Nokkuð fyrirsjáanlegt

Það þurfti engan stórsnilling til þess að finna út að Kristján Guðmundsson yrði ekki áfram þjálfari Keflavíkurliðsins. Kristján tók óvænt við sem aðalþjálfari hjá Keflavík 2005 þegar Guðjón Þórðarson yfirgaf liðið. Undir stjórn Kristjáns náði liðið mjög athyglisverðum árangri og 2008 var liðið komið með aðra höndina á Íslandsmeistarabikarinn, en tókst með ólíkindum að klúðra dæminu á lokasprettinum. Gengið í ár hefur verið langt undir væntingum, með góðan mannskap. Það liggur einhvernvegin beinast við að Willum Þórsson taki við. Leikstíll Willums ætti að henta vel í Keflavík og það kæmi manni ekki á óvart að Keflavík landaði einhverjum bikar á næsta ári.

Kristján hefur sannað sig sem þjálfari og kæmi ekki á óvart að hann endaði á Selfossi á komandi tímabili.

Kristján ekki áfram með Keflavík

Athugasemdir

[Sigurður Þórðarson, 29.9.2009 kl. 05:05]

Willum er klár og metnaðrgjarn. Ég man að hann lagði mikið upp úr sóknarbolta þegar hann var með Þrótt

[Jakob Þór Haraldsson, 29.9.2009 kl. 10:14]

Því miður var Kristján kominn á endarstöð með Keflavíkurliðið og því var augljóst að stjórn knattspyrnudeildar Keflavíkur varð að láta hann fara.  Lið sem vinnur engan útileik, slíkt er auðvitað til skammar, auk þess skildi ég ekki þegar Kristján tók út af Símonsen, færeyska framherja Keflavíkur í undan úrslitum bikarsins, algjör bilun sú ákvörðun.  Willum Þór mun eflaust gera frábæra hluti fyrir Keflavíkurliðið, hressa enn meira upp á sóknarleik þeirra og kenna þeim að spila alvöru vörn.  Svo vona ég að Kristján verði ráðinn þjálfari fyrir hið frábæra lið Selfoss.

kv. Heilbrigð skynsemi (fun.blog.is)

[Sigurður Þorsteinsson, 29.9.2009 kl. 19:55]

Einstakar ákvarðanir þjálfara geta verið umdeilanlegar, en í heildina held ég að Keflvíkingar geti verið ánægðir með störf Kristjáns Guðmundssonar. Hann er ungur þjálfari sem hefur sýnt að hann er kominn til að vera í íslenskum fótbolta. Það var strax tilfinning mín að Willum myndi passa Keflavíkurliðinu vel.