Afsögn vegna framhjáhalds?

David Petraeus sagði af sér starfi yfirmanns CIAí dag. Það sem er merkilegt við þetta er að hann segir af sér embætti vegna þess að hafa haldið fram hjá konu sinni eftir 37 ára hjónaband. Þetta þykir nú ekki mikið mál hérlendis, en víða í nágranaríkjum okkar hefur kerfið mjög stíft aðhald með meintri siðblindu. Einstaklingar haldir siðblindu geta skaðað samfélagið mjög mikið, og yfirleitt setja þeir eigin hagsmuni ofar heildarhagsmunum. 

Það er alls ekki auðvelt að bera kennsl á siðblindu, því einstaklingar haldnir henni, dyljast mjög auðveldlega. Skoðum nokkur einkenni: 

1. Tungulipurð / yfirborðskenndir persónutöfrar
2. Stórmennskuhugmyndir um eigið ágæti
3. Lygalaupur
4. Slóttugur, falskur, drottnunargjarn
5. Skortir á eftirsjá eða sektarkennd
6. Yfirborðskennt tilfinningalíf
7. Kaldlyndur / skortir samhygð
8. Ábyrgðarlaus um eigin hegðun (kennir öðrum um)
9. Spennufíkill / leiðist auðveldlega
10. Sníkjudýr (á öðrum eða „kerfinu“)
11. Léleg sjálfstjórn
12. Lauslæti
13. Skortir raunsæ langtímamarkmið
14. Hvatvísi
15. Ábyrgðarleysi

Hérlendis hefur það ekki þótt mikið mál þó að einstaklingar í ábyrgðarstöðum síni glögg merki siðblindu. Við getum hins vegar ekki átt von á miklum breytingum á Íslandi nema við gerum stífari kröfur. 

Siðblindir einstaklingar sækja gjarnan í stöður eins og stjórnmál, fjölmiðla og fjármálastofnanir. Yfirleitt skapa þessir einstaklingar fljótlega vandamál. Hér á landi komast þeir oft  og iðulega upp með sliðblindu sína og haldast lengi í starfi þrátt fyrir mikla óánægju með störf þeirra. Svokölluð korktappaáhrif. 

 

CIA-stjóri hættir vegna framhjáhalds

Athugasemdir

[Jón Atli Kristjánsson, 10.11.2012 kl. 20:31]

Þessi ágæti maður er örugglega ekki sá síðasti sem ákveðinn líkampartur leiðir í gönur. Ef satt er að þetta framhjáhald hafi staðið í 10 ár, er brotavilji mannsins augljós.

Korktappa stjórnmálamaður ( hann er korktappi ) og korktappaáhrif lýsir frjórri hugsun þinni og vina þinna og er lýsing á þeim sem hefur lítið að segja enn skoppar svona ofaná, kemur af einhverjum ástæðum alltaf standandi niður. Ég held að þetta sé ekki lýsinga á mannkostum, heldur einhverju öðru.

Þakka þér fyrir að halda á lofti, þessu fyrirbæri sem er siðblinda. Eins og þú lýsir þessu, er ærin ástæða til að vera hér á varðbergi !!

[Guðmundur Pétursson, 11.11.2012 kl. 20:51]

"...og yfirleitt setja þeir eigin hagsmuni ofar heildarhagsmunum." Hvað ætli margir alþingismenn setji eigin hagsmuni eða hagsmuni flokksins ofar heildarhagsmunum? Ég held að það sé góður meirihluti þingmanna.