Fótboltinn - palladómar um liðin.

Nú eru 8 umferðir búnar í úrvalsdeildinni í knattspyrnu, reyndar eiga Keflavík leik inni á móti Val. Ég ætla að koma með nokkra ekki mjög rökstudda palladóma um deildina í ár.

1.  KR með langbesta mannskapinn og Rúnar Kristinsson er að gera fína hluti með liðið. Stendur að öllum líkindum uppi sem sigurvegarar í ár. 

2.  IBV í öðru sæti, þeir eru að festa sig í sessi í efri hluta deildarinnar, sem er gott því að með þeim kemur kraftur sem mér finnst einkenna íslenskan fótbolta þegar hann er hvað bestur. Sakna þess að sjá lítið af ungum Eyjaleikmönnum í liðinu. 

3.  Valur, með hörkugóðan þjálfara Kristján Guðmundsson, en þar sem liðið er nánast nýtt frá því í fyrra á ég von á að þeir dali þegar líða tekur á mótið. Lítið um leikmenn með Valshjarta, sem var lengi vel styrkleiki í liðinu. 

4.  Fylkir held ég að sé búið að ná toppnum. Það er eitthvað í efnasambandinu, leikmenn, þjálfari, stjórn og áhangendur sem ég er ekki að kaupa. Vantar fyllingu í spil liðsins. 

5.  FH er ekki að finna taktinn. Þeir hafa fengið einn besta leikmann í úrvalsdeildinni Hannes Þ. Sigurðsson hörkuduglegan og skemmtilegan spilara. Hins vegar eru FH ingar að gera alvarleg mistök með því að nota ekki t.d. leikmenn úr íslandsmeisturum 2 flokks frá því í fyrra, en daðra vi menn eins og Bjarka Gunnlaugsson og Tommy Nielsen, hreint út sagt galið. Heimir hefur sennilega gleymt því þegar hann sjálfur þurfti að yfirgefa KR þegar upp kom einhver skemmtilegasti hópur yngri leikmanna hjá félaginu. 

6. Stjarnan er að koma einhverjum álytsgjöfunum á óvart. Félagið á hins vegar þéttan hóp leikmanna og eru ekki á leiðinni niður. Það er hins vegar hreint með ólíkindum t.d. á móti IBV að vera með einn besta skókarmann deildarinnar Ellert Hreinsson á bekknum og setja hann inná þegar rúmar 10 mín eru eftir. Auk þess kom Bjarki Eysteinsson inná á svipuðum tíma, en þeir gerast vart líkamlega öflugri. Viðtöl við Bjarna Jóhannsson eftir leiki kalla á andstöðu dómara, sem lið í toppbaráttu hafa ekki efni á að fá á móti sér. 

7.  Breiðablik. Íslandsmeistarnir frá því í fyrra ná ekki alveg flugi. Það á eflaust margar skýringar. Það vilja allir vinna íslandsmeistarana. Leikmenn ofmetnast líka að hluta og það hefur áhrif að þetta er fyrsti íslandsmeistaratitill félagsins í úrvalsdeild karla. Hörku góð uppbygging hjá Ólafi Kristjánssyni á eftir að færa félagið upp stigatöfluna. Félagið er í sérklassa hvað varðar að byggja upp á eigin leikmönnum og það er til mikillar fyrirmyndar í því þjóðfélagslegu ástandi sem er ríkjandi. 

8. Keflavík  missti mikið af leikmönnum fyrir mótið í ár, og bætti fáum við sig. Það tekur toll, en liðið getur spilað hörkubolta. Willum Þórsson á bara eftir að gera þetta lið betra.

9. Þór er með lið sem á eftir að verða í erfiðleikum. Þeir eiga unga stráka sem geta spilað fótbolta, og þeir eiga eftir að fá reynslu í sumar. Þeirra barátta verður að halda sér uppi. 

10. Grindavík  er eins og Fylkir í tilvistarkreppu. Þeir ættu að vera með mannskap til þess að halda sér uppi en efnasambandið er ekki að ganga upp. Verða í botnbaráttunni.

11. Víkingur. Afskaplega andlaust lið.  Þeir áttu reyndar hörkuleik á móti FH, en maður veltir því fyrir sér hvað lagt er upp með af þjálfara og stjórn.

12. Fram staða þeirra í deildinni kemur öllum á óvart.  Fram hefur náð góðum árangri undanfarin ár með baráttu, skipulagi og aga. Það vantar einhverja leikgleði í dæmið hjá Fram. Á von á að ef ekki verða breytingar næstu 1-2 leikina fái þjálfarinn Þorvaldur Örlygsson að taka pokann sinn. Það verður að teljast óvænt staða fyrir mót. 

Kristinn skoraði bæði í sigri Blika

Athugasemdir

[Helga Kristjánsdóttir, 28.6.2011 kl. 01:24]

 Þetta er bara gott hjá þér,en ekki var ég á leiknum er að spara.Ég er mjög ánægð að þeir byggja á eigin útungun. Ólafur er svo skemmtilegur karakter,kemur alltaf svo vel fyrir í viðtölum eftir leiki. Vona að strákurinn sem var hjá Reading,komist sem fyrst upp úr meiðslum,hann á eftir að sýna hvað í honum býr.

[Gísli Foster Hjartarson, 30.6.2011 kl. 08:53]

Amen á eftir efninu er viðeigandi hér.  Margt þarna sem ég er sammála. Ég hef lengi sagt að það lið sem fyrst tekur til heima hjá sér og helypir ungum leikmönnum uppöldum að og leyfir spila - verður stórveldi (það verður náttúrulega samt eitthvað að vera í hópinn spunnið sem upp kemur). En þetta hefur reynst liðum erfitt og í raun gerist þetta að nokkru leyti í neyð hjá Blikum. Menn illa staddir fjárhagslega og því ákveðið tækifæri, sem menn áttu að vera búnir að sjá fyrir löngu með allt þetta unglingastarf.

Valshjartað er að hverfa - kannski liðið líka sem slíkt, en einhver sagði mér að það væri nú smá uppgangur í yngri flokkunum þar, en það tekur mörg ár að skila sér.

Varðandi mína menn þá höfum við því miður ekki átt marga sterka hópa á uppleið í mörg ár. Hér sakna margir þess líka að hafa ekki  fleiri heimamenn, sem eru nú samt nokkrir. En starfið síðustu ár ehfur ekki boðið upp á meiri uppsprettu. Reyndar fannst mér þegar ég ar í ráðinu margir strákar vera að koma í gegn og ég taldið að við ættum 8-10 menn á leiðinni - kannski ekki stjörnur en leikmenn sem vel gætu spilað fyrir félagið, ætli 7 þeirra séu ekki hættir eða farnir annað. EN vonandi lifnar yfir þessu á ný.

Sé ekkert í stöðunni ídag sem stoppar KR frá titlinum.