Sigurvegarinn í Samfylkingunni

Var bent á afar áhugavert viðtal við Frosta Sigurjónsson í Silfri Egils í dag og leit inn. Stoppaði við þegar ég sá að Kristrún Heimisdóttir var í þættinum, en mér finnst hún vera málefnaleg, en jafnframt hörð í horn að taka.

Kristrún lýsir yfir vanþóknun á réttarhöldunum  yfir Geir Haarde. Um það að  hún hélt ræðu um þetta mál í Hörpu sagði hún: ,,Ég hef verið kjöldregin í mínum eigin flokki af mörgum fyrir að gera það, en ég hefði verið aumingi ef ég hefði ekki gert það". Það var ekki nema von að Egill Helgason segði af lokinni tölu Kristrúnar, ein mesta ræða sem haldin hefur verið í Silfrinu. 

Samfylkingin sem á í miklum forystuvanda, þar sem þeir finna ekki leiðtoga til þess að taka við flokknum. Ég get vel skilið að andstæðingar Samfylkingarinnar vilji að flokkurinn líti fram hjá Kristrúnu, en ég sé engan fulltrúa jafn frambærilegan, og ekki einu sinni nálægt getu hennar. 

Í siðareglum sem Samfylkingin var að setja segir m.a. ,, Við tökumst á við ágreining og viðurkennum að hann er eðlilegur hluti af  samskiptum þar sem frjáls skoðanaskipti fara fram". Það er eðlilegt að skoða hvað Kristrún segir í þessu ljósi. 

Nú skiptist Samfylkingin í þrjú flokksbrot gamla Alþýðuflokkinn, Kvennalistann og gamla Alþýðubandalagið sem jafnframt inniheldur Þjóðvaka. Flokksmenn vita að vandinn fyrir næstu kosningar er mjög mikill. Nýr foringi þyrfti að taka við í síðasta lagi um mitt þetta ár, ef takast á að koma í veg fyrir algjört afhroð. Fyrir því er ekki skilningur hjá Jóhönnu eða flokksforystunni.

Á meðan Samfylkingin sekkur, kennir Kristrún Heimisdóttir lögfræði  á Akureyri. Eiríkur Bergmann sagði nýlega að það síðasta sem Ísland þarf á að halda, og þá væntnanlega Samfylkingin ekki heldur. Eftirspurnin eftir Kristrúnu er því sennilega ekki til staðar innan Samfylkingarinar. 

 

 

Athugasemdir

[Helga Kristjánsdóttir, 12.3.2012 kl. 02:07]

Kristrún kom vel út, fyrir það að vera ærleg,brjóta odd af ,,oflæti,, sínu og halda ræðu á(málþingi) Sjálfstæðismanna. Það eru menn í öllum flokkum sem hakka eigin flokksmenn í sig,komi þeir nálægt óvininum,á þeirra ,,landareign,, að því leiti líkist það trúarbrögðum.

[Sigurður Þorsteinsson, 12.3.2012 kl. 07:18]

Sæl Helga, við þekkjum það úr íþróttunum að sýna drenglyndi, eitthvað sem virðist fátítt í pólitíkinni. Ef þú sérð klassaíþróttamann þá skiptir engu máli í hvaða liði hann er, þú virði hann. Það eru ekki nógu margir leiðtogar í pólitíkinni, en Kristrún er sannarlega ein af þeim. Hún er ekki að sýna þá hlið fyrst núna. Mikið vildi ég að við ættum aðeins fleiri og í öllum flokkum þá værum við komin úr þeirri stöðnun sem þjóðfélagið nú er í . 

[Sigurður Þorsteinsson, 12.3.2012 kl. 22:27]

Heil og sæl Helga

Kristrún skoðaði þetta mál af fagmennsku og það fór víst fyrir brjóstið á flokkstrúarliðinu. Það er einmitt flokkstrúarlið allra flokka sem gera það að verkum að stærstu níðingsverkin í pólitíkinni eru unnin.