Heimkoma varðskipsins Þórs.

Þegar varðskipið Þór sigldi inn í Reykjavíkurhöfn var ég staddur í bankanum mínum. Allt í einu þustu viðskiptavinir og starfsfólk að gluggum bankans til þess að horfa á Þór. Það sérstök tilfinning sem fylgdi athöfninni þögn en auðmýkt í loftinu. Eftir nokkurn tíma segir ungur strákur:

,,Vá hvað hann er flottur".

,, Nú" sagði eldri maður

,,Jú, þetta er ekki eitthvað skip, þetta er varðskipið okkar Þór"

Þyrlur flugu yfirskipinu, og Fokker kom og flaug yfir skipið í tvígagn, til þess að sýna skipinu og áhöfn þess virðingu sína.

Á tímum sem við megum vart lengur halda upp á trúarlegar hátiðir eins og páska og jól, er ánægjulegt að  þjóðin geti fagnað í auðmýkt og virðingu.

Athugasemdir

[Halldór Sigurðsson, 30.10.2011 kl. 11:49]

Kíkti á bátin í gær og tók nokkrar myndir og einnig myndband af honum

http://skodun.blog.is/blog/skodun/entry/1201404/

[Sigurður Þorsteinsson, 30.10.2011 kl. 13:32]

Halldór þakka þér fyrir. Glæsilegt skip, með mikilvægt hlutverk.

[Jón Steinar Ragnarsson, 30.10.2011 kl. 17:31]

"Á tímum sem við megum vart lengur halda upp á trúarlegar hátiðir eins og páska og jól..."

Þér getur ekki verið alvara Sigurður.

Ja, hérna hér...

[Sigurður Alfreð Herlufsen, 31.10.2011 kl. 01:59]

Ég var einn þeirra sem stóð á bryggjunni og tók á móti varðskipinu Þór.

Þetta var í senn virðuleg og sérstök stund.

Þjóðsöngurinn leikinn og heiðursvörður Landhelgisgæslunnar á staðnum og svo kom presturinn og fór með fallegt kvæði til heiðurs skipinu.

Einnig fór hann með bænina Faðir vor. Ekki veit ég  hvað margir drupu höfði í anddakt, vegna þess að það gerði ég sjálfur.

Vona einungis að þjóð mín sé ekki svo andlega fátæk, að hún heiðri ekki hinn andlega heim á sínum stærstu stundum.