Kerling þarf ekkert endilega að vera kona!

Lengi vel var gerður skýr greinarmunur á því að vera kona eða vera maður. Nú þykir ekkert sérstaklega merkilegt þegar konur teljast til manna. Hins vegar gerum við greinarmun á því hvort um er að ræða konu eða karlmann. Kona er þá kvenmaður. Þannig hefur orðið maður sannarlega fengið nýja merkingu fyrir marga. Orðanotkunin er hins vegar orðin mjög útbreidd. Orðið kerling hefur líka í hugum mjög margra allt aðra þýðingu en orðið kona. Kerling getur rétt eins verið karlmaður eða kvenmaður. Oddný þarf þess vegna ekkert að vera móðguð. Við myndum aldrei kalla Vigdísi Finnbogadóttur kerlingu með þessari meiningu orðsins, hún er allt annað en það. Steingrímur Sigfússon hefði heldur ekki verið kallaður kelling hér á árum áður. Í samvinnu Steingríms við Jóhönnu er hann hins vegar sannarlega orðinn kerling, það er Jóhanna líka orðin. 

„Segir ekkert, alveg eins og kelling“

Athugasemdir

[Jóhannes Laxdal Baldvinsson, 30.10.2010 kl. 18:59]

Ekki flækja þig í þessu Sigurður. Kerling er niðrandi orðmynd og hún vísar til kyns. Undan því getum við ekki skotið okkur.

[Björn Jónsson, 30.10.2010 kl. 19:58]

Auðvitað er það mikil skömm fyrir kerlingar að þær séu spyrtar sömu maðkaspyrðu og Skatt-Grímur.

[Auðun Gíslason, 30.10.2010 kl. 22:25]

Ríkisstjórnin fer einsog köttur kringum heitan graut, þar sem  vandamál samfélagsins eru.  Kjarklaus og huglaus!  Hér ríkir stjórnarkreppa og þingið er í upplausnarástandi.  Engin forysta er fyrir hendi, sem þing og þjóð gæti fellt sig við.  Málin verður að leysa.  Það getur ekki ríkisstjórnin og ekki þingið með núverandi stjórn!  Valið stendur því milli neyðarstjórnar og kosninga.  Síðari kosturinn er raunar ekki kostur í stöðunni miðað við ástand stjórnmálaflokkanna. http://utanthingsstjorn.is/

[Guðmundur Júlíusson, 30.10.2010 kl. 22:32]

Sigurður, ég held að  þú sért algerlega úti á túni með þetta, þú  ert að flækja  þetta allt of mikið.

Kall, Karlmaður, karl, drengur, strákur, piltur og á hinum  vængnum: hér í þessum flokki eru t,d. Ómar Ragnarsson, Logi Begmann, Hjalti Úrsus og fl. góðir,

Kelling, Kvenmaður, kona, stelpa, stúlka, hnáta.  hér  gætu verið : Vigdís Finnbogad.,  Ellín Hirst, Selma og fl.

karlar  eru karlar og kellingar eru kellingar, svo geta menn gert að gamni sínu og kallað hvern annann kellingar eða kalla hægri og vinstri, (hvaða vitleysa er þetta eiginlega ? )

[Ingibjörg Guðrún Magnúsdóttir, 30.10.2010 kl. 22:43]

Sigurður kerling er niðrandi orð fyrir konur, ef ekki jafn mikið og þegar KARLMAÐUR er kallaður kerling... þá er yfirleitt átt við að viðkomandi sé ekki nógu sterkur eins og hinn ímyndaði Karlmaður á að vera, eða viðkvæmur á tilfinningar, Það vita allir að það að ef að karlmaður er kallaður kerling er það vegna þess að hann er ekki að standa sig sem skyldi og í mjög mörgum tilfellum þegar þetta orðatak er notað yfir konu þá er það vegna þess að hún bregst ekki rétt við eða getur ekki margra hluta vegna....

[Sigurður Þorsteinsson, 30.10.2010 kl. 23:20]

Ég sé að það eru mis miklir íslenskufræðingar hér á blogginu. Orð getur haft einhverja þýