Öllum á óvart?

Þeir sem halda því fram í fullri einlægni að niðurstaðan á Alþingi hafi komið öllum á óvart eru nýliðar í félagsmálum. Það eru 63 þingmenn á Alþingi. Þremur dögum fyrir atkvæðagreiðslu um Landsdóm, var ljóst hvernig 58 þingmenn myndu greiða atkvæði. Þá eru eftir 5 þingmenn. Afstöðu þeirra var hægt að fá með því að ræða við þá. Innan allra félaga, samtaka og stjórnmálastarfs, eru ,,vant fólk" sem getur sagt  til um niðurstöðu atkvæðagreiðslu með mikilli nákvæmni. Á Alþingi eru allnokkrir slíkir. Óvissan í þessari atkvæðagreiðslu var meðal þingmanna Samfylkingarinnar. Þess vegna kom niðurstaðan þeim alls ekki á óvart.

Ingibjörg Sólrún sagði að niðurstaðan yrði til þess að auka ágreining á þingi. Það eru ekki allir sammála um að það sé einmitt sem þjóðin þarf á að halda. Ögmundur var hér aðeins að hella smá olíu á eldinn. Er það ekki bara til þess að menn geti haldið á sér hita?

 

„Ekki með neina sleggjudóma“

Athugasemdir

[Gísli Ingvarsson, 30.9.2010 kl. 17:45]

Af hverju eru Sjálfstæðismenn svona viðkvæmir? Svarið er að stefna flokksins í efnahagsmálum verður í miðju réttarhaldsins yfir Geir. Ég vissi ekki betur en að hún þyldi dagsins ljós.

[Sigurður Þorsteinsson, 30.9.2010 kl. 18:19]

Gísli, nú vill svo til að ég hef hitt fólk sem er reitt vegna þessarar afgreiðslu Alþingis.  Veit ekki hvar það er allt í flokki, held sennilega flestir í 50% sem ekki kjósa neina flokka. Fólkið er reitt vegna þess að ríkisstjórnin sem ætlaði að byggja skjaldborg um heimilin í landinu, hefur gert allt annað en það. Í stað þess að einbeita sér að því að taka á skuldavanda heimila og fyrirtækja. Stuðla að atvinnuuppbygginu, er liðið í pólitískum vígaferlum.

Þeir Sjálfstæðismenn sem gengu út af fundinum með Ögmundi, hafa sjálfsagt verið að mótmæla því að hann var að gorta sig af vinnubrögðunum. 

Við getum verið sammála því að ráðamenn hvers tíma þurfa að bera ábyrgð. Þess vegna þarf að breyta lögunum um Landsdóm, þannig að  hægt verði að taka á verkum Steingríms og Jóhönnu. Vegna Icesave, vegna einkavæðingu bankanna og vegna þess að ekki hefur verið tekið á atvinnuuppbyggingunni. 

[Flosi Kristjánsson, 30.9.2010 kl. 18:39]

"Svarið er að stefna flokksins í efnahagsmálum verður í miðju réttarhaldsins yfir Geir."

Þetta er ekki það sem málið gengur út á. Sá stjórnmálamaður sem lætur sé nokkuð svona um munn fara er að leggja stein í götu þeirra sem ætla að ákæra fyrrum forsætisráðherra fyrir embættisafglöp eða hirðuleysi. Það væri miklu frekar að hann yrði sóttur til saka fyrir stefnuleysi, ef stefna er til umræðu.

Ofangreind tilvitnun gerir ekkert annað en að renna stoðum undir þá ásökun að sitjandi ríkisstjórn sé að efna til pólitískra réttarhalda í anda sýndarréttarhaldanna í Kína og Sovétríkjunum, sem höfðu það að markmiði að lumbra á þeim sem höfðu aðrar skoðanir er valdhafarnir.