Leitað að skýringum.

Fyrir venjulegt fók er erfitt að skilja hvers konar maður það sem fremur hryðjuverk eins og Breivík framdi í Noregi. Mörgum dettur í hug geðröskun, sem sjáfsagt verður skoðað, þrátt fyrir athugasemdir nokkurra Íslendinga. Margir velta fyrir sér aðstæðum sem gætu hafað mótað Breivik. Þá hafa komið fram tilgátur um siðblindu.

Það er athyglisvert að fara yfir helstu einkenni siðblindu skoða hana í ljósi þess sem gerst hefur. Helstu einkennin eru: 

• Tillitsleysi við aðra og hneigð til að brjóta á öðrum í eiginhagsmunaskyni.
• Virðingarleysi fyrir siðum, reglum og lögum sem leiðir oft til afbrota.
• Viðkomandi beita ofbeldi ef það þjónar eigin stundarhagsmunum.
• Beita lygum og blekkingum auðveldlega.
• Hafa litla stjórn á löngunum, framkvæma fljótt það sem þeim dettur í hug en sjá ekki fyrir afleiðingarnar og læra ekki af reynslunni.
• Hafa grunnar tilfinningar og hafa ekki samúð með öðrum nema á yfirborðinu.
• Hafa ekki hæfileika til að tengjast öðrum tilfinningaböndum.
• Athyglissýki
• Samviskuleysi.
• Plottárátta
• Brókarsótt

Það eru margir af þessum þáttum sem geta átt við Anders Breivik en siðblindu getur verið mjög erfitt að greina og það gerist oft ekki nema á nokkrum tíma. Siðblindir einstaklingar eru taldir vera 1-5% eftir því hversu stíf skilgreiningin er. Þessir einstaklingar planta sér gjarnan í ábyrðarstöður stórfyrirtækja, því þeir er ábyrðarlausir og mjög viljugir til að taka áhættu. Þeir fara gjarnan í fjölmiðla og stjórnmálin er þeim sérstaklega kær, sem er talin ein helsta ástæða þess að óheilindi í pólitíkinni er eins mikil og raun ber vitni. Séreinkenni? Tilfinningaleysi gagnvart öðrum, lygar og óheildini, jú, og sérstök árátta til framhjáhalds og .... þá láta aðra vita af því!

Siðblinda getur því verið hluti af greiningu á Anders Breivik, en er sennilega aðeins hluti dæmisins. 

 

Myndin af morðingjanum skýrist

Athugasemdir

[Hans Haraldsson (IP-tala skráð) 26.7.2011 kl. 22:52]

Ef Breivik verður greindur sem siðblindingi (ég held annars að narsisti sé líklega) þá er það væntanlega vegna þess að hann skortir samkennd og samvisku, á auðvelt með að blekkja o.s.frv.

Hvernig fengir þú það þá út að hann skorti samkennd og samvisku, eigi auðvelt með að blekkja o.s.frv. vegna þess að hann væri siðblindingi!?

Er það ekki eins og að segja að rigningin sé blaut vegna þess að rigning sé blaut?

[Skeggi Skaftason, 26.7.2011 kl. 23:47]

Osama bin Laden, passar hann inn í þessa greiningu?

[Sigurður Þorsteinsson, 27.7.2011 kl. 00:14]

Skeggi, nú veit ég ekki. Einhverjir sem þekkja betur til persónuleika Osama bin Landen geta  frekar dæmt slíkt. Þekki nokkra í pólitíkinni hér heima sem falla vel undir þessa greiningu í flestum flokkum, sem hafa þó ekki skotið fólk svo ég viti.

Þegar ráðherra tekur að sér að meta geðheilsu hryðjuverkamanna, þá gæti hann að öllum líkindum getað hjálpað okkur við að greina bin Landen. 

[Skeggi Skaftason, 27.7.2011 kl. 11:41]

Jú ég er sammála þér og fleirum að Breivik hljóti að teljast siðblindur.

Siðblindan í bland við sjúklega áráttukennda trú á "Eurabia"-samsæriskenningar um að Arabar, múslimar, með aðstoð auðtrúa fjölmenningarsinna, væru að leggja vestræna menningu í rúst réttlættu í hans huga glæpinn.

Þær samsæriskenningar lifa góðu lífi hér og annars staðar og full ástæða til að loka ekki augunum fyrir þeim.

[Eggert Guðmundsson, 27.7.2011 kl. 21:48]

Ef grannt er skoðað þá gæti verið hægt að hefta mörg einkenni sem þú telur upp,  við nokkra aðila  í Íslenskri ríkisstjórn.