Verður Þorgerður Katrín næsti formaður Samfylkingarinnar?

Flokkstjórnarfundinum hjá Samfylkingunni er lokið. Það eina sem eftir situr er að núverandi formaður sagði að flokkurinn væri tilbúinn að skipta um nafn, heimili, kennitlölu, forystu og málefni, bara ef einhver vildi koma til þeirra og leiða flokkinn. Hver einstaklingur sem gengur til lags við Samfylkingarinnar vegur mikið, þar sem fylgið er nánast að hverfa. Jóhanna er orðin mjög gömul og bogin og þrátt fyrir að Hrannar skrifi ræðurnar sem eiga að blása lífi í glæðurnar, verða uppákomurnar æ aumkunarverðari. Jóhanna má ekki lengur nefna skjaldborgina, ekki hag heimila og fyrirtækja. Ekki framtíðarsýn. Það trúir hanni engir lengur. Fylgið er endanlega farið.

Nýr formaður verður að koma í brúnna ef flokkurinn á ekki að þurrkast út í næstu kosningum. Hann verður að koma að utan.  Ekki Dagur, ekki Björgvin, ekki Steinunn Valdís, ekki Árni Páll, ekki Helgi Hjörvar, ekki Egill Helgason og ekki Guðbjartur Hannesson. Jóhanna veit að hún verður að hætta.  Þegar litið er utan Samfylkingar þá er staðnemst við Þorgerði Gunnarsdóttur. Þorgerður er skörugleg og hún styður inngöngu í ESB. Auðvitað væri það mikill fengur fyrir Samfylkinguna ef Þorgerður slægi til. Hins vegar er líklegra að þetta sé aðeins dauðakippir flokksins. Aðildinni að ESB verður hafnað með yfirgnæfandi atkvæðum. Þorgerði myndi leiðast félagskapurinn. Þá verður Samfylkingin lögð niður, rétt eins og kommúnistaflokkur Austur Þýskalands eftir fall múrsins.   

„Lyktar af örvætningu“

Ástands Steingrímur!

Þistilfjörðurinn varð útundan á stríðsárunum. Þangað komu  engir Bretar eða Bandaríkjamenn. Íbúarnir  fóru því ekki í ástandið. Einn af þeim gerðist meira að segja hernámsandstæðingur, gekk í Alþýðubandalagið og þegar jafnaðarmenn sameinuðust stofnaði sonur Þistilfjarðar, Steingrímur sinn eigin kommúnistaflokk VG. En um leið og drengurinn kynnist fólki sem talar útlensku þá liggur hann kylliflatur. Það versta við þessa framgöngu er að hann tekur fjármuni sem ætlaðir eru þjóðinni og gefur þá erlendum útrásarvíkingum. Fyrir ástandshegðun sína, sem snýr að honum persónulega, missir Steingrímur fyrst og fremst vorkunn. Fyrir framgöngu gegn þjóðinni fær hann stöðu fyrir Landsdómi, og verður e.t.v. sá fyrsti sem hlýtur þar dóm. Þjóðin verður að sýna afstöðu sína með því að mæta á Austurvöll þegar sviksemi Steingríms verður rædd á Alþingi í næstu viku. 

Í ástandið!

Í næstu viku veriður rædd skýrsla um endurreisn bankanna. Hvað þeim Jóhnnu og Steingrími gekk til að fórna hagsmunum heimilanna og fyrirtækjanna í landinu til þess að þóknast erlendum útrásarvíkingum, vogunarsjóðunum. Þjóðin mun mæta niður á Austurvöll og setja þetta lið af. Skýringin  sem Steingrímur hefur gefið fyrir því að hagsmunum þjóðarinnar var fórnað var að erlendu útrásarvíkingarnir hafi orðið svo reiðir. Þeir hafi viljað fá meiri skerf. Ríkisstjórnin þóknast ef útlendingar vilja. Þetta er ástandsstjórn. Nafn ríkisstjórnarinnar er komið. Ástandsríkisstjórnin, eða ástandið.

Áhrif Jóns Ásgeirs

Það var öllum ljóst að Jón Ásgeir vildi Guðlaug Þór, en ekki Bjarna Ben. Jón Ásgeir hafði Samfylkinguna í vasanum, og vildi stjórna Sjálfstæðisflokknum líka. Guðlaugur Þór fór í ráðherrastólinn og vildi forsætisráðherrann. Taldi sig eiga möguleika á  honum með stuðningi Jóns Ásgeirs. Guðlaugur gengur enn með formanninn í maganum, þótt flestum sé það ljóst að hann er á útleið.

Sagan mun virða Björn Bjarnason, ég er meira efins um Jón Ásgeir og Guðlaug Þór

Bjarni tæki við af Birni

Í partý hjá vogunarsjóðunum

Þau Jóhanna og Steingrímur eru vinsælustu einstaklingar á Íslandi hjá eigendum vogunarsjóðanna. Þau eru tilbúin að gefa þessum erlendu útrásarvíkingum skotleyfi á íslenskan almenning. Nú ætlar Steingrímur að ferðast á meðan hann er enn frjáls. Þegar Landsdómur hefur dæmt þennan forherta pólitíkus sem vílar ekki fyrir sér að setja þjóðina í fjötra.

Á Írlandi ætti Steingrímur að segja frá því að það væri heppilegra að hafa fólk í stöðu ráðherra sem hefði til þess einhverja þekkingu .... og vit. 

Steingrímur til Írlands

Á flótta undan umfjöllunni um skýrsluna um endurreisn bankanna.

