Ágætlega grænn og alveg sléttur!

Nú fer Íslandsmótið í knattspyrnu að hefjast og Andri Ólafsson segir að völlurinn hjá þeim sé orðinn ágætlega grænn og nokkuð sléttur. Þá eru það a.m.k. tveir vellir sem eru góðir í upphafi Íslandsmóts. Í Vestmannaeyjum og í Garðabæ. Þar er völlurinn fagurgrænn og rennisléttur. Þetta verður gott mót.

Grænn og nokkuð sléttur

Hannes í FH

Hannes Þ. Sigurðsson er nú genginn í FH. Hann hefur spilað erlendis í nokkur ár og mun án efa styrkja FH og íslenskan fótbolta. Hannes hefur spilað allnokkra leiki með íslenska landsliðinu og staðið sig þar afar vel. Minnir mann talsvert á Brynjar Björn, með mikinn karakter og brattáttu, en mér finnst ekki síðri leikmaður. Það vakti því óneytanlega mikla athygli þegar Hannes datt út úr íslenska landsliðinu. Það kæmi ekki á óvart að hann ætti eftir að spila allnokkra landsleiki, en búast má við að skipt verði um þjálfara með haustinu. Hlakkar til að sjá þennan dreng spila í íslandsmótinu í sumar.

Hannes: Allt önnur staða hjá FH

Ráðnir áfram!

Nú hafa flest Úrvalsdeildarliðin í knattspyrnu karla ráðið þjálfara fyrir næsta tímabil. Allir ráðnir áfram, nema að Valur ræður Kristján Guðmundsson í stað Gunnlaugs Jónssonar. Ég hef ekki sérstaka skoðun á því hvort þetta er gott eða slæmt. Fanga því að vísu að Kristján Guðmundsson sé kominn heim aftur. Mjög eðlilegt verður að teljast að Ólafur Kristjánsson, Rúnar Kristinsson, Heimir Guðjónsson og Heimir Hallgrímsson yrðu endurráðnir, en staða annarra hlýtur að hafa vakið upp spurningar.

Mikilvægt er að ráðningar þjálfara séu ekki handahófskenndar. Helst samrýmist stefnumótun viðkomandi félaga. Þá eiga langtímasjónarmið að ráða ríkjum. Lengi vel voru félögin mjög dugleg að láta þjálfara fjúka, það er sem betur fer liðin tíð. Endurnýjunin í ár er þó líkast til of lítil. Spái því að einhverjir þjálfarar fái reisupassann snemma á komandi tímabili. 

Annars var þetta skemmtileg deild í ár. Spennandi og oft á tíðum sá maður góðan bolta. Það verður vonandi framhald á því næsta ár. 

Þorvaldur hjá Fram til 2013

Bikarinn í Kópavoginn

Með hvoru liðinu heldurðu? spurði góður vinur minn úr Garðabænum, fyrir leik Stjörnunnar og Breiðabliks. Ég svaraði, ,,mínum mönnum". Hann var ánægður með svarið, en bæði lið eiga hólf í hjarta mínum. Samt minnist ég þess ekki að ég hafið áður hvatt lið áfram gegn Stjörnunni, og reyndar ekki gegn Breiðablik heldur. Fótboltans vegna urðu Breiðablik að vinna. Bæði var það að Blikar hafa spilað besta fótboltann í sumar, og jafnvel þó að bæði KR og FH hafi átt afar góða leiki í seinni hluta mótsins voru Blikarnir einfaldlega bestir. Keppnin stóð þó við IBV sem kom skemmtilega á óvart í sumar.

Ég efaðist ekki eina mínútu í leiknum. Þrátt fyrir að Stjarnan hafi átt góð færi þá höfðu Breiðablik undirtökin. Þegar fréttir fóru að berast úr öðrum leikjum, spiluðu Blikar af skynsemi og tóku eitt stig, sem dugði. Stjörnuliðið getur verið sátt með sinn leik.  

Fyrsti Íslandsmeistaratitillinn í meistaraflokki karla í höfn. Til hamingju Breiðablik. 

Breiðabliki var spáð þriðja sætinu

Fögnunum að kenna eða þakka?

Gleðin er mikilvægur þáttur knattspyrnunnar. Þjálfarar sem láta spila lélegan bolta, segja að það eina sem skiptir máli sé að vinna. Maður hefur á tilfinningunni að þeir geri þá í því að láta spila leiðinlegan bolta. Það verður ekki sagt að Stjarnan spili leiðinlegan fótbolta, því það er sannarlega gaman að fara á leiki liðsins. Hins vegar dugar sá bolti ágætlega til þess að verða um miðja deild. Ástæða þess að Stjarnan er að tapa síðustu leikjunum er að nú er verið að spila gegn sterkustu andstæðingunum. Leikstíll Stjörnunnar er að spila hratt upp völlinn, alltaf. Þetta þýðir að miðjuspil liðsins er ákaflega takmarkað. Þessi leikaðferð getur verið árangursrík gagnvart miðlungs eða lakari liðunum, en ekki á móti þeim bestu.

Þess vegna er Stjarnan um miðja deild, en ekki vegna þess að leikmennirnir komu með þessi stórskemmtilegu fögn. Stjarnan er á öðru ári í úrvalsdeildinni að þessu sinni og það hefur reynst mörgum liðum erfitt. Árangurinn er því ekkert til þess að kvarta yfir. Þrátt fyrir fögnin. 

Bjarni Jóhannsson: Fögnin hafa truflað

Bara yndislegt!

