Hin kjaftfora Eva Joly

Hvar sem menn eru í flokki þá eru menn sammála ráðningu Evu Joly. Frumkvæðið kom ekki frá stjórnvöldum heldur Agli Helgasyni. Eva þorir að segja þá hluti sem hún þarf að segja og hún sér þá í öðru ljósin en þeir sem eru í darraðardansinum. Hún spyr ekki hvað má ég skrifa vegna tengsla innanlands, hún spyr hvað þarf að skrifa. Hún veit að ef við skrifum undir Icesave erum við að mikinn fjölda ungs fólks til þess að flýja land. Það aftur þýðir verri kjör fyrir þá sem eftir verða. Eva er kjaftfor og við viljum hlusta.

Í gær skrifaði Gylfi Magnússon enn eina greinina þar sem hann segir okkur að við getum staðið undir Icesave. Þá reiknar hann með að við verðum með jákvæðan vöruskiptajöfnuð næstu árin, af því að við erum með hann núna. Hann reiknar út að ef útflutningur eykst örlítið dugar það til þess að greiða Icesave. Sjálfsagt yrði það hin nýja skattleið. Skattmann gerir aukninguna í útflutningum upptæka og setur hana í ríkiskassann. Gylfi leggur til að nú verði ungu fólki kennt að stoppa í sokka. Átak verði sett í gang til þess að kynna hollustu skyrhrærings og mikilvægi þess að endurvekja þekkingu iðnaðarmanna á því að hlaða torfhús. Gylfi er ekki kjaftfor og því trúir honum enginn. Síðast þegar hann fór í viðtal, gat hann ekki falið svarta blettinn á tungunni.

Við þurfum á kjaftforu fólki að halda núna, en líka því sem getur tekið til hendinni.

Stöndum ekki undir skuldabyrði

Athugasemdir

[Sigurður Þórðarson, 1.8.2009 kl. 08:29]

Íslensk stjórnvöld eru ekki málsvari Íslands það er Eva Joly

[Vilhjálmur Örn Vilhjálmsson, 1.8.2009 kl. 10:43]

For she's a Joly good Fellow.....

[Vilhjálmur Örn Vilhjálmsson, 1.8.2009 kl. 10:43]

Æi, þetta átti að vera Jolly.

[Birgitta Jónsdóttir, 1.8.2009 kl. 11:52]

Það var reyndar ekki Egill sem fékk hana upprunalega til landsins en hann fékk hana með sanni í þáttinn sinn og er það virðingavert. Það var útgefandi að bók eftir hana sem kom út á íslensku sem fékk Evu fyrst til Íslands til að kynna bókina og þá var tækifærið notað og hún fengin í Silfrið.

[Sigurður Þorsteinsson, 1.8.2009 kl. 13:49]

Takk fyrir ábendinguna Birgitta, en í framhaldi af viðtali við Egil kom þrýstingur að fá Evu Joly til starfa fyrir ríkið. Það var ekki að frumkvæði ríkisstjórnar eða opinberra aðila að hún kom til starfa. Það var heldur ekki fyrir þrýsting opinberra aðila að við fengum með okkur færa samningamenn til þess að sjá um Icesavesamninganna. Opinberu aðilarnir sögðu ,, við getum gert þetta alveg sjálfir" svo lofuðu þeir mótherjunum að reyna allt til þess að troða samningnum í gegnum þingið og leitast við að sannfæra þjóðina um ágæti samningsins. Kannski verður Eva Joly kölluð inn í bláa herbergið hennar Jóhönnu næst þegar hún kemur í heimsókn.

[Elle_, 1.8.2009 kl. 14:37]

Sigurður, ég er í heildina litið sammála pistlinum og vil þó ekki kalla Joly kjaftfora, veit þú þú  meinar það ekki í orðsins fyllstu merkingu þó.   Joly kemur bara fram heiðarlega og viturlega með hluti eins og þeir eru og lætur enga kúgara og ógnara letja sig. 

Takk

[Sigurður Sigurðsson, 1.8.2009 kl. 17:38]

Það verður gaman að sjá hvað Egill Helgasor, einn aðaltalsmaður þess að við undirgöngumst Brussel valdið, segir nú þegar Eva Joly hefur að mínu mati réttilega heldur betur hellt sér yfir þessi samtök ásamt AGS  ???  Kannski að hann opni loksins augun fyrir því að grasið er ekki grænna hinum megin ???

[Sigurður Þorsteinsson, 1.8.2009 kl. 23:06]

Eva Joly er kjaftfor. Hún segir það sem vill segja þegar hún vill segja það. Hún óttast ekki að segja skoðun sína, sem er skilyrði þess að raunverulegt lýðræði fái þrifist.