Áfall fyrir RÚV

Röðun á lista, hefur sína vankanta, það hefur prófkjör reyndar líka. Kristrún Frostadóttir er í fyrsta sæti á lista Samfylkingarinnar í Reykjavík norður. Uppröðunarnefnd setur Dag B. Eggertsson umdeildan fyrrum borgarstjóra í annað sætið, og Þórð Snæs Júlí­us­son­ í það þriðja. Hann er sannarlega umdeildur og ekki síst eftir að bloggskrif hans frá fyrri tímum hafa birst. Þórður hefur gefið út að ef hann nái kosningu, muni hann ekki taka sæti á Alþingi. Hárrétt ákvörðun. Næst á lista er Dag­björt Há­kon­ar­dótt­ir sem hefur setið á Alþingi síðan Helga Vala Helgadóttir sagði af sér. Það er ekki spurning hvort Dagbjört nái þriðja sætinu heldur gæti hún náð öðru sætinu ef Dagur fær margar útstrikanir. Dagbjört ein ein af þessum þingmönnum sem flestir vilja hafa á þingi, málefnaleg og hæfileikarík. Þórður Snær hefur verið einn af þessum ,,hlutlausu" ráðgjöfum RÚV sem m.a. veldur því að æ fleiri vilja leggja RÚV niður. 

Athugasemdir

[Einar Sveinn Hálfdánarson, 16.11.2024 kl. 22:39]

Er það svo að Dagbjört sé ein ein af þessum þingmönnum sem flestir vilja hafa á þingi, málefnaleg og hæfileikarík? Þingmaður sem vil banna orðin afi og amma (sbr. lagafrumvarp hennar) og setja þess í stað í stað "foreldri foreldris"?

[Sigurður Þorsteinsson, 17.11.2024 kl. 04:20]

Einar Sveinn svarið er já. Samfylkingin hefur haft fólk á þingi sem flestir hafa borið virðingu fyrir þvert á flokka. Þingmenn eins og Dagbjartur Hannesson, Bryndís Hlöðversdóttur og Ingibjörg Sólrún Gísladóttir lögðu yfireitt  áherslu á málefnalega umræðu og umfjöllun um mál. Dagbjört gagnrýndi þannig Svandísi Svavarsdóttur að það væri einhver mennska fólgin í því að verja ákvörðun Guðmundar Inga þáverandi félsagsmálaráðhera  þegar vísa átti ungum dreng frá landinu. Inngrip ráðherra inn i einstök mál út frá pólitískum þrýstingi. Útlendingamálin hafa því miður verið notuð á þennan hátt og tekið þátt í þeim vanda sem við eigum í útlendingamálum. Þarna sýndi Dagbjört manndóm sem  ungur þingmaður. Get svo verið ósammála henni í einstökum málum t.d. um orðanotkun varðandi heiti yfir afa og ömmu.  

[Gunnar Heiðarsson, 17.11.2024 kl. 08:17]

Ég hef svo sem ekki mikið fylgst með Dagbjörtu á þingi. Vissi t.d. ekki af þessu undarlega frumvarpi hennar um nafnabreytingu á okkur gamalmennunum. Það gæti sett mig í vanda, var fyrstur til að skrá starfsheitið afi í símaskránni og nokkrir síðan fylgt á eftir. Enda er ég stoltastur af þeim titli af öllum sem ég hef borið um ævina, stoltur afi 10 stúlkna og eins drengs, hverju öðru efnilegra. Kannski á ég eftir að verða lögbrjótur fyrir að skrá mig sem afa í símaskrá, það verður fúlt.

[Gunnar Heiðarsson, 17.11.2024 kl. 08:20]

Svo er spurning þegar ég verð langafi.  Mun ég þá kallast foreldri foreldri foreldis?

[Ásgrímur Hartmannsson, 17.11.2024 kl. 10:30]

Þórður Snær er annálaður fyrir allskyns glæpi í seinni tíð, en allir eru fúlir út í hann vegna þess að hann skrifaði eina eða tvær línu á internetið fyrir 20 árum.

Fólk er bilað.

[Sigurður Þorsteinsson, 17.11.2024 kl. 12:22]

Það þekkja margir sem hafa sest á Alþingi að það tekur tíma að láta til sín taka. Dagbjört Hákonardóttir vakti athygli mína fyrir að hafa skoðun byggða á þekkingu og þora að setja hana fram. Þrátt fyrir að margir í hennar flokki væru henni ósammála. Taka fagmennskuna ofar skoðunum einhverra flokks flokksystkina sinna. Það að hún sem sitjandi efnilegur þingmaður sé sett í fjórða sætið er galið. Þó ég sé oft ekki sammála Þórði Snæ hefur hann líka sína hæfileika og hefur öðlast færni. Innlegg hans frá fyrri tíma eins og fleiri aðila þarf að ræða og ná sátt um að við þurfum í okkar samfélagi að hafa ákveðið umburðarlyndi. Það má hann líka hafa í huga sjálfur. 

[Sigurður Þorsteinsson, 17.11.2024 kl. 12:27]

Gunnar held að þessi tillaga Dagbjartar um nafnabreytingu er dæmi um byrjunarmistök þingmanns. Held og vona að þegar Dagbjört að hún láti gott af sér leiða. Styð eindregið að við fáum áfram að kallast afar :).