Fögnunum að kenna eða þakka?

Gleðin er mikilvægur þáttur knattspyrnunnar. Þjálfarar sem láta spila lélegan bolta, segja að það eina sem skiptir máli sé að vinna. Maður hefur á tilfinningunni að þeir geri þá í því að láta spila leiðinlegan bolta. Það verður ekki sagt að Stjarnan spili leiðinlegan fótbolta, því það er sannarlega gaman að fara á leiki liðsins. Hins vegar dugar sá bolti ágætlega til þess að verða um miðja deild. Ástæða þess að Stjarnan er að tapa síðustu leikjunum er að nú er verið að spila gegn sterkustu andstæðingunum. Leikstíll Stjörnunnar er að spila hratt upp völlinn, alltaf. Þetta þýðir að miðjuspil liðsins er ákaflega takmarkað. Þessi leikaðferð getur verið árangursrík gagnvart miðlungs eða lakari liðunum, en ekki á móti þeim bestu.

Þess vegna er Stjarnan um miðja deild, en ekki vegna þess að leikmennirnir komu með þessi stórskemmtilegu fögn. Stjarnan er á öðru ári í úrvalsdeildinni að þessu sinni og það hefur reynst mörgum liðum erfitt. Árangurinn er því ekkert til þess að kvarta yfir. Þrátt fyrir fögnin. 

Bjarni Jóhannsson: Fögnin hafa truflað

Athugasemdir

[Gísli Foster Hjartarson, 20.9.2010 kl. 08:42]

Fögnin hafa glætt áhuga landsmanna á boltanum, rétt eins og þau gerðu þegar mitt lið fór hamförum í þessu. Þetta er auglýsing fyrir fótbotlann og þá gleði er getur náð þar völdum. Man að þegar ÍBV var á kafi í fögnunum á ´sinum tíma þá fór ég í starfsviðtal á RÚV og konan sem ég spjallaði við tók það sérstaklega fram að húnværi nú ekki mikil áhugamanneskja um fótbolta frekar en aðrir á hennar heimili en þau reyndu að missa aldrei af því þegar verið vara að sína úr leikjum ÍBV, umfjöllunin þá var náttúrulega ekki eins mikil og nú er. Lið eignast leynda aðdáendur þegar þeir gleðja áhugamanninn og aðra. Það er líka mikið rétt Sigurður Stjarnan hefur verið með skemmtilegri liðum í sumar. Hafi þeir þökk fyrir það ....svo sjáum við hvað gerist næsta sumar.