Breiðablik Íslandsmeistari

Góðu Íslandsmeistaramóti í knattspyrnu lokið með sigri Breiðabliks í Bestu deild karla og áður kvenna. Afar áhugavert lið og góð blanda leikmanna. Þetta er stór sigur fyrir Halldór Árnason þjálfara sem verður ekki talinn reynslumikill sem þjálfari. Ráðning aðstoðarþjálfara til félagsins nýlega er afar skynsamleg ráðning. Þá er Höskuldur Gunnlaugsson verskuldað valinn leikmaður ´Bestu deildarinnar í ár. Mér finnst með ólíkindum hvernig landsliðsþjálfararnir komast hjá að velja hann í landsliðið, ekki síst eftir að Aron Gunnarsson datt út. Alhliða góður leikmaður með einstakan karakter. Til hamingju Breiðablik. 

Athugasemdir

[Helga Kristjánsdóttir, 28.10.2024 kl. 01:52]

Já við fögnuðum heima þar sem við sáum leikinn og einnig þann sem stúlkurnar okkar unnu fyrr í(sumar).Já það gengur vel í öllu þegar stjórnað er af alúð. Margir taka undir með þér varðandi Höskuld ég geri það en hef nokkurskonar krúttaðdáun á öllu liði mínu.Ég vissi að gömlu strákarnir sem unnu í 3 aldursflokkum á árunum "75-78?, sama dag,ætluðu að halda upp á þann viðburð núna,hef ekki enn frétt af því.Gaman að gera sér dagamun frá æsku. Ég man eina skondna er Hraunbraut bauð Austurbraut í vesturbæ Kópavogs í fótboltakeppni á Rútstúni.Ég gaf sonum mínum bykar sem var gamalt mælistaup úr (áli held ég),sem þeir máluðu. Af úrslitum frétti ég að fyrirliði Hraunbrautar framlengdi leiknum,sem hinir samþykktu ekki,þá tók liðsmaður Austurs,bykarinn og hljóp með hann sem leið lá upp að kirkju og allur skarinn á eftir. Síðan hefur ekkert spurts til þessa glæsigrips en því meira hlegið að æskupörum þeirra.   

[Sigurður Þorsteinsson, 28.10.2024 kl. 03:10]

Já Helga mín, það eru Blikar eins og þú sem er grunnurinn að því stórveldi sem Breiðablik er í dag. Þú mátt vera stollt.