Í Kastljósi

Í gær las ég í einhverju bloggi, sem ég renndi yfir í fljótheitum að Helgi Seljan væri öflugasti sjónvarpsfréttamaðurinn. Það er nú svo að Helgi rembist þegar hann er með pólitíska andstæðinga sína  í Kastljósi, en ef um er að ræða samherja í pólitík leggst hann á fjóra fætur og byrjar að sleikja fætur viðmælenda. Þegar pólitískir mótherjar eiga í hlut, hefur hann tilbúnar 5-6 spurningar og þegar þeim hefur verið svarað, byrjar hann á fyrstu spurningu aftur. Hann skilur aldrei nein svör, þannig að hann getur aldrei spurt aukaspurninga út frá svari viðmælenda.

Í dag var hjá Helga Bjarni Benediktsson. Hann hefur stundum verið sakaður um að hann mætti vera ákveðnari, en hann verður ekki sakaður um slíkt í kvöld. Hann svaraði af röggsemi og yfirvegun. Það er alveg ljóst að þjóðin mun skiptast í þrjár fylkingar, þá sem vilja samþykkja núverandi Icesavesamning, þá sem alls ekki vilja semja, og þá sem vilja þjóðaratkvæðagreiðslu um málið. Nú voru flestir stjórnmálamenn þeirrar skoðunar að fara ætti samningaleiðina varðandi Icesave. Því þarf að meta, hvort núverandi samningur er góður eða ekki. Um það eru skiptar skoðanir. Mér finnst Bjarni sýna kjark í þessu máli, einhverjir munu snúa baki við Sjálfstæðisflokknum en fleiri munu virða málefnalegrar afstöðu. Það mætti t.d. ríkisstjórnin temja sér. Mér segir svo hugur að hér sé um tímamótaákvörðun að ræða.  

Fráleitt að tilefni sé til að halda landsfund

Athugasemdir

[Helga Kristjánsdóttir, 3.2.2011 kl. 23:25]

Sæll Siggi! Oft hefur Helgi verið aðgangsharður með eindæmum. Man eftir fyrsta viðtali við Steingrím,hann var eins og bráðið smjör. Datt svona í hug að afi hans og nafni hefði verið náinn vinur Steingríms.Þá verður þetta óafvitað.             Steingrímur sagði einatt Helgi minn,og svo fékk hann að láta dæluna ganga. Já Bjarni hefur aldrei sýnt svona mikla ákefð,grunaði hann alltaf um græsku,það geta margir staðfest. Sjálfstraustið geislaði af honum,nú var hann í hinu liðinu líka. 

[Jón Atli Kristjánsson, 4.2.2011 kl. 11:19]

Bjarni stóð sig vel í þessu viðtali. Málefnalegur og ákveðinn. Hann veit sem er að hann er með heitt mál í höndunum.

Aðeins um stöðu fréttamanna. Margir tala þannig að fréttamaðurinn eigi að grilla viðmælanda sinn og helst koma honum í vandræði. Mér finnst að fréttamenn eiga að fá til sín hæfa viðmælendur og spyrja þá áhugaverðra spurninga í umboði áhorfenda. Viðmælandinn á að fá að njóta sín. Góðar spurningar fréttamanns hjálpa honum til þess.  Örugglega gamaldags sjónarmið, grillum, grillum þá. !

[Skeggi Skaftason, 4.2.2011 kl. 16:07]

Oft ansi þreytandi taktarnir hjá Helga þegar hann spyr endurtekið og gengur á viðmælandann að hann/hún "verði nú að viðurkenna..." eitthvað.

Betra að reyna að nota spurningar til að upplýsa mál eins og kostur er og leyfa áhorfendum sjálfum að meta hvort viðmælandinn hafi höndlað eitthvað mál vel eða illa, frekar en að Helgi rembist við að fá viðmælandann sjálfan til að viðurkenna það!

En sammála því að Bjarni kom mjög vel út, og er ég enginn aðdáandi.

[Guðrún Sæmundsdóttir, 4.2.2011 kl. 18:01]

Ég vil sjá tvöfalda þjóðaratkvæðagreiðslu. Annarsvegar þar sem að spurt er hvort að samþykkja beri nýjan Icesave samning, og hinsvegar hvort að halda beri aðilaviðræðum við ESB áfram.

Það væri mjög kúl að samþykkja Icesave en hafna áframhaldandi ESB viðræðum. Okkur ber ekki að greiða Icesave en við erum kúguð á alþjóðavettvangi af bretum og hollendingum. Svo að eiginlega má líkja íslendingum við fórnarlambið með skammbyssu ofbeldismannsins beint að höfði sér. peningana eða lífið hrópa þeir holl/bretar.

þess vegna styð ég nýja Icesave samninginn en vil slíta ESB viðræðum tafarlaust!

[Sigurður Þorsteinsson, 4.2.2011 kl. 18:34]

Já, ég get tekið undir það að þjóðaratkvæðagreiðsla væri mér ekki á móti skapi. Hugmynd þín Guðrún er ekki ósanngjörn. Þjóðaratkvæðagreiðsla hvort samþykkja eigi þennan samning og hvort við eigum að hætta aðlögunarferli ESB.

Skeggi í sjálfu sér er byrjar Helgi oft ekki illa, en hann endurtekur sömu spurningarnar aftur og aftur, þ.e.a.s. við pólitíska andstæðinga sína. Er aulalegt, en Bjarni pakkaði dregnum upp. 

Jón það er rétt að það á hreinlega alls ekki alltaf við að það þurfi að grilla viðmælandann. Í þessu viðtali var ekkert slíkt tilefni. Það væri t.d. tilefni ef spyrja ætti Steingrím Sigfússon um fyrri Icesave samninginn. Helga væri hins vegar ekki treystandi til slíks. Sleikjuhátturinn yfirtekur Helga í slíkum aðstæðum. 

[Anna Sigríður Guðmundsdóttir, 4.2.2011 kl. 20:33]

Bjarni Benediktsson er í hjarta sínu fylgjandi réttlæti. Svo mikið er ég sannfærð um!

 Margir svika-stjórnmála-menneru núna að fara á límingunum og samskiptahæfileikar eru ekki til í þeirra orðbókum? Vegna þess að blessaður drengurinn: Bjarni Benidiktsson er einfaldlega hann sjálfur, í sanngirni, dyggð og trúmennsku!

 Væri ekki rétt að athuga staðreyndir og raunveruleika núna?

 M.b.kv.