Gylfi opnaði landsliðsdyrnar og gekk inn!

Erik Hamrén fyrrum landsliðsþjálfari setti Gylfa út, af því að Gylfi var ekki spretthlaupari, en leikhraði Gylfa felst í sendingum hans, hreyfingum og skotum.  Arnar Gunnlaugsson getur ekki haldið honum fyrir utan landsliðið eftir frammistöðuna í kvöld. Gylfi fær ekki 10 fyrir allt, en fyrir hápunktana fær hann 11. Bröndby er afar gott lið, en átti ekki möguleika i kvöld. Gylfi sem framliggjandi miðjumaður, er toppspilari.  Er ennþá harður á því að Höskuldur Gunnlaugsson eigi einnig að vera valinn. Við gætum verið að ná upp toppliði í landsliðinu aftur,  fyrr en seinna. Ný gullöld?

Athugasemdir

[Sigurður Þorsteinsson, 8.8.2025 kl. 18:24]

Hef verið í bloggfríi í allnokkurn tíma en fékk sterkar viðbrögð í kaffipásu meðal vina í dag. Menn mjög sammála að Gylfi ætti að fá tækifæri. Ef hann stendur sig afburða vel í Evrópukeppni bendir það til að hann sé einnig í getu til að standa sig vel í landsliðinu. Það sama á við Höskuld Gunnlaugsson, en það kallaði á talsverðar vangaveltur. Aron Gunnarsson sem var afar mikilvægur í gullaaldarliðinu 2016 ekki sem frammúskarandi í tækni sem hann var ekki, heldur vegna þess hversu mikill karakter hann var í liðinu. Hann getur verið góður í Katar, en hann hefur dalað líkamlega og þá nýtast styrkleikar hans ekki eins og áður. Aron var einn okkar almikilvægustu mönnum en rétt eins og margir meðspilarar hans ert tími hans liðinn. Aron á skilið að fá kveðjuleik t.d. í vináttuleik þar sem hann er kvaddur með reisn. Höskuldur á enn talsvert inni, er tæknilega góður, með góðan lestur, karakter og getur spilað á miðju og í vörn. Helstu rök gegn honum er barátta Arnars Gunnlaugssonar og Óskars Hrafns Þorvaldssonar. Hef meiri trú á Arnari en svo að hann láti slíkt hafa áhrif á sig. Annar leikmaður sem var nefndur Emil Atlason, en hann hefur verið meiddur lengi, en ég er sammála að hann hafi átt að hafa fengið tækifæri. Vonandi kemur hann til baka.