Er tilgáta Bjarkar rétt?

Er það rétt að salan á HS Orku til Magma Energy sé hluti af sukki til þess að borga Iceavedæmið? Var þá arfavitlaus samningagerð sem Samfylkingin og hundadeild VG reyndi að þrýsta í gegnum Alþingi, leið til þess að segja okkur í enn verri stöðu? Var þá meiningin að selja fleiri auðlyndir, tilneyddir? Er það rétt að núverandi ríkisstjórn hafi ekki tekið tillit til réttaróvissu varðandi gengislánin, og skuldbundið ríkissjóð um hundruð milljóna til þess eins að neyða íslenska þjóð í þrot? Er helsta ástæða þess að Samfylkingin leggur alla sína orku til þess að koma okkur í ESB sú, að þar með missum við alla yfirumsjón með auðlindum okkar? 

Er ekki kominn tími til þess að kalla saman Landsdóm. Ganga landráðamenn lausir? 

Býður Björk hlut í Magma

Athugasemdir

[Helga Kristjánsdóttir, 21.7.2010 kl. 00:05]

 Já,nú skal sverfa til stáls. Siggi,það getur ekki verið tilviljun,að ég hitti eingöngu andstæðinga aðildar.Það kom þó fyrir fyrst eftir að ríkisstjórnin komst til valda að viðkvæðið var;,Sjáum hvað við fáum; Núna aldrei.              Við erum ekki svo græn að vita ekki að undanþágur okkur til handa eru marklaus,það opinbera Sáttmálar þeirra. Í sumarfríunum er pása á mótmælin.

[GunniS, 21.7.2010 kl. 01:09]

missa stjór á auðlindum okkar?  maður veit ekki betur en það hafi verið rekin hér einkavæðingarstefna sem sýndi sig að vera algerlega mislukkuð. finnst þér betra að einhverjum íslenskum pabbastrákum með sambönd á réttum stöðum hefði verið gefin auðlind eða tvær með þeim afleðingum að verð til fólksins snarhækkaði.

merkilega við þessar einkavæðingar er að fyrirtækin sem voru i flestum tilfellum, byggð upp fyrir skattpeninga, þau skiluðu hagnaði þegar þau voru í eigu ríkisins, en skyndlega var allt mjólkað út úr þeim eftir einkavæðingu og taprekstur réttlæting á að hækka gjaldskrár. 

já blessaður vertu, ef við getum ekki gert betur en þetta þá má esb koma og taka þessar auðlindir, en eitt veit ég að við losnum við verðtrygginguna ef við gögnum í esb, sem hefur verið notuð til að nýðast en frekar á fólkinu í landinu.

[Sigurður Þorsteinsson, 21.7.2010 kl. 08:16]

Helga ég er á því að það fari að hitna undir þessari ríkisstjórn í haust.

Gunni. Í vestrænum heimi er blandað hagkerfi. Einkarekstur og ríkisrekstur. Á Norðurlöndunum er nokkur samstaða um hvað er í einkarekstri og hvað á höndum hins opinbera. Við höfum verið frekar íhaldsöm að halda rekstri hjá hinu opinbera. Bankarnir voru t.d. einkavæddir og var sannarlega hægt að gagnrýna framkvæmdina. VG gagnrýndi einkavæðinguna harkalega og þá kemur Steingrímur Sigfússon fram í fjölmiðla og hann spurður um hvort hann ætli að hafa bankana áfram í ríkiseigu, þar sem þeir voru þangað komnir eftir hrun. Nei, þá skyldi einkavæða strax og svo sagði hann í næsta viðtali að ástæðan fyrir hruninu væri einkavæðingin. Einhverjir myndi kalla þennan málflutning hræsni.

Alvarlegast er að sennilega er sala bankanna nú, vesta framkvæmd á einkavæðingu allra tíma. Ef þessi einkavæðing kostar okkur hundruð milljarða á er nauðsynlegt að kalla til Landsdóm. 

[Bjarni Pálsson, 21.7.2010 kl. 11:09]

Sæll Sigurður, því miður er það ekki svo gott að söluhagnaðurinn fari í að borga upp IceSave... a.m.k. ekki beint. 

Þú virðist vera að misskilja málið all alvarlega - eins og svo margir - enda ekki undarlegt þar sem fréttaflutningur af þessu máli hefur verið frekar óskýr.

Það gleymist nefnilega oft í umræðunni hver er að selja þennan hlut.  Það er ekki Landsbankinn, ríkissjóður eða neinn opinber aðili heldur einkafyrirtækið Geysir Green Energy ehf.

Geysir Green Energy var í eigu Íslandsbanka, Stoða ehf (áður FL group) og verkfræðistofunnar Mannvits ehf en lýtur nú stjórn Íslandsbanka.  Íslandsbanki er um 90% eigu erlendra kröfuhafa.  Tekjurnar af sölunni eru því tæplega að fara í að borga Icesave-skuldir.

Hins vegar lítur út fyrir að ríkissjóður þurfi að punga út stórum fjárhæðum vegna IceSave og hefur því ekki bolmagn til að kaupa HS orku.  Þannig er komin IceSave tenging sem heldur.

[Sigurður Þorsteinsson, 21.7.2010 kl. 12:07]

Sæll Bjarni. Það er alveg rétt hjá þér að framsetningin má vera skýrari, og nákvæmari. Orkuveitan var í eigu opinberra aðila, sveitarfélaga og ríkissins. Hún er nú komin í eigu einkaaðila. Við getum skoðað það vel hvort þessar auðlindir, rafmagnið, vatnið og jarðvarminn eigi að vera í opinberri eigu.

Það hins vegar að skuldsetja ríki og sveitarfélög á þann hátt, að viðkomandi hafi ekkert val lengur er stóralvarlegt. Það voru flestir inn á því að við ættum að taka að okkur einhverjar skuldir varðandi Icesave, en ekki þær sem núverandi ríkisstjórn ætlaði okkur að bera að ástæðulausu, með arfaslkum samningum.

Ef það er rétt að ríkisstjórnin hafi haldið svo um einkavæðingum bankanna nú að ekki hafi verið tekið tillit til réttaróvissunar vegna gengislánanna, þá er komin mjög alvarleg staða. Þá verður vænanlega að selja eitthvað meira en HS orku.

[Jón Ingi Cæsarsson, 21.7.2010 kl. 21:17]

Sigurður minn..ég held að þú ættir að fara að velta fyrir þér að halda fantasíunámskeið í samsæriskenningum..