Níumenningarnir sýkn eða fangelsisdómar?

Nú fer að líða að dómur falli í máli níumenningana. Auðvitað vissu þeir að þeir voru að brjóta lög þegar þau ruddust inn í Alþingi. Þegar fólk sem hefur t.d. hulið andlit sitt ræðst til inngöngu, er ekki ljóst hvað það ætlast fyrir. Ber það vopn eða ekki? Það verða að vera til lög sem tekur á slíkum atburðum. Það voru líka einstaklingar sem grýttu Alþingi, með eggjum og steinum. Það á líka að vera saknæmt. Þeir íslensku stjórnmálamenn sem vörðu það að mótmælendur hyldu andlit sín, bera líka ábyrgð.

Hins vegar í ljósi þess ástands sem ríkti, og þeirra atburða sem höfðu dunið yfir, þá er ákæra á hendur þessa fólks, þar sem krafist er margra ára fangelsis afar taktlaus. Mér sýnist allt benda til þess að verið sé að undirbúa að vísa þessu máli frá. Með því að eyða upptökum af vettvangi, og með því að saksóknari líkir inngöngu nímenningana við ofbeldisfullar árásir Pólverja á hús eitt fyrir allnokkru síðan. 

Við þurfum að setja löggjöf um mótmæli. Það eru alltaf einhverjir aðilar sem ganga of langt. Friðsöm mótmæli eru  hluti af lýðræðislegri tjáningu, en ofbeldi er bara ofbeldi og ber að taka á því sem slíku. 

Vonandi tekur  Hæstiréttur tillit til aðstæðna að þessu sinni. 

Athugasemdir

[Bjarne Örn Hansen (IP-tala skráð) 27.1.2011 kl. 09:12]

Haldið áfram á þessari braut, og þið munið með tíð og tíma sjá fólk með vopn, eldmóð og byltingu í huga á götum Íslands.

[Sigurður Þorsteinsson, 27.1.2011 kl. 13:49]

Bjarne, nú vill svo til að ég fordæmdi það að einstaklingar voru að hylja andlit sín í mótmælunum. Það er einnig skoðun mín að það eigi að handtaka og dæma fólk sem hendir eggjum eða grjóti í Alþingi, Dómkirkjuna eða í einstaklinga sem eru að vinna fyrir okkur.

 Yfirleitt hafa mótmæli farið vel farm. Þeir einstaklingar sem fóru inn í Alþingi með því að ryðjast inn, hefðu átt að vita að með því væru þeir að brjóta lög. Ástandið í þjóðfélaginu var hins vegar þannig, að ég tel að taka hefði tillit til aðstæðna. 2-10 ára fangelsi fyrir þetta fólk væri eitthvað sem almenningur væri ósáttur við. Ekki síst i ljósi þess að margir ganga lausir fyrir miklar sakir. 

Að öðru leiti væri gaman að heyra þína sýn varðandi málið.