Landsliðsþjálfari karla fundinn!

Stórkostlegur árangur kvennalandsliðsins er uppskera fagmennsku. Þegar Sigurður Ragnar tók við tók hann upp ný vinnubrögð. Hann skorti reynslu og þá fékk hann til sín mann með reynslu sem er Guðni Kjartansson. Saman hafa þeir náð ótrúlegum árangri, að sjálfsögðu með stelpunum og öllum þeim sem að landsliði kvenna standa. Hann er búinn að vera 5 ár með landsliðið og þá fer að koma tími á næsta verkefni. KSÍ hefur oft setið undir gagnrýni, en sambandið hefur sýnt að þegar kemur að kvennalandsliðinu getur sambandið staðið sig.

Við eigum til afburða þjálfara innanlands og einhverja þeirra getur Sigurður fengið til liðs við sig. Það á að leggja meira í landsliðin heldur en hefur verið gert. Mismunurinn á að þjálfa kvennabolta og karlabolta er sífellt að vera minni og minni. 

Auðvitað eru það svo að margir sérfræðingarnir munu bend á menn eins og Bobby Charlton, Roy Keen eða einhverja þá sem þeir þekkja erlendis. Málið snýst hins vegar um að byggja upp fagmennsku og hana er hægt að fá hér innanlands. 

Við eigum að nýta Sigurð áfram til þess að hafa áhrif á kvennalandsliðið, landsliðsþjálfari á að vera í fullu starfi fyrir KSÍ. Það er hægt að fara með kvennalandslið á næsta stig. Með meiri vinnu og meiri stuðningi. 

Stórgóður leikur í dag, sem við eigum öll að fagna. 

Sögulegur sigur gegn Noregi

Athugasemdir

[Guðmundur Júlíusson, 17.9.2011 kl. 22:05]

Heyr heyr, flottur leikur hjá flottum stelpum í dag, hvað varðar að að hafa fundið réttann mann í starf þjálfara karlalandsliðsins er ég ekki alveg eins sammála þér með, tel að það þurfi aðfkekypt blóð til að hrista í hlutunum.

[Halldór Egill Guðnason, 18.9.2011 kl. 02:16]

Það væri að sjálfsögðu algert glapræði að taka tappan úr frábærum gangi kvennalandsliðsins með því að siga þjálfaranum á karlalandsliðið. Strákarnir hafa einfaldlega ekki staðið sig sem þeir ættu og þegar nýr þjálfari verður ráðinn er hætt við að mörg nöfn hverfi af landsliðslistanum hjá karlaliðinu. Kvenfólkð er hins vegar að standa sig eins og hetjur og hefur gert um langa hríð. Það verður virkilega gaman að fylgjast með þeim á næstunni. Sennilega jafngaman og það verður leiðinlegt að fylgjast með körlunum, því þar á bæ er einfaldlega komið að leiðarlokum "denne gangen" og mkilvægt að endurnýja verulega leikmannahópinn.

[Gunnar Guðmundsson, 18.9.2011 kl. 09:46]

Það má líka kannski heimfæra þennan árangur Sigurðs Ragnars uppá Rúnar Kristins. Hann hefur náð frábærum árangri með KR- liðið á skömmum tíma og sennilegast innleitt ný vinnubrögð í Vesturbænum. Ég myndi veðja á hann.

[Jón Atli Kristjánsson, 18.9.2011 kl. 10:10]

Er sammála Guðmundi, það þarf að hrista upp í karlalandsliðinu, það þarf nýtt blóð. Ekki ein af þínum bestu hugmyndum Siggi minn !

[Dexter Morgan, 18.9.2011 kl. 15:43]

Við þurfum útlending í þetta. Einhvern sem er ekki innvinklaður í KSÍ-klíkuna. Einhvern sem spriklar ekki eins og sprelligosi eftir höfðinu á Geir og félögum. En það er nú ólíklegt að svo verði, því þá mun KSÍ-klíkan missa hreðjartökin sem þeir hafa og þurfa jafnvel að fara að sæta ábyrgð og taka gagnrýni. Það finnst þeim óþægilegt svo ég spái að þetta verði einhver "þægilegur" sem þeir ráða.

[Guðmundur St Ragnarsson, 18.9.2011 kl. 16:41]

Kvennalandsliðið á að vera í forgangi hjá KSÍ enda topplið á alþjóðlegum mælikvarða á meðan ástandið hjá strákunum er frekar bágborið. Þess vegna á toppþjálfari eins og Sigurður Ragnar að vera áfram hjá toppliði en ekki að fara niður á við.

[Sigurður Þorsteinsson, 18.9.2011 kl. 19:50]

Það eru skiptar skoðanir um landsliðsþjálfarann, og Sigurður Ragnar er einn af þeim sem gæti komið  til greina. Hann er búinn að vera fimm ár með kvennalandsliðið og hefur náð árangri.

Rúnar er tiltölulega nýtekinn við KR og ætti að mínu mati að fá að fá meiri reynslu. Hefur sannarlega sýnt að hann kann ýmislegt fyrir sér.

Heimir Hallgrímsson er áhugaverður kostur, árangur hans í Eyjum er ótvíræður. 

Guðjón Þórðarson náði afar góðum árangri með landsliðið og hefur starfað erlendis. 

Willum Þórsson er reynslumikill, þó árangur hans með Keflavíkurliðinu fleyti honum ekki mjög langt. Hafa verður í huga að liðið missti marga leikmenn fyrir tímabilið og það tekur tíma að byggja upp nýtt lið.  

Ólafur Kristjánsson náði glæsilegum árnagri í fyrra með Blikana. Það kom mér ekki á óvart að þeir yrðu ekki meistarar í ár. Þó ég hefði viljað sjá þá ofar. 

Fleiri væri hægt að nefna. Svo eru það útlendingarni.