Fyrsta lið Arnars

Þá hefur Arnar Gunnlaugsson valið sinn fyrsta landsliðshóp í knattspyrnu  karla. Sumt rökrétt og annað gagnrýnisvert. Aron Gunnarsson hefur á undanförnum árum verið mjög mikilvægur fyrir liðið karakterlega séð, en getulega er hann farinn að dala talsvert og hefur lítið spilað. Því miður er hans tími kominn. Annar leikmaður sem hefur hreinlega verið að spila illa fyrir landsliðið er Jón Dagur Þorsteinsson og spilar líka lítið með sínu liði. Það er áberandi hversu illa hann stendur sig varnarlega með landliðinu. Nánast farþegi varnarlega. Þórir Jóhann Helgason kemur óvænt inn, en hann stóð sig vel á sínum tíma. Hefði hiklaust valið Gunnlaug Höskuldsson inn sem varnartengilið í landsliðið að þessu sinni, besti leikmaður úrvalsdeildar á síðasta ári. Þá finnst mér vanta skallamann í framarlega á völlinn. Þegar spilum við lið sem halda boltanum betur en við, og við þurfum t.d. að hreinsa í vörn frammávið þá vinna Orri og Andri Lucas fáa af þeim boltum, ólíkt t.d. Kolbeini Sigþórssyni hér áður fyrr. Hann vann marga slíka bolta og gat komið boltanum á samherja á meðan liðið var að færa sig framar. Þetta gefur líka möguleika á að breyta um stíl í sóknarleiknum ef með þarf. Willum getur sannarlega skilað því hlutverki, auk þess að vera líka mjög vel spilandi. Var lengi að vona að Emil Atlason fengi einhver tækifæri. Þó Gylfi sé ekki valinn að þessu sinni er það mitt mat að hans tími sé ekki liðinn. Það sýndi hann þegar hann kom inná í síðustu leikjum.  Er ósammála Arnari varðandi val á fyrirliða, þar hefði Höskuldur Gunnlaugsson verið sterkara útspil. Leikmaður með reynslu, mikla greind og þroska. Eiginleikar sem Aron Gunnarsson skilaði landsliðinu hér áður.