Bjarni Ben og ESB.

Í febrúar 2008 skrifuðu Bjarni Benediktsson og Illugi Gunnarsson fræga grein í Fréttablaðið um stjórn efnahagsmála. Greinin hvar hörð ádeila á efnahagstjórn  þáverandi ríkisstjórnar Geirs Haarde. Síðar komu þeir með útspil, þar sem þeir sögðu það eðlilegt að farið væri í aðildarviðræður við ESB. Á þessum tíma fór ég á fund með Bjarna Benediktssyni, þar sem hann fór yfir þetta mál. Hann sagði þá að í ljósi þess að yfir 70% þjóðarinnar vildu viðræður við ESB, væri eðlilegt að verða við þeirri ósk. Hann sagði hins vegar að eðlilegt væri að samningsmarkmið væru alveg ljós frá upphafi, og hann væri sannfærður um að ásættanlegur árangur myndi ekki nást, miðað við núverandi stefnu ESB, og fyrri samninga.

Síðan er runnið mikið vatn til sjávar. Stuðningurinn við aðildarviðræður við ESB hefur hrunið. Baugsmiðlarnir undir stjórn Jóns Ásgeirs útrásarsérfræðings hefur hamrað á því að Bjarni hafi verið stuðningsmaður þess að Ísland gangi í ESB. Bjarni hefur mótmælt þessu en þá hann sagður hafa skipt um skoðun. Ef Jón Ásgeir hefði verið andstæðingur ríkisstjórnarinnar og beitt sér gegn ríkisstjórninni þá hefði verið sett fjölmiðlalög á níðinginn umsvifalaust. Leppsnepilinn DV hefði fylgt með. Þar sem fjölmiðlablokkin hjálpar ríkistjórninni að lafa örlítið lengur, er engin ástæða til þess að setja fjölmiðlalög. 

Bjarni Benediktsson styður ekki aðild að ESB nú 2011 og það gerði hann heldur ekki 2008. Hann telur hins vegar að þar sem meirihluti þjóðarinnar styður ekki inngöngu í ESB nú, sé ástæðulaust að eyða tíma í aðildarviðærður. 

Athugasemdir

[Jón Atli Kristjánsson, 12.3.2011 kl. 22:48]

Já Bjarni var afdráttarlaus í afstöðu sinni á fundi Sjálfstæðisfélags Kópavogs í dag, hann er alfarið á móti ESB aðild. Lýsti því skemmtilega hvernig þýsk þingmannanefnd, sem kom í heimsókn á alþingi, fékk upprifjun á stöðu málsins, 4 flokkar á móti, einn með.

Er staða Bjarna ekki einfaldlega sú að 2008 var hann svolítið hallur undir ESB. Í dag er hann formaður í flokki sem hefur tekið einarða afstöðu. Þar gæti hann ekki verið formaður, ef hann hugsaði öðruvísi.

[Sigurður Þorsteinsson, 12.3.2011 kl. 22:57]

Heill og sæl Jón. Þetta viðhorf kemur öllum þeim Þjóðverjum sem ég hitti mjög á óvart. Að stjórnvöld sæki um ESB, með nánast einn flokk einan með aðildarumsókn,en alla hina flokkana á móti.

Bjarni sagði alveg skýrt 2008 að hann teldi engar líkur á því að aðildarviðræður við ESB skiluðu árangir. Hann sagðist 100% viss á því og því væri hann ekki fylgjandi aðild að ESB. Hins vegar var sú krafa í þjóðfélaginu að fara í viðræður og þá kröfu vildi Bjarni virða. 

[Helga Kristjánsdóttir, 13.3.2011 kl. 02:24]

  Ég held að allir sjái að þjóðinni er fyrir bestu að hætta eða hafna aðild.  Ég sé fyrir mér ótal tækifæri í landbúnaði.  Ég er t.d. viss um að ræktun Repju verði drjúg atvinnugrein,fyrir nú utan ávaxta ræktun og grænmeti.Væri ekki amalegt að geta minnkað innflutning á bensini.

[Valdimar Samúelsson, 13.3.2011 kl. 17:48]

Ég er sama sinnis og Helga að það er best að hætta því ég treysti ekki því tímabili frá því að samningurinn er samþykktur af stjórninni og að þjóðarkosningum. Menn hafa náð heilu fyrirtækjunum á þann hátt þ.e. að komast í stólinn og borga með pening fyrirtækisins já bankarnir okkar voru keyptir á þann hátt. Það gæti eins verið að stjórnarskráin okkar falli úr gildi og ekkert hægt að gera nema með málaferlum. Ég treysti semsagt ekki Össuri 

[Sigurður Þorsteinsson, 13.3.2011 kl. 18:13]

Helga og Valdimar. Tek undir með ykkur, þessi umsókn í ESB var bjölluat.