Kvennaathvarf á allra vörum!

Umræður um heimilisofbeldi er komið á dagskrá og vel það. Ágústa Ágústsdóttir varaþingmaður Miðflokksins fór í ræðustól á Alþingi nú nýlega og að ég held hélt jómfrúarræðu sína, sem var ein áhrifamesta ræða sem hefur verið haldið á Alþingi í langan tíma. Kjarkmikil kona sem þorir. Þetta er ekki bara spurning um líkamlegt ofbeldi, heldur líka andlegt. Rétt eins og Piatasamtökin hafa breytt myndinni um aðgerðir vegna sjálfsvíga, SÁÁ um áfengis og vímuefnafíkn eru samtök um Kvennaathvarf að hafa mikil áhrif. Samstarf frjálsra félagasamtaka með stuðningi opinberra aðila bæði getur skilað ótrúlegum árangri.  Samstarf um rekstur en líka í aðgerðum sem þarf til þess að bæta ástand. 

Hjá Kvennaathverfinu fékk stjórnin afar öflugan  framkvæmdastjóra Lindu Dröfn Gunnarsdóttur og sem leiðtogi fær hún með sér konurnar úr Á allra vörum, með þær Elísabetu Sveinsdóttur, Guðnýu Pálsdóttur og Gróu Ásgeirsdóttur sem hafa sýnt að þær kunna til verka og láta verkin tala. Nú er það okkar að taka til hendinni og styrkja þetta frábæra verkefni. Gera Ísland að aðeins betra landi. 

 

Lýsti reynslu sinni af heimilisofbeldi í ræðustól Alþingis - RÚV.is

Athugasemdir

[Ingólfur Sigurðsson, 5.4.2025 kl. 17:58]

Konum konunum aftur inná heimilin. Gerum Ísland frábært aftur! Það mætti halda að við værum stödd 40 árum aftur í tímanum í þessari tímaskekkju. 

Heimilisofbeldi verður aldrei upprætt. Ekki frekar en heimilisofbeldi eða annað ofbeldi gegn körlum. Það er hægt að ausa peningum endalaust í sumra málaflokka og árangurinn verður verri en enginn. Þetta er þannig mál.

Móðir mín veit allt um þetta. Áður en Kvennaathvarfið var stofnað voru konur svo hræddar að þær hýstu kynsystur sínar í heimahúsum og ekki mátti fréttast hvar. Valdefling kvenna hefur orðið meira en 150% á þessum rúmlega 40 árum og engin þörf að kvarta.

Nú eru þær í öllum fjölmiðlum og í hæstum embættum.

Meiri þörf á KARLALISTA og KARLAATHVARFI!

Kvennaathvarf á engra vörum nema kúgaðra karla.