Á harðahlaupum undan ábyrgðinni.

Ákvörðun kallar á ábyrgð.

Nú í alllangan tíma hafa Íslendingar verið hvattir til að fjárfesta í Kína, og  að sjálfsögðu hafa þá Kínverjar litið til  fjárfestinga á Íslandi og að sjálfsögðu hvattir til þess. Íslendingar geta hins vegar ekki keypt land í Kína og Kínverjar geta ekki keypt land á Íslandi. 

Nú  bregður svo við að forríkur Kínverji Huang Nubo, með náin tengsl við kínverks Kommúnistaflokkinn vill kaupa afar stórt land Grímstaði á Fjöllum. Maðurinn kemur vel fyrir  og í ljós kemur að hann er náinn vinur og bekkjarbróðir fyrrum formanns Samfylkingarinnar. 

Auðvitað taka ráðherrar Samfylkinnar forystu í málinu og telja það allt hið besta mál. Veit eigi manninum undanþágu frá því að kaupa land á Íslandi. Þá tekur eitt aðaltromp Samfylkingarinnar Ómar Ragnarsson upp á því að gagnrýna þessi kaup harðlega. Það gerir Bjarni Benediktsson formaður Sjálfstæðisflokksins einnig. Svo kemur VG í humátt á eftir. Þess skal sérstaklega getið að þáverandi formaður Samfylkingar á Akureyri var líka á móti kaupunum, og uppskar að  vera flokkaður sem villiköttur í Samfylkingunni og er því kominn í útrýmingarhættu.

Nú kemur Eiður Guðnason fyrrum sendiherra Íslands og Samfylkingarinnar í Kína fram og mótmælir því að Kínverjar hafi verið hvattir til þess að fjárfesta á Íslandi.  Draga verður þá ályktun að sendiherrann hafi ekki verið allsgáður í þessum heimsóknum, ekki vitað neitt eða skilið neitt. Nokkuð sem ekki kemur á óvart miðað við frammistöðu hans í pólitík hér heima.

 Samfylkingin er á harðahlaupum frá ábyrgð í þessu máli. Það er full ástæða til þess að fara fram á opinbera rannsókn á málinu.

 

 

Hvöttu ekki til fjárfestinga

Athugasemdir

[Óskar Arnórsson, 8.10.2012 kl. 18:53]

Hvaða ábyrgð ertu að tala um... ??? Þetta Kínamál er skömm fyrir Íslendinga eins og mörg mál mál sem hafa með útlendinga að gera...

[Sigurður Þorsteinsson, 8.10.2012 kl. 19:50]

Óskar það fylgir því ábyrgð að reyna að keyra þetta mál í gegn, með söluna til Nubos. Það var mitt mat að það þurfi að setja skýra stefnu um landakaup á Íslandi, rétt eins og margar þjóðir í Evrópu gera. Samskipti við aðra þjóðir eiga ekki að vera skammtímamál og byggjast á hentistefnu hverju sinni.

[Kjartan Pétur Sigurðsson, 8.10.2012 kl. 21:18]

"Auðvitað taka ráðherrar Samfylkinnar forystu í málinu og telja það allt hið besta mál. Veit eigi manninum undanþágu frá því að kaupa land á Íslandi. Þá tekur eitt aðaltromp Samfylkingarinnar Ómar Ragnarsson upp á því að gagnrýna þessi kaup harðlega. Það gerir Bjarni Benediktsson formaður Samfylkingarinnar einnig. Svo kemur VG í humátt á eftir. Þess skal sérstaklega getið að þáverandi formaður Samfylkingar á Akureyri var líka á móti kaupunum, og uppskar að vera flokkaður sem villiköttur í Samfylkingunni og er því kominn í útrýmingarhættu."

1) Ég hélt að Bjarni Benediktsson væri formaður Sjálfstæðisflokksins!

2) ... ekki vitað neitt eða skilið enitt...

3) ...óvarf miðað...

4) Því er það orðið góð spurning hvort þú eða Eiður Guðnason er meira allsgáður:)

[Sigurður Þorsteinsson, 8.10.2012 kl. 23:28]

Kjartan nokkrir vinir mínir sem eru Sjálfstæðismenn hafa haft samband við mig og skammað mig ógurlega fyrir að halda því fram að Bjarni Benediktsson væri farinn í hundana, það leiðréttist hér með.

Annars er lesblindan mín stundum að fikta í textanum og ég er alltaf þakklátur þegar mér er bent á þegar hún fer á kreik. Annars var einn íslenskukennari minn sem hvatti mig til þess að skrifa, þrátt fyrir hnökrana. Hann sagðist sjálfur setja inn eina og eina villu í ritað mál, bæði í tímum og annars staðar. Þá sprytti upp einstaklingar sem aldrei tjáðu sig um hugmyndafræði eða flóknari þætti. Þetta fólk fengi verkefni. Í því er fólgin góðsemi. 

[Helga Kristjánsdóttir, 9.10.2012 kl. 00:31]

Siggi minn annan þekki ég hér á Mogga blogginu sem er með þennan kvílla deslexíu,hann á oft í stökustu vandræðum,en bloggar lítið. Kjartan,gott að sjá þig,en farðu nú ekki að draga dám að algengum bloggkvillum,eða hvenær hæðum við þá sem stama. Það er líka afar algengt að falli úr stafur hjá öllum mögulegum bloggurum,þá ráðum við bara í orðið,því samhengið segir oftast til um það. Misstum við kannski af því að auglýsa athyglisgáfuna okkar ,,?

[Helga Kristjánsdóttir, 9.10.2012 kl. 00:32]

Dislexíu, á það að vera.

[Sigurbjörg Eiríksdóttir, 9.10.2012 kl. 08:30]

Já það er nú það "Það var hins vegar ekki, svo ég muni, nokkurn tímann rætt um fjárfestingar Kínverja á Íslandi. Það er misskilningur.“ sagði Eiður Guðnasona. Minnið getur nú verið allavega, er það ekki ? ;)

Kveðja úr Heiðarbæ.

[Sigurður Þorsteinsson, 9.10.2012 kl. 11:12]

Þegar verið er að ræða viðskipti milli þjóða er ekki aðeins rætt hvað við getum haft gott af t.d. Kínverjum heldur gagnkvæm viðskipti. Eiður Guðnason var sendiherra í svo fá ár að hann hefur ekki áttað sig á þessari hlið mála. Sumir sendiherrar halda að þeirra mikilvægasta verkefni sé að sjá um veislur.

Fyrir þá sem vita að Eiður var einu sinni alþingismaður og ráðherra fyrir Samfylkinguna og Samfylkingin var eini stjórnmálaflokkurinn sem vildi ganga strax frá samningi við Kínverjana um sölu á Grímstöðum á Fjöllum, virkar yfirlýsingin í besta falli mjög brosleg.

[Jón Atli Kristjánsson, 9.10.2012 kl. 16:20]

Sæll félagi Sigurður, ef texti þinn er lesin, þá segir þú að Bjarni sé formaður Sjálfstæðisflokksins, engin villa þar á ferð, þó " vondir " menn haldi öðru fram. Nýjustu fréttir benda til góðrar lendingar á Nubo málinu, allir geta verið sáttir. Þú hefðir þess vegna getað hannað þessa atburðarrás sjálfur.

[Kjartan Pétur Sigurðsson, 9.10.2012 kl. 22:30]

Það var bara smá stríðnispúki í mér þegar ég rak augun í villuna um Bjarna Ben. :)