Dýrt eða ódýrt í Kópavogi?

Hef búið í Kópavogi undanfarin ár en áður í  Reykjavík. Báðir staðir hafa sína styrkleika og veikleika. Styrkleikar Kópavogs umfram Reykjavík eru margir. Bílastæðavandi í Reykjavík er mikill og umferðarteppur oft algjörlega heimatilbúnar eru daglegt brauð. Í Kópavogi þekkist t.d. ekki gjaldskyld bílastæði. Ungt fólk flykkist í Kópavoginn t.d. vegna leikskólaplássa, en líka vegna þess að fasteignagjöldin fyrir þá sem eiga húsnæði eru lægri en í Reykjavík. 

Varðandi matarinnkaup þá höfum við í Kópavoginum forréttindi. Við höfum Pris, sem er lægsta matvöruverslun á Íslandi samkvæmt verðkönnun ASÍ, og það munar talsverðu. Áður var Costco oft ódýrast, en þeir eru orðnir t.d. orðnir hærri en t.d. Bónus og Krónan. Á mínu heimili er heimilisrekstarfræðingur og verðið og gæðin skipta máli. Í Pris fær maður steiktan kjúkling fyrir 1450 krónur, og hægt að fá poka af frönskum kostar undir 600 krónum. Það er t.d. mun hagkvæmara en að fara í IKEA að borða.  Hef borið saman verð á allnokkrum vörutegundum og Pris er nánast alltaf ódýrari Minnist þess þegar Bónus byrjaði þá lækkaði verðið fyrir okkur neytendur. Fyrir utan lágt verð þá er þjónusta starfsfólks í Pris það besta sem ég þekki í matvöruverðunum hérlendis. Það fullyrði ég hafandi kennt þjónustustjórnun lengi. Það eina sem vantar í Kópavoginn er Pylsumeistarinn og verð að fara í Laugarlækinn í Reykjavík til þess að fá hans frábæru gæði. 

Fyrir páska kom frétt um hækkun á hækkun á gjaldskrá Kópavogsbæjar vegna sumarnámskeiða fyrir börn. Theódóra S. Þorsteinsdóttir bæjarfulltrúi Viðreisnar kom og gagnrýni þessa hækkun t.d. í sjónvarpinu. Nú eru aðrir sem bjóða upp á slíka þjónustu t.d. íþróttafélögin og kirkjan. Á Kópavogsbær að bjóða upp á slíka þjónustu í samkeppni, með því að niðurgreiða þjónustu bæjarins í samkeppni við samkeppnisaðilana? Það er til einföld lausn kort þar sem þeir tekið er tillit til fjárhagsstöðu. Sjálfur hef ég kennt á námskeiðum fyrir eldri borgara í Kópavogi og hef aldrei orðið var við Theódóru hafa nokkurn áhuga á verði eða þjónustu við þann aldurshóp. Það eru að koma kosningar og Theódóra bæjarfulltrúi minnir okkur á það. Það er mjög ódýrt!  

Athugasemdir

[Sigurður Þorsteinsson, 21.4.2025 kl. 11:02]

Það getur verið skemmtilegt að búa í Kópavogi Minnihlutinn mótmælir hækkunum á gjaldi fyrir sumarnámskeið og leggur til að ungmennaráð fjalli um málið Ungmennaráð er fyrst og fremst skipað unglingum en námskeiðin eru fyrir mun yngri krakka. Ásdís Kristjánsdóttir svarar mótmælunum með því að hún hafi talað við foreldra og muni í ljósi þess koma með endurskoðaða tillögu. Laun bæjarfulltrúa hefur verið lækkuð og næsta skref ætti að vera að finna fólk með þekkingu inn í skipaðar nefndir bæjarins, í stað þess að nota nefndarsetu til þess að búa  bæjarfulltrúum eða vinum og vandamönnum aukatekjur.