Aðlögunin samþykkt, samhljóða.

Fyrir flokksráðsfund voru nokkrir áhrifamenn orðnir áhyggjufullir að í stað viðræna við ESB um mögulega samninga, væri hafið aðlögunarferli. Öllum var gert ljóst að þetta yrði ekki liðið. Síðan líður fundurinn og þá var öllum orðið ljóst að aðlögunarferlið var ekki fólgið í því að breyta ESB til aðlögunar að Íslandi, heldur að aðlaga Ísland að ESB. Sjávarútvegurinn verður í höndum ESB, svo og landbúnaðurinn. Auk þess er gerð sú krafa að nefið á Steingrími varði lagfært og á skallann verði tattúerað ESB. Öllum fundarmönnum fannst þessar kröfur fyllilega aðgengilegar.

Til þess að róa þá kjósendur VG sem vilja ekki ganga í ESB, var samþykkt að hagsmundum Íslands verði best borgið utan ESB, en jafnfram að við séum að sjálfsögðu tilbúin að fallast á allar kröfur ESB hverju nafni sem þær nefndast. Í fundarlok ákváðu fundarmenn að syngja Nallann og síðan fengu allir að smakka nýjan jólabjór sem bruggaður er samkvæmt ströngustu kröfum ESB.  Allir fundarmenn voru sammála um að fundurinn hafi verið afar ánægjulegur og gagnlegur og mikil samstaða væri meðal fundarmanna. Á næsta aðalfundi veður lög fram smá breyting á nafni VG.  Var VG en verður VG í ESB. Bara aðlögun og breyting upp á 4 stafi. 

Hagsmunum best borgið utan ESB

Athugasemdir

[Gunnlaugur I., 21.11.2010 kl. 12:17]

Já það er von að hægt sé að gera grín að þessu. 

Þetta svokallaða "Flokksráð" þeirra er nú ekki sérlega lýðræðislegur vettvangur, aðaleg gert svona til að flokksforystan og þeirra valdatæknar geti hert tökin.

Er viss um að Ásmundur og félagar munu hafa fullan sigur á þessu liði á alvöru Landsfundi, þar sem almennir flokksmenn munu hafa eitthvað að segja. En flokksforystan mun leggja sig fram um að seinka Landsfundi í lengstu lög og jafnvel lengur, til þess að geta enn haldið áfram þessum skrípaleik við ESB elítuna og stigið áfram þennan ESB Hrunadans við Samfylkinguna !

[Sigurður Þorsteinsson, 21.11.2010 kl. 14:41]

Ég ætla bara að vera sammála þér Gunnlaugur.