Feiknargóður sigur Blika á hörkugóðu KR liði. Blikar komu til þess að ná í þrjú stig og tóku þau. Þetta snýst bara um það viðhorf. KR ingar hafa verið að spila eins og stórlið að undanförnu, en Blikarnir leika hraðan og góðan bolta og eiga skilið titilinn að þessu sinni. Í næsta leik á móti Selfossi þurfa þeir að leggja örlítið meira á sig og ekki gefa Selfossi tommu.

Breiðablik áfram á toppnum

Blikar á toppinn

Með sigrinum á Fylki er Breiðablik komið á toppinn, þar sem ég spái þeim eftir lokaumferðina. Mér finnst ekki á neitt lið hallað þegar því er haldið fram að Breiðablik er besta lið Íslandsmótsins. Byggt upp að mestu á eigin leikmönnum og án útlendinga. Breiðablik hefur spilað hörkugóða knattspyrnu í sumar, fengið á sig brot, en staðið það af sér. Ekki það að IBV, FH og KR eru með hörkugóð lið. Sigur Breiðabliks yrði sigur fótboltans í ár.

Þrjár umferðir eftir: 

 

IBV	Breiðablik	KR	FH
Selfoss : ÍBV	KR : Breiðablik	KR : Breiðablik	Stjarnan : FH
ÍBV : Stjarnan	Breiðablik : Selfoss	Grindavík : KR	FH : Keflavík
Keflavík : ÍBV	Stjarnan : Breiðablik	KR : Fylkir	Fram : FH

 

 

 

 

 

 

Kristinn skaut Blikum á toppinn

Baráttan harðnar

Síðustu umferðir þessa Íslandsmóts í knattspyrnu ætla að verða þræl skemmtilegar og spennandi. IBV og Breiðablik eru ekkert að gefa eftir, en úrslit kvöldsins í leik KR og FH gætu sett annað þeirra liða í verri stöðu. Fyrir þá sem áttu von á að Keflavík blandaði sér í baráttuna voru úrslitin á móti Haukum mikil vonbrigði. Fylkir er það lið sem hefur ollið hvað mestum vonbrigðum, en lið IBV það lið sem hefur komið mest á óvart. Það sama má segja um lið Stjörnunnar sem kom upp fyrir tveimur árum, þá ekkert of sannfærandi. Margir spáðu Stjörnunni falli nú, en liðið er orðið mun þéttara en það að fara niður. Í gærkvöldi hefði Stjarnan átt að fara með sigur. Liðinu var spáð í 9 sæti fyrir mót, en ljóst er að staðan er mun betri. Mér finnst nýir leikmenn þeir Atli Jóhannsson og Dennis Danry ekki hafa styrkt liðið. Marel Baldvinsson stóð fyrir sínu á meðan hann var heill og Ólafur Karl Finsen hefur lítið fengið að spreyta sig, en hefur sýnt góða spretti. Sá leikmaður sem hefur styrkt liðið hvað mest er Magnús Karl Pétursson sem lítið sem ekkert hefur spilað, en hefur komið sterkur inn í hugmyndavinnu um fögn Stjörnumanna. Magnús er reyndar ágætis markmaður. 

 Að mínu mati ætt Stjarnan að vera vandlátari á aðfengna leikmenn, 1-2 slíkir ættu að duga. Nokkrir góðir leikmenn eru í láni hjá öðrum félögum, m.a. þeir Grétar Grétarsson og Magnús Björgvinsson hjá Haukum og Heiðar Atli Emilsson hjá Víking Ólafsvík. Ef Stjarnan byggir upp í nánustu framtíð á sinni uppbygginu yngri flokka , á svipaðan hátt og Breiðablik, mun Stjarnan fara í baráttuna um titilinn á næstu tveimur árum.  

Ívar skaut Frömurum upp í fimmta sætið

Hverjir taka titilinn?

Það stefnir í einhverja skemmtilegustu lokabaráttu í Íslandsmeistaramótinu í knattspyrnu. Raunhæft eiga fjögur lið möguleika á að taka titilinn. IBV, Stjarnan, KR og FH. Í dag spáði Páll kolkrabbi að Breiðablik hefði baráttuna og það kæmi ekki á óvart. Skoðum hvaða leikir eru eftir.

 

IBV	Breiðablik	KR	FH
Fylkir : ÍBV	Grindavík : Breiðablik	KR : FH	KR : FH
ÍBV : KR	Breiðablik : Fylkir	ÍBV : KR	FH : Selfoss
Selfoss : ÍBV	KR : Breiðablik	KR : Breiðablik	Stjarnan : FH
ÍBV : Stjarnan	Breiðablik : Selfoss	Grindavík : KR	FH : Keflavík
Keflavík : ÍBV	Stjarnan : Breiðablik	KR : Fylkir	Fram : FH

Öruggur sigur KR í Árbænum

Talar reiðbrennandi dönsku!

Það vekur mikla athygli íþróttafréttara Morgunblaðsins að Dennis Danry vilji áfram spila með Stjörnunni. Dennis er margt til lista lagt, meðal annars talar hann dönsku reiðbrennandi sem eflaust á sér þær skýringar að hann er Dani. Hann hefur farið afskaplega  pent með knattspyrnugetu sína á vellinum í sumar og kæmi ekki á óvart að hann næði ekki að vera meðal 11 hæstu innan félagsins í einkunnargjöfum fjölmiðla. Flest ef ekki allir leikmenn Stjörnunnar hafa verið honum fremri í sumar. Samkvæmt viðtölum við danska netmiðla er hann afar ánægður með lífið og vilji leika áfram með Stjörnumönnum. Síðan kemur fram að hann telji að félagið munu bæta við sig leikmönnum. Dennis stefnir því sennilega á að vera einn af boltastrákunum á Stjörnuvellinum næsta sumar. Þá getur eflaust komið sér vel að kunna dönsku.

Danry vill leika áfram með Stjörnunni