Niður með verðbólguna

Það átti að vera sameiginlegt verkefnið að ná verðbólgunni niður. Því miður taka ekki allir þátt. Bankarnir taka sig til og hækka vexti á verðtryggðum lánum. Það er misskilningur að eina hlutverk fyrirtækja sé að græða. Samfélagsleg ábyrgð skiptir líka máli. Nú ættu þeir bankar sem hafa hækkað vexti að draga þá hækkun niður í einhvern tíma. Sveitarfélögin eiga ekki að bjóða út lóðir og selja til hæstbjóðanda. Sveitarfélögin rétt eins og ríkið verða að sýna aðhald í rekstri og stoppa gæluverkefni. Innviðaráðuneytið á nú tækifæri að ná árangri í umgjörð húsnæðismarkaðarins, en einnig að koma með lausnir á þeim sem eiga við greiðsluerfiðleika að stríða. Þá þurfa lífeyrissjóðirnir að koma að dæminu. Ef það er raunverulegur vilji að ná verðbólgunni niður þá er það sannarlega hægt. Síst en ekki síst þurfa valdagráðugir stjórnmálamenn að hætta að blaðra um allt sé að fara til andskotans þrátt fyrir að það séu að koma kosningar. 

Athugasemdir

[Ásgrímur Hartmannsson, 16.9.2024 kl. 20:25]

Ríkið gæti líka bara einfaldlega dregið saman um alveg helling.

Idealið væri 99%, en verum raunsæir og segjum svona 20%.

Bara Umhverfisráðuneitið kostaði okkur 16 milljarða á síðasta ári.  Það er eitthvað.  Sú skattheimta hefur spilað mikið inní verðbólguna.

Allskyns útlendinga-vesen hefur kostað annað eins - en ekki í einu ráðuneyti, það er dreift um nokkur.

"Stuðningur við Úkraníu" er alltaf 2 milljarðar í hverst sinn sem þeir minnast á það.  Það er ekki ekkert.  Svo er stuðningur við allskyns hryðjuverkasamtök ótalinn, en þar erum við að tala um meira en 200 milljónir.

Allir ssir ríkisstarfsmenn sem hafa langa title en gera í raun ekkert kosta, og þeir fara að kosta meira þegar þeir fara að halda uppi húsnæðisverðinu í landinu með gjafafé frá okkur fólkinu. 

Af mörgu er að taka.

Peningamokstur ríkisins í vitleysu er að stuðla að mestri verðbólgu.  Meira en helmingnum af henni.

Þegar búið er að fiffa þetta má fara að skoða hvað bankarnir hafa að segja.

[Guðmundur Ásgeirsson, 16.9.2024 kl. 22:04]

Kannski mætti byrja á því að hætta að taka alla markaðsbresti sem dynja á inn í verðbólgumælingar og mæla eingöngu eðlilega verðmyndun. Þá myndi kannski koma í ljós að raunveruleg verðbólga sé ekkert svo mikil heldur bara víðtækur markaðsbrestur í gangi.

[Sigurður Þorsteinsson, 17.9.2024 kl. 12:43]

Það má víða spara hjá hinu opinbera. Það þýðir bæði hjá ríkinu og sveitarfélögunum. Stærsta sveitarfélagið er með fjármálin sín í einni rjúkandi rúst. 

Auðvitað þarf að stöðugt að endurskoða mælingar og aðferðir. 

Samt í dag er ljóst að það er húsnæðisþátturinn sem keyrir fyrst og fremst verðbólguna áfram. Þar þarf marga til að koma að málinu. Sveitarfélögin eru þar í lykilhlutverki. Sveitarfélögin eru ekki að taka þátt í því að koma verðbólgunni niður, með þeim hætti sem þau þyrftu að gera.