Það er farið að hitna allsvakalega undir þeim Jóhönnu og Steingrími. Til þess að forðast fjölmiðlamenn sem vilja fá svör um svik þeirra við almenning og daður við erlendra útrásarvíkinga, fara þau austur í hlutverk Móður Teressu. Best væri að þetta svikapakk kæmi ekki aftur, en það yrði þá  eina leið þeirra til þess að forðast Landsdóm.

Dáist að bjartsýni fólksins

Eru hormónar ástæaða óróleikans?

Í VG er mikill einhugur og samstaða. Menn streyma úr fjarlægum landshlutum til höfuðborgarinnar til þess að mæta á samhyggðarfund flokksins í Reykjavík. Enginn klofningur, enginn ágreiningur þannig sýna íslenskir sósíalistar almenningi myndina. Lilja Móses er ekki lengur ámyndinni, heldur ekki Atli Gísla eða Ásmundur eru ekki á myndinni, og þau Jón Bjarna, Guðfríður og Ögmyndur sjást ekki. Það náðist ekki mynd af öllum.

Í Frakklandi er líka sýnd mynd af frönskum sósíalista. Hinum dáða Dominique Strauss-Kahn. Í Bandaríkjunum er forsetaefni þeirra kært fyrir nauðgun. Tóm vitleysa segja franskir sósíalistar, þetta er árás kapítalistanna í Bandaríkjunum til þess að koma í veg fyrir að sósíalisti verði forseti Frakklands. Fyrri yfirsjónir  Strauss-Kahns eru skýrðar með hormónavirkni. Góðir pólitíkusar hafi virkari hormónastarfsemi en aðrir. Sem dæmi máli sínu til stuðnigs benda þeir á Kennedy. 

Ofurvirk hormónastarfsemi er misvel liðin, þannig varð  Moshe Katsav forseti Ísrael að segja af sér vegna fjölþreyfni. 

Á Íslandi er ekki komin hefð fyrir afstöðu gagnvart hormónaofvirkni stjórnmálamanna. Erum við jafn ,,umburðarlyndir" og Frakkar, eða erum við jafn dómharðir og Bandaríkjamenn, Danir og fleiri þjóðir. Hvaða mynd setjum við upp? 

Væntanlega þá sem við viljum sjá.

 

Einhugur í VG

Samdrátturinn mestur á Íslandi

Af þeim þjóðum sem hafa verið þeirri eymdarstöðu að þurfa neyðaraðstoð Alþjóðasjóðsins er þróunin verst hér á landi. Hagvöxturinn minnstur og horfur afleitar. Sú þróun er í boði VG og Samfylkingarinnar.  Íslensk stjórnvöld hafa hins vegar fengið mikið hrós hvernig þau meðhönduðu bankanna strax í upphafi, á fyrstu vikunum. Með þeim fjöðrum skreyta þau sig, þau Jóhanna og Steingrímur.  Það hefur hins vegar ekkert með þessa ríkisstjórn að gera. Þær ráðstafanir voru gerðar undir stjórn Geirs Haarde. Fyrir það er Geir Haarde nú stefnt fyrir Landsdóm. Á bak við það standa þau Jóhanna og Steingrímur.

Samdrátturinn einna mestur á Íslandi

Ung söngstjarna kemur fram

Í þættinum Australia's Got Talent er komin fram kornungur söngvari sem hefur heillað heimsbyggðinna, rétt eins og Susan Boul á sínum tíma. Susan Boyle sló í gegn í Britain's Got Talent en hún á ekkert í þennan góða söngvara.

Erfið byrjun hjá Stjörnunni.

Þá er ljóst að Stjarnan situr á botninum ásamt Fram eftir tvær umferðir í úrvalsdeildinni í knattspyrnu. Samkvæmt spám er reikað með Þór, Víking, Stjörnunni og Grindavík í neðri hluta stigatövlunnar. Það er sennilega mjög raunhæft mat. Í dag tók Stjarnan á móti Víkingum, sem hafði unnið Þór í fyrsta leik. Þrátt fyrir að Stjarnan hafði verið sigurstranglegri fyrir leikinn og betri aðillinn dugaði það ekki til. Halldór Orri og Daníel Laxdal eru hörkugóðir spilarar, en það er Nikolaj Hagelskjær Daninn í liði Stjörnunnar hins vegar alls ekki, né landi hans Jesper Holdt Jensen. Forráðamenn Stjörnunnar verða að fara fram á að Bjarni Jóhannesson þjálfari taki niður svörtu gleraugun áður en hann fjárfestir í erlendum leikmönnum. Á undnaförnum þremur árum hafa erlendir leikmenn allir verið afspyrnuslakir. Á sama tíma lætur Stjarnan Birgi Hrafn Birgisson hörku góðan miðjumann fara til Víkings Ólafsvík, Atli Jóhannsson er meiddur. Á bekknum eru þrír öflugir leikmenn Grétar Grétarsson sem ég á von á að springi út í sumar, Bjarki Páll Eysteinsson sem er hörkusterkur og fljótur og svo er Ellert Hreinsson ekki kominn frá Ameríku. Aron Grétar Jafetsson er ungur og mjög efnilegur leikmaður sem vonandi fær tækifæri í sumar. Bjarni hefur stundum verið hrifinn af útbrunnum leikmönnum ég vona að Garðar Jóhannsson sé  ekki útbrunninn, en hann sýndi afar fátt sem gladdi augað.

Hjá Víking fannst mér mikið til koma Aron Elís Þrándarson, Egill Atlason og Sigurður Lárusson voru einnig að gerða hluti. Ef ég þekki rétt til eru þetta synir þjálfaranna Þándar Sigurðssonar, Lárusar Sigurðssonar og Atla Eðvaldssonar. 

Markalaust í Garðabænum