega niðurstöðu. Þegar málið var skoðað þá kom annað í ljós. Samningarnir voru gerðir af algjöru þekkingarleysi og getuleysi. Sá tími sem tekið hefur að leyðrétta mistökin hefur kostaað þjóðarbúið tugi milljarða króna.

Jóhanna Sigurðardóttir hafði þann manndóm til þess að viðurkenna í sjónvarpsviðtali að sennilega í ljósi sögunnar hefði verið betra að senda fagmenn til samningagerðarinnar. Auðvitað hafa þeir Svavar, Indriði og Steingrímur verið gagnrýndir harðlega fyrir alvarleg mistök í starfi. Einhverjir hafa kallað þá landráðamenn, en það finnst mér  of langt gengið. Hins vegar er ekki ólíklegt að þetta mál verði tekið upp þegar þessi sjórn fer frá og sitja þá þessir menn við sama borð og þeir sem voru gagnrýndir fyrir að vinna ekki vinnuna sína fyrir hrun.

Þegar almenningur réttilega gagnrýnir þá Savar, Indriða og Steingrím, þá kallar Svavar það hjarðmennsku. Það ber að sjálfsögðu vott um afneitun Savars. Þess verður hins vegar að geta að í Austur Þýskalandi var öll andspyrna gegn stjórnvöldum, allar sjálfstæðar skoðanir kallaðar hjarðmennska. Allir áttu að hlýða eins og hundar. Það ætlast Jóhanna og Steingrímur einnig til. Aðrir eru kallaðir kettir. Það er ekki ólíklegt að Svavar finni á eigin skinni að hann hefur brugðist þjóðinni. Hann hefur ekki enn verið grýttur eins og hefði verið gert í sumum öðrum þjóðum. Húsið hans hefur ekki verið málað með rauðri málningu svo ég viti til. Hann ætti hins vegar að koma fram og biðja þjóðina afsökunar, þá væri líklegra að hann fengi einhverja uppreisn æru. Það gerir hann ekki með því að sýna hroka.

Athugasemdir

[Dingli, 6.4.2010 kl. 03:47]

Miðað við loforð og undirskriftir ráðherra Geirs/Sollu-stjórnarinnar, var útkoman hjá Svabba fín. Svavar gerði líka einungis það sem Jóka og umskiptingurinn sögðu honum. Yrði ekki hissa þó samninganefnd hanns hafi verið banna að gera nokkuð sem gæti frestað för vorri til himnaríkis EU. 

[Sigurður Þorsteinsson, 6.4.2010 kl. 08:23]

Ingibjörg Sólrún og Kristrún Heimisdóttir hafa ítrekað komið því til skila að þegar ríkisstjórn Jóhönnu tók við, var komið á samkomulag um svokölluð Brussel viðmið. Össur hefur hugsanlega talið þau  trufla viðræður við EU, og þagað.