Er meirihluti nóg?

Það er alveg skiljanlegt að þegar meirihluti var á Alþingi fyrir vinstristjórn að vilji væri til þess að mynda slíka. Mjög margir vildu að Sjálfstæðisflokkurinn tæki frí þar sem  flokkurinn var bæði búinn að vera lengi í stjórn, sem engum er hollt, og einnig þótti mörgum flokksforystan hafa sofnað á verðinum.

Vandamálið er bara flóknara, því verkefnið er svo stórt að mjög erfitt eða jafnvel ógerlegt er fyrir vinstri flokkana tvo að taka á þeim verkefnum sem taka þarf á. Því var þjóðstjórn eða utanþingstjórn æskilegasta leiðin fyrir þjóðina, það var hins vegar flestum ljóst að sú leið yrði ekki farin.

Með því að samþykkja það sem nú er í spilunum með Icesave, gerir það að verkum að ríkisstjórnin mun hanga enn. Vandræðin eru hins vegar rétt að byrja. Þegar líða tekur á árið um undiraldan vaxa. Þá mun ríkisstjórnin upplifa rétt eins og ríkisstjórn Sjálfstæðisflokks og Samfylkingar að meirihluti er ekki alltaf nóg.

Telur meirihluta fyrir Icesave

Athugasemdir

[Anna Benkovic Mikaelsdóttir, 19.10.2009 kl. 00:07]

Hvernig er ekki hægt að mynda meirihlut um mannlegt eðli?

....ímyndaðu þér reiði þeirra heimila í Bretlandi og Hollandi sem treystu "Icesave"og misstu allar innistæður vegna þess að Iceland var svo "save"?...(Bendi á í nafni "ICELAND"...með leyfi DO og fjármálaeftirlits.)

"Icesave"-málið er allt á ábyrgð xD og xB og þau væla þeir eins og lítlir grísir?

Hvers vegna?

[Sigurður Þorsteinsson, 19.10.2009 kl. 09:56]

Anna mín, ég veit nú ekki hvort hægt sé að mynda meirihluta um eitthvað eðli, en ákveðið eðli getur örugglega verið í meirihlutanum.

Held að það sé mikilvægara að greina aðalatriðin og aukaatriðin og mynda meirihluta að taka á aðalatriðunum.

Anna ég hef ekki heyrt af þessum heimilum í Hollandi og Bretlandi sem hafa misst allar innstæður sínar. Hins vegar fékk ég símtal frá Bretlandi og viðkomandi var í stjórn sjóðs góðgerðarfélags sem tapaði nokkrum upphæðum. Hann vildi fá bankamálaráðherrann íslenska framseldan til Bretlands. Ég sagði honum að það væri ekki hægt því að hann væri í felum ásamt flokknum sínum. Hefði ekki einu sinni viðurkennt að hafa verið á staðnum þegar bankarnir hrundu.

Svona er nú Ísland í dag.

[Snorri Hrafn Guðmundsson, 19.10.2009 kl. 10:15]

"Vandræðin eru hins vegar rétt að byrja. Þegar líða tekur á árið um undiraldan vaxa. Þá mun ríkisstjórnin upplifa rétt eins og ríkisstjórn Sjálfstæðisflokks og Samfylkingar að meirihluti er ekki alltaf nóg."

Og hvað tekur þá við? Hef verulegar athugasemdir við málaflutning xD sérstaklega hvað varðar mengunarkvóta. Þorgerður K. hélt því að fram að hagur heimsins væri undir því lagður að Íslendingar færu fram á undanþágur. Hvers vegna? Svo hægt sé að flytja mengandi stóriðju hingað?

Ég veit satt best segja ekki hvað er verra, skattavitleysa vinstrimanna sem drepur allt atvinnulíf eða eiginhagmunahyggja hægrimanna sem eykur ójafnræði. Helguvík er lýsandi dæmi hvernig xD starfar, vaðið af stað án þess að líta fram á við og reyna svo að þvinga fram stöður sem eru hreinlega ekki á borðinu og setja framtíðina í rúst. xD og xB komu Íslandi nánast í gjaldþrot síðast og hef hef engan áhuga á að hleypa þeim aftur í slíka stöðu. Ég hreinlega treysti þeim ekki og mun líklega aldrei gera það aftur.

[Baldur Hermannsson, 21.10.2009 kl. 13:12]

Sigurður, ég væri alveg til í að framselja bankamálaráðherrann.