Þingmaður óskar eftir rannsókn á eigin klúðri!

Stundum er það einungis heimskan sem rekur þingmenn í ræðustól á Alþingi eða er það blanda af sektarkennd yfir eigin klúðri og kjánaskap. Það var einmitt af þessum ástæðum að Helgi Hjörvar stóð upp og taldi að nú væri kominn tími til þess að hefja næstu rannsókn á hugsanlegu tapi á hluta af þeim fjármunum sem settir voru í Kaupþing á hrundögunum.

Um leið og strákurinn hafði misst þetta út úr sér áttaði hann og allir aðrir í salnum að Helgi Hjörvar var að kalla eftir rannsókn á Icesavesamningunum, og einkavæðingu bankanna til erlendra útrásarvíkinga, vogunarsjóðanna. Hvort tveggja studdi Helgi Hjörvar.

Tveir ráðherrar sátu sótsvartir í framan af bræði. Nú hæfist umræðan að draga þau fyrir Landsdóm, Jóhannu og Steingrím.

Steingrímur heyrðist hvæsa: ,, Geturðu ekki hafið hemil á þessu strákgerpi"
Jóhanna svaraði hvasst. ,,Ég fékk hann úr Alþýðubandalaginu þínu"
,,Þegiðu", svaraði Steingrímur

Það eru að koma páskar, og síðan styttist í þinglok. Í haust verða það fjárlögin og þigi lykur í janúarlok. Þetta er að verða búið.  Síðan kemur aldrei aftur vinstri stjórn.

Athugasemdir

[Magnús Helgi Björgvinsson, 23.3.2012 kl. 10:25]

Næ þessu ekki með einkavæðingu bankana. Eins og þú veist þá voru gömlu bankarnir í raun settir í þrot. Og erlendir kröfuhafar áttu því bankana í raun. Bæði útlán og allar innistæður. Því var varla hægt að mynda nýja banka og taka yfir allar innistæður og valin lán sem ríkið átti ekki? Sbr að nýji Landsbankinn þurfti að setja fram um 300 milljarða skuldabréf í gamla Landsbankan til að geta tekið yfir innistæður fólks í bankanum.   Það breytir ekki að það var skrýtið að láta 70 milljarða í banka nokkrum klukkustundum áður en að Neyðarlögin voru stett á.  Og Icesave er ekki lokið.

[Sigurður Þorsteinsson, 23.3.2012 kl. 11:03]

Maggi, tveir af þremur nýju bankanna Íslandsbanki og Kaupþing voru seldir erlendum útrásarvíkingum, erlendum vogunarsjóðum. Ekki tókst að selja Landsbankann, annars hefði hann verið seldur líka. Við þessu var varað á sínum tíma og æ fleiri sjá nú hversu hættulegt þessi einkavæðing var, líka stuðningsmenn ríkisstjórnarinnar. Það var ámælisvert hvernig bankarnir voru einkavæddir á sínum tíma, en þessi einkavæðing er skelfileg. 

Það er full ástæða til þess að fara yfir þennan gjörngin varðandi Kaupþing á sínum tíma. og það er full ástæða til þess að skoða gjörninga varðandi Sparisjóðina og t.d. Sjóvá. 

Glæpurinn varðandi Icesave fólgst í því að ætla að samþykkja Icesave I og II. Það að samþykkja Icesave III var allt annað mál. 

Auðvitað vilt þú að allir séu jafnir fyrir löunum og því vilt þú eins og Helgi Seljan að  draga þau Jóhönnu og Steingrím fyrir Landsdóm, sennilega fara einhverjir fleiri ráðherrar með þeim fyrir dóminn. 

[Helga Kristjánsdóttir, 23.3.2012 kl. 11:38]

Lánið til Kaupþings var á þeim tíma veð-tryggt eftir því sem vísir menn segja.

[Jón Valur Jensson, 23.3.2012 kl. 19:15]

Góður og gamansamur stíll á þessu hjá þér, Sigurður, og alvaran þó undir niðri.