Verður stækkunin færð suður?

Það er einhver undirtónn í þessari mengunarumræðu fyrir norðan. Becromal hefur komið inn með um 100 störf á Akureyri og allt í einu, er fyrirtækið orðið ,,vont fyrirtæki" sem ræðst á umhverfið. Verkfallsboðin er í loftinu. Ég heyri ekki betur en stjórnendur fyrirtækisins séu fullir af vilja til þess að bæta úr því sem þarf að bæta úr, en maður hefur á tilfinningunni að málið snúist ekki um það.

Lengi hefur það orðspor farið af atvinnumarkaðinum á Akureyri að utanaðkomandi séu ekki velkomnir. Bónus var ekki velkomið og Helgi í Góu hefur gert ítrekaðar tilraunir með að koma með veitingarhús norður en ekki tekist. 

Er verið að segja við þá Becromalmenn að stækkun á verksmiðjunni eigi að fara annað. Á Húsavík, eða jafnvel suður?

Það er full ástæða að taka á mengunarmálum og sjá til þess að þau séu innan allra marka. Viðbrögð norðanmanna virðast vera rekin af einhverjum allt öðrum hvötum. Spurningin er hvort það sé heimamönnum til góðs. 

Ekki þrávirk efni í menguninni

Athugasemdir

[Anna Guðný , 26.3.2011 kl. 00:35]

Jæja kallinn eigum við eitthvað að ræða Helga í Góu? Hann vill sko ekkert bara koma hingað norður, hann vill fá að ráða sjálfur hvar hann verður. Veit ekki með þig en mig langar ekki til að setja kjúklingastaðinn + bensínstöð á planið við leikhúsið. 

Þeir sem það vilja, vilja troða sem flestu inn á miðbæjarsvæðið svo að það verði svo þröngt þar að við náum ekki andanum.

Þeir segjast líka vera að gera þetta fyrir "okkur sveitavargana" og skilja svo ekkert í því að við skulum ekki rjúka upp til handa og fóta og hætta að versla við aðilann sem hefur verið til staðar í lengri tíma og flytja okkur yfir til þeirra. Vanafesta? Já , kannski en líka tryggð. Stundum finnst mér að við eigum alltaf að standa og vera tilbúin ef einhver "sunnan heiða" kemur í sveitina okkar og ætlar að kynna okkur fyrir dásemdum nútímans. Við eigum jú að eiga val, það þarf að vera heibrigð samkeppni o.s.frv. Það sem gleymist ansi oft er stærðin okkar. Hvenær ætlum við að læra? Við höfum ekkert að gera við eina bensínstöðina enn, þó svo að Helgi vilji fylgja henni. Við þurfum samt að flytja leigubílastöðina, sé ekki fyrir mér hvernig best er að gera það. Við höfum ekkert að gera með fleiri útibú fasteignasala, kínveskra veitingastaða, Snú, Snú eða hvað það nú allt heitir.  

Þetta með Jóhannes og Bónus. Hann kom með sama hugarfari, ef ég man rétt. Ætlaði að bjarga okkur frá eymd og volæði KEA. En við höfum fyrirgefið honum fyrir löngu og á því sem mér heyrist í dag er hann mun velkomnari hér norðan heiða heldur en í menningunni þarna í borginni.

Þetta með Becromal núna finnst mér eiginlega alveg ótrúlegt.Þessi verksmiðja er búin að starfa þarna í  þennan tíma og lítið verið talað um hana. Það hlýtur að vera alveg hrikaleg gúrkutíð  í fjölmiðlum í dag. Ég opnaði ekki svo útvarp eða sjónvarp í dag að ekki væri verið að tala um fyrirtækið.  Viðbrögð okkar hér í Eyjafirði eiga að vera sterk. Þetta getur skemmt eða jafnvel eyðilagt lífríki hér í firðinum. Eins og þú sást er smábátabryggjan rétt við hliina. Auðvitað klikkaði eitthvað hjá þeim en líka hjá eftirlitsaðilum. Og það ber að laga. Svo þurfa auðvitað samningar starfsmanna að vera í lagi. En að leggja alla fréttatíma dagsins undir þetta finnst mér einum of.

