Einkavæðing bankanna.

Það var full ástæða til þess að gagnrýna fyrstu einkavæðingu bankanna. Sá eini sem þá stóð í lappirnar var Steingrímur Ari Arason núverandi framkvæmdastjóri Sjúkratrygginga Íslands. Steingrímur Sigfússon gagnrýndi þessa einkavæðingu harðlega, og það gerði hann einnig m.a. í viðtalsþætti hjá INNTV. Hann hafði ekki fyrr sleppt orðinu, fyrr en hann tilkynnti einkavæðingu bankanna að nýju. Þá ráðstöfun gagnrýndi ég harðlega hér á blogginu, enda fáránleg ráðstöfun út frá hagsmunum heimilanna. Þá hagsmuni óttast Steingrímur mest. Ballið er byrjað aftur. Ofurlaun og hagsmunir bankanna settir ofar hagsmunum almennings. Í stað þess að afskrifa hja almenningi, er sýndur ofurhagnaður og greidd ofurlaun. Þetta ástand er í boði Steinms Sigfússonar og VG.

Athugasemdir

[Þráinn Jökull Elísson, 9.3.2011 kl. 19:00]

Tek undir þetta.

[Jón Atli Kristjánsson, 9.3.2011 kl. 19:01]

Aðal spurningin, er að mínu viti, hvað lærðum við af fyrstu umferð einkavæðingar bankanna?  Það ferli er í dag að verða nokkuð vel kortlagt. Rannsóknarskýrslan, Ríkisendurskoðun og ýmis skrif.  Önnur spurning er viljum við ríkisrekna banka ?

Næsta spurning er, hvernig bankakerfi viljum við hafa, eða hvað bankakerfi þurfum við?.  Þessa spurningu má einnig umorða þannig hvernig bankakerfi höfum við efni á?

Það er rétt að halda því til haga að margt í endurskipulagningu bankakerfisins hefur tekist vel. Byggjum á því og tökum svo næstu umferð !

[Arnar Geir Kárason (IP-tala skráð) 9.3.2011 kl. 23:06]

Jón Atli ég vill ekki sjá ríkisrekna banka í framtíðinni en ég vill hinsvegar öflugra aðhald og eftirlit með þeim.

Eiginfjár hlutfall þarf að vera hærra og bindiskylda þarf að koma á aftur.  Eins og bankarnir voru að starfa þá "framleiddu þeir peninga".   Sem dæmi gefum okkur að bankinn hafi átt 1.000.000.000 í innlánum og mátt lána út af því 700.000.000 þá lánuðu þeir þessar 700 milljónir og flest af þeim peningum endaði aftur inni á reikning hjá þeim eftir að hann hafði skipt um hendur frá lántakanda.  Þá hafði bankinn allt í einu aðrar 700 milljónir og máttu lána af þeim 600.  Eftir að hafa lánað þessar 600 millur máttu þeir lána 500 af þeim og svo koll af kolli þangað til bankinn var búinn að lána 3.000.000.000 en átti bara 1.000.000.0000 til að byrja með.

Án frekari málalenginga er óhætt að segja að fullkomnara regluverk og stöðugra eftirlit þarf með bönkum í framtíðinni.

[Helga Kristjánsdóttir, 9.3.2011 kl. 23:25]

  Lærdómurinn er akkurat sá,að byggja upp öflugra eftirlit,vera stöðugt að samþykkja reglur og framfylgja þeim síðan illa og ekki.

[Sigurður Þorsteinsson, 10.3.2011 kl. 06:53]

Að mínu viti áttum við að endurskipuleggja efnahagskerfið áður en bankarnir voru seldir að nýju. Uppgjörið milli bankanna, almennings og fyrirtækjanna lá ekki fyrir. Síðan átti að sjálfsögðu að einkavæða bankana.