Kópavogsbúar í bandi!

Í gærkvöldi hlustaði ég á hluta útsendingar  frá bæjarstjórnarfundi í Kópavogi. Það jákvæða við útsendingu er að þá geta bæjarbúar fylgst með umræðum, málefnum og frammistöðu bæjarfulltrúa. Það neikvæða var að frammistaða bæjarfulltrúanna var algjörlega óásættanleg. Á þeim tímum sem skjaldborgina vantar um heimilin í landinu kemur Guðríður Arnardóttir oddviti Samfylkingarinnar með sitt baraáttumál fram á þessu kjörtímabili. Lausaganga katta skal vera bönnuð í Kópavogi. Af jafnréttisástæðum skuli fresskettir vanaðir. Skuldug heimili í Kópavogi hljóta að vera Guðríði þakklát fyrir málefnaáherslurnar. Nýlega sást til ljóshærðar konu upp við Vatnsenda  verandi að kynna sér kynlíf hjá villtum kanínum, sem sagt er að geti verið ansi fjörugt. Þóttust menn þar þekkja Guðríði bæjarfulltrúa.  Væntanlega má því búast nýrri reglugerð frá Kópavogsbæ um takmarkandi kynlífshegðun hjá kanínum, innan bæjarmarkanna.

Annars er þessi dýraáhugi bæjarfulltrúa okkar Kópavogsbúa ekki nýtilkominn. Fyrir ári síðan var auglýstur fundur með þá nýviðteknum  bæjarstjóra Gunnsteini Sigurðssyni skólastjóra um fjárhagsáætlun bæjarins.  Gunnsteinn hafði komið sér upp mjög litríkri myndasýningu. Fljótlega kom í ljós að nýi bæjarstjórinn hafði ekki haft fyrir því að lesa innganginn að kaflanum um fjárhagsáætlun. Þegar á myndasýninguna leið varð fagmönnum löngu ljóst að Gunnsteinn hafði ekki græna glóru um hvað fjárhagsáætlun yfirleitt var, þrátt fyrir að hafa setið  í bæjarstjórn í 12 ár. Lokakaflinn innihélt fallegar myndir um  sólsetur við Kópavogshöfn, fallegar myndir af gróðri úr Guðmundarlundi og síðan myndir haf hestum upp við Vatnsenda. Lokamyndin sló hins vegar allt út. Hér var kominn tíkin mín hún Sara  og með henni tveir aðdáendur af gagnstæðu kyni, sem eru tíðir gestir fyrir utan hús okkar, sérstaklega á fengitímanum. 

Það er vissulega gott að  bæjarfulltrúar okkar í Kópavogi hafi sér áhugamál. Það að fjalli um kynlíf dýra er auðvitað óvenjulegt og má ekki fara út í ástríðu  þar sem allt annað víkur. Hafandi hlustað á bæjarstjórnarfundinn í gærkvöldi væri nær að koma upp sér félagi þar sem bæjarfulltrúarnir fái útrás fyrir þessi áhugamál og haldi þeim fyrir sig. Þá þurfum við að velja okkur  nýja bæjarfulltrúa  til að sinna þeim verkum eru brýnust fyrir bæjarbúa. . 

 

Fleiri starfsmenn en færri nemendur

Athugasemdir

[Ólafur Ingi Hrólfsson, 27.10.2010 kl. 08:16]

Þessi framtakssemi Guðríðar er meiri en ég átti von á -

Allur hennar tími fram að því að hún komst í meirihluta hefur farið í það að ausa óhroða yfir Gunnar Birgisson þannig að hafi hún kynnt sér kynlífsstandardinn hjá kanínum og lausagöngu katta þá er það stórkostleg viðbót.

Hún hlýtur ( varðandi kettina ) að vera að létta undir með formanninum sínum sem hvartaði yfir því að erfiðara væri að smala saman VG liðum en villiköttum. Kanski er þetta bara æfing.

[Sigurður Þorsteinsson, 27.10.2010 kl. 17:14]

Ólafur þú átt þá von á Guðríður leggi til við Jóhönnu að vana karlkettina í VG? Það eru þá þeir Ögmundur, Atli Gísla, Ásmundur og Jón Bjarna. Þá er spurning hvort Jóhanna flokki Helgi Hörvar til villikattanna.

Þeir sem til þekkja telja að framganga Guðríðar gagnvart Gunnari sé aðdáun á mjög háu stigi. Ef Guðríður fái sér í glas, hlaupi kanína í Guðríði og  Gunnar eigi fótum fjör að launa. Þetta sel ég nú ekki dýrara en ég keypti það. Af einhverjum ástæðum eru þessar sögusagnir háværari við fótboltapöbbana í bænum.  

[Halldór Jónsson, 6.11.2010 kl. 22:48]

Bravó Ziggi, þú ert stórkostlegur vöfflubakari með meiru