Eru menn ekki bara orðnir þreyttir á framhaldssögunni þarna á alþingi og í borgarstjórn og þrá eitthvað nýtt og bitastætt?

Hafðu það annars sem best.

Kveðja að norðan

Anna Guðný

[Sigurður Þorsteinsson, 26.3.2011 kl. 09:31]

Heil og sæl Anna Guðný. Umræðan um viðskiptahindranir á Akureyri hafa verið ræddar í áratugi. Fyrst var það Sambandið sáluga og síðan einhverjir aðilar sem heimamenn þekkja. Þetta þýðir að aðkomumenn eru ekki sérlega viljugir til að fara norður með atvinnurekstur. Þetta er m.a. talið vera ástæðan fyrir því að laun séu lægri á Akureyri en víða annars staðar. 

Til þess að efla þetta svæði, þarf margt að koma til. M.a. fjölbreytni í atvinnulífi.  Becromal var mjög gott innlegg. Sjálfsagt eru einhver byrjunarvandamál með svona rekstur, og full ástæða til þess að ganga í það að lagfæra slík. Þetta offors sem nú er sjá allir að er skipulagt. Það er allt kallað til, allir fjölmiðlar, taka skal fyrirtækið niður. 

Hvort sem það er Jóhannes Jónsson eða Helgi í Góu eða einhverjir aðrir þá þurfa þeir að sitja við sama borð og allir Íslendingar, varðandi atvinnuuppbyggingu á Íslandi. Ef einhverjir aðilar vilja búa til hindranir á sínu svæði, þá er það ekki gott fyrir heildina. 

 Með bestu kveðjum 

 Sigurður Þ 

[Úrsúla Jünemann, 26.3.2011 kl. 11:15]

Sæll,

ég er svona smámsaman að fá græna bólur að heyra sumt fólk tala um atvinnuuppbyggingu. Ekki eiga menn að selja sína sálu fyrir það eitt að fá eitthvert fyrirtæki til sín og loka augum fyrir allt svínarí. Vinnuumhverfið og mengunarvarnir eiga að vera í lagi! Það á ekki að meðhöndla svona sóðar eins og Becromal með silkihönskum heldur á að láta þá borga riflegar bætur.

[Jón Ingi Cæsarsson, 26.3.2011 kl. 12:39]

Sigurður virðist ganga út frá því að aðrir séu tilbúnir að veita afslátt af launamálum og mengunarmálum og þess vegna fari Brecrómal annað..... um það getur maður ekkert annað sagt en þvílíkt endemis bull..

__________

Anna Guðný... ég hélt að bullið um að kjúklingastaðurinn ætti að koma við leikhúsið hefði verið leiðrétt... en greinilega ekki hvað þig varðar.

[Sigurður Þorsteinsson, 26.3.2011 kl. 12:47]

Sæl Úrsúla, við getum verið sammála um það að við eigum að gera kröfur til fyrirtækja varðandi umgengi um náttúruna. Hatrinu gagnvart fyrirtækjum eins og Becromal deili ég ekki með þér. það er þetta viðhorf sem gerir það að verkum að 14 þúsund íslendingar eru án vinnu, með þeirri ógæfu sem það færir íslenskum fjölskyldum. Þetta viðhorf þitt tel ég öfgaviðhorf. Á hinum armi pólitískra öfga er fólk sem reka eigi allt fólk úr landi sem ekki eru fæddir íslendingar. Ég er líka ósammála þeim, tel blöndun vera afar mikilvæga. Ég er sannfærður um að það sé þeir sem að Becromal standa muni koma sínum málum í gott horf, og byggjast upp sem gott fyrirtæki hérlendis. Þeir hafa nú gert sín mistök og verða að bæta þar úr, ég harma þau mistök.

[Sigurður Þorsteinsson, 27.3.2011 kl. 22:35]

Jón Ingi, það er þessi hroki sem kemur í svari þínu til Önnu Guðnýju sem vekur athygli mína. Hann segir ekkert um Önnu en allt um þig.