Sigur fótboltans. Til hamingju Vestfirðingar.

Það var mikil gleði hjá stuðningsfólki Vestra þegar félagið vann Mjólkurbikarinn i ár. Verðskuldað. Þegar Tony Knapp tók við landsliðinu 1974. Hann lét spila einfaldan bolta, en byggði á sterkum varnarleik. Vinnusemi, leikskipulag og karakter, fremur en tækni. 1975 vann íslenska landsliðið afar óvæntan sigur á Austur Þýskalandi á Laugardalsvelli. Auðvitað vorum við ekki meira með knöttinn, en við unnum verðskuldað. Það er ólíklegt að við sem tæknilega betri sem leikmenn í samkeppni við milljóna þjóðir. Með þetta hugarfar stóð landsliðið sig vel undir stjórn margra frábærra þjálfara s.s. Guðna Kjartanssonar, Ásgeirs Elíassonar, Guðjóns Þórðarsonar og Loga Ólafssonar. Allir þjálfarar frá 1974 voru meðvitaðir um þessa stefnu.  Nýr kafli tók síðan við þegar Lars Lagerbäck og Heimir Hallgrímsson tóku við liðinu. Enn ríkari áhersla var á sterkan varnarleik. Heimir kom þessu mjög skýrt á framfæri, ,,það er ekki í boði að leikmaður missi mann inn fyrir sig". Þessu fylgdi svo sterk völdun í liðsheildinni. Ofan á þennan sterka varnarleik var síðan byggður sóknarleikur. Landsliðið var oftast nær ekki með knöttinn meira en 30-40% leiktímans. Oft vorum við einfaldlega samt mun betri en andstæðingarnir þó við spiluðum aftarlega. Aftur að leik dagsins. Sigur Vestra var verðskuldaður þó þeir væru minna með boltann. Leikurinn snýst um að skora mörk og verjast því að fá mörk á sig.  Þeir nýttu styrkleika sína afar vel. Þeir spiluðu ekki bara góðan varnarleik í þessum leik heldur mjög oft í sumar. Þess vegna eru þeir ekki í fallbaráttu.  Þess vegna unnu þeir nú. Valur var ekki að spila illa, þrátt fyrir tap. Valsmenn fundu einfaldega ekki leiðina að markinu. Það voru bara tvö góð lið á vellinum. Takk fyrir frábæra skemmtun. Nú þurfa Vestfriðingar að byggja upp sterkt unglingastarf og rækta leikmenn á svæðinu. Á öllu svæðinu. Það styrkir svæðið félagslega og íþróttalega. Til hamingju Vestri og Vestfirðingar. 

 

Athugasemdir

[Helga Kristjánsdóttir, 23.8.2025 kl. 01:55]

Ég var afarstolt af vesfirðingunum mínum.Þarna fór ég með stöllum mínum oft að keppa í handbolta.Þá voru tvö lið á Ísafirði Vestri og Hörður,ef ég man rétt að annað var Hörður. Ég gæti tekið að monta mig af öllu mögulegu sem bara ég geri þegar við gamlingjarnir Hulda,Þórhallur,og Diddi vorum í spjalli. Enginn veit t.d. hvað Axelkerfi er/var. Yndislegur Víkingur sem fór í framhaldsskóla landsins og kenndi nemendum handbolta minnir líka fótbolta ,en það var fyrir strákana. Við hjónin skákuðum í gamni Þórhalli landsliðsmanni með að við værum með bestu getu í "Axelkerfinu" Skemmtilegri umræða en pólitík sem var aldrei á dagskrá. (fer ekki yfir þetta tek sénsinn að sleppi með það. aagóða nótt Sigurður minn.

[Sigurður Þorsteinsson, 23.8.2025 kl. 07:57]

Góðan daginn Hega mín. Hef heyrt um Axel kerfið og hef oft langað að vita meira um það. Nú fáum við okkur kaffi fyrr en seinna og þú fræðir mig. Veit að þessi Axel kom úr Víking Reykjavík og að hafnn for um allt land og leiðbeindi. Það hafa komið mjög góðir íþróttamenn að vestan. Magnús Jónatansson var þarna fyrir vestanog stóð sig velí efstu deild í fótbolta. Vonandi verður þessi sigur til þess að það byggist að nýu upp ölfugt íþróttastarf, það gerir mannlífið svo miklu betra. Hlakka til að hita þig fyrr en seinna og þá rifjum við upp glæsilega uppbygginu íþrótta hér í Kópavoginum. 

[Helga Kristjánsdóttir, 23.8.2025 kl. 14:45]

Var búin að svara og klauf

Klaufinn ég þurrkaði út það sem ég var búin að skrifa,m.a. gott að setjast í kaffihús þar sem Hreint og Klárt starfrækti fyrirtæki Guðmundar,er bundin í hjólastól en strákur minn alltaf tilbúinn að keyra fær þá frí. 

[Sigurður Þorsteinsson, 23.8.2025 kl. 19:22]

Helga það verður eins og alltaf áður gaman að hitta þig og ekki verra að koma í húsnæði sem vinur okkar Guðmundur rak sitt góða fyrirtæki. Slæ á þráðinn og ég býð í kaffi. 

[Helga Kristjánsdóttir, 23.8.2025 kl. 22:53]

Eða kemur sérstaklega þegar Sigurjón gamli liðsmaður þinn hjá Blikum er á landinu.....

[Sigurður Þorsteinsson, 24.8.2025 kl. 14:41]

Það verður líka gaman að hitta Sigurjón, var einn af bestu leikmönnum í íslenskum fotbolta á sínum tíma 💚