Gagnrýnifælni?

Það var komið að leik Stjörnunnar og IBV. Við komum okkur vel fyrir, og virtum fyrir okkur fagurgrænan völlinn. Hann er alltaf grænn völlurinn í Garðabænum, líka á veturna, á honum er þetta fallega gervigras. Hvað sem hver segir er ég ánægður með grasið í Garðabænum. Við hlið mér settist gamall og góður Stjörnumaður, sem ég hafði ekki hitt í ein 10 ár. Hvernig spáir þú þessu, sagði hann kampakátur við mig. 0-2 eða 1-3 sagði ég. Á til að giska rétt á óvænt úrslit. Var neyddur til að reyna að rökstyðja þessa óvæntu spá mína. Við spilum með því að fara mjög hratt fram, og þá oft sleppa miðjunni. Slíkur bolti hentar IBV og þeir munu eiga auðvelt að stöðva sóknir okkar. 

Það voru ekki margar mínútur þar til boltinn lág í netinu hjá okkur. 

,, Nú færa þeir sig aðeins aftar og okkar spilaðferð er mjög slök í þeirri stöðu." sagði ég. 

,,Það er eins og þú sért á móti Stjörnunni" sagð sessunautur minn. 

,, Nei ég er með Stjörnunni, en á móti leikaðferðinni" sagði ég

,, Þú gagnrýnir okkur opinberlega" sagði sessunauturinn

,,Er einhver vettvangur til þess að gagnrýna leikaðferð innanfélags"? spurði ég

Vandræðaleg þögn. 

,, Það á ekki að gagnrýna félagið sitt opinberlega" sagði sessunautur minn

,, Þú vilt Samfylkingaraðferðina", sagði ég

,, Allt lýðræðislegt og opið, fyrir lokuðum dyrum" 

Leikurinn þróaðist eins og ég átti von á, ekkert miðjuspil, langar sendingar fram. Eina þróunin er að nú eru sendingar fram ekki í 5-7 metra hæð, heldur leitast við að hafa þær neðar. 

,,Við spilum stundum eins og Brasilíumenn eða Hollendingar" sagði sessunautur minn. 

,, Við spilum hvorki eins og Brasilíumenn og því síður eins og Hollendingar. Hins vegar spilum við ekki á ósvipaðan hátt og mörg lið í Heimsmeistarakeppninni. Þessi spilamennska mun aldrei skila okkur ofar en 5-6 sæti. Getur verið skemmtilegt á góðum degi, en án miðjuspils verðum við ekki í toppbaráttu".

,, Ertu á móti þjálfaranum" spurði sessunauturinn. 

,, Alls ekki" sagði ég, en hann lætur spila bolta sem ég er ekki hrifnastur af. 

,, En þú gagnrýnir hann" sagði sessunauturinn um leið og Eyjamenn bættu við marki. 

,, Held að það sé ekki gott að vera haldinn gagnrýnifælni, en ég gleðst þegar vel gengur"

Eyjamenn unnu sanngjarnan sigur. Gamli karakterinn er kominn í Eyjaliðið. Gaman að sjá Marel Baldvinsson inn í Stjörnuliðinu, með því að fá Birgi Birgisson inn á miðjuna er hægt að fá upp bolta sem skilaði okkur fleiri stigum. Til þess þarf hann a.m.k. að komast á bekkinn. 

 

Eyjamenn efstir eftir sigur á Stjörnunni

Athugasemdir

[Gísli Foster Hjartarson, 4.7.2010 kl. 23:55]

Skemmtileg lýsing hjá þér - alveg frábær. Maður hefur átt svipuð samtöl um hina og þessa hluti. EN eins og þú segir þá hentar ekki stjörnunni að spila gegn lið semliggur til baka og því var það okkur mikilvægt að skora snemma. Ég veit ekki ég hélt við upphaf móts að Stjarnan yrði í einu af 4 neðstu sætunum. Hélt nefnilega að þeir hefðu spilað á yfirgetu í fyrra og var ekki viss hvernig leikmanna kaup vetrarins myndu skila sér. Rétt eins og ég var ekki alveg viss um hvernig þeta myndi þróast hér þó ég hafi vitað að við vorum að fá góða leikmenn til okkar, alir með einhverja reynslu og svo komaJames Hurst og daninn í viðbót - það var aukinn styrkur. Svo læðist að mér sá grunur að það bætist við einn leikmaður þegar glugginn opnast, eins og ég sagði í blogginu mínu. Bestu kvðejur

[Sigurður Þorsteinsson, 5.7.2010 kl. 00:25]

Sæll Gísli.

Mannskapurinn hjá Stjörnunni er ekki slæmur. Ágætis markmaður, síðan er Daníel mjög góður sem aftasti maður, að mínu mati framtíðar landsliðsmaður, góðir ungir bakverðir, frammi er Ellert Hreinsson þrælgóður, sem að vísu átti ekki góðan dag í dag, stálmúsin framarlega á miðjunni og Halldór og Atli sem eru sterkir á góðum degi. Vandamálið er ný tegund af kick and run. Ég er þeirrar skoðunar að leikmenn geti geymt heilann á sér inn í búningsklefa til þess að spila þennan bolta. Stjarnan verður um eða fyrir neðan miðja deild með þessari spilamennsku. 

Það er hins vegar þrælgaman að sjá ÍBV. Þeir vinna þó sennilega ekki titil í ár, en þeir verða ofarlega. Það gleður mitt hjarta. 

[Helga Kristjánsdóttir, 5.7.2010 kl. 00:57]

  Gamli góði þjálfarinn kominn á kreik.   Litla liðið K.G. er nú bara að spjara sig. 

[Sigurður Þorsteinsson, 5.7.2010 kl. 06:32]

Helga, stóð til að kíkja á þá spila.