Sjaldborgin fundin!

Fyrir ári síðan lofaði Jóhanna Sigurðardóttir að slegið yrði skjaldborg um heimilin í landinu. Lengi vel fundu heimilin ekki neina nýja skjaldborg, en hún er nú fundin. Fjölskylduhjálp Íslands er sjaldborgin.

Fjallað um íslenska fátækt

Athugasemdir

[Sigurbjörg Eiríksdóttir, 11.4.2010 kl. 09:11]

Já hún er fundin! Þessi grein í ástralska blaðinu segir okkur að glöggt er gests augað. Margir fyllast vandlætingu þegar talað er um fátækt á Íslandi.. Hún er staðreynd og þó ráðamenn berji höfði við stein og segi: Þetta er nú vegna þess að hún/hann hafa offjárfest..Það skiptir ekki máli hver ástæðan er..Staðan er svona í dag.

Kv. Silla.

[Gunnar Heiðarsson, 11.4.2010 kl. 09:49]

Það má líka kannski koma fram að þó þetta ástand sé vegna þess að fólk hafi offjárfest, þá er væntanlega svona komið vegna þess að einmitt þetta fólk hefur gert allt sem það gat til að reyna að standa við sínar skuldbindingar. Það er meira en sagt verður um útrásarguttana sem ryksuguðu fjárhyrslur bankana.

[Hrannar Baldursson, 11.4.2010 kl. 10:52]

Vel sagt hjá Gunnari Heiðarssyni.

[Eyjólfur G Svavarsson, 11.4.2010 kl. 13:56]

Allir geta offjárfest það fer bara eftir efnum og ástæðum. Fólk getur offjárfest með því að kaupa Lambakjöt í matinn í staðin fyrir kjötfars. Offjárfesting er afstætt hugtak og oft notað til að verja slæm kjör fólks.

[Árni Gunnarsson, 12.4.2010 kl. 07:04]

Við skulum líka halda því til haga að á meðan hagstjórnartíð heimsmeta ríkti að sögn á Íslandi var starfandi fjölskylduhjálp. Og með sama sniði.

Þá var þulið yfir íslenskri þjóð í útvarpi að alþjóðlegar greiningarstofnanir gæfu okkur hæstu einkunnir fyrir velsæld almennings.

Pólitískur ræfildómur er landlægur hér og við höfum orðið vitni að því að ráðherrar hafa setið víð síma í söfnunarátaki á vegum sjónvarps. Þar hafa þeir tekið á móti sníkjufé frá þjóðinni handa bágstöddum einstaklingum. Bágstöddum vegna þess að ráðherragarmarnir tímdu ekki að láta af hendi til verkefnisins úr ríkissjóði fjármuni sem námu dagpeningum til þeirra sjálfra í skemmtiferð til útlanda með kerlingar sínar á vegum ríkisins.

Tvöfalt siðgæði, snobb aumingjaháttur.