Alveg ótrúleg gleði

Fagn Stjörnumanna í Garðabæ hefur slegið í gegn. Það er skemmtilegt og frumlegt og það er einmitt það sem fótboltinn snýst um. Ég hef gagnrýnt mitt gamla félag að spila of einhæfan bolta, en það var víst breyting á því í síðasta leik sem ég því miður sá ekki. Þá létu leikmenn boltann ganga og unnu verðskuldaðan sigur á góðu liði Fylkis. Fögn Stjörnumanna minnir okkur óneytanlega á hið skemmtilega lið IBV á sínum tíma.

Það er mjög athyglisvert að fögn Stjörnunnar eru teymisvinna. Þetta laxa fagn, er t.d. í grunninn hugmynd Magnúsar Karls Péturssonar varamarkmanns Stjörnunnar og síðan framkvæmt af þeim Halldóri Orra Björnssyni og snilldarlegum tilþrifum Jóhanns Laxdal. 

 Íslenskir knattspyrnumenn geta alveg verið stoltir af framgöngu Stjörnumanna. Þetta innegg er frammúskarandi framlag. Með sama hugarfari getum við lyft knattspyrnunni á íslandi á örlítið hærra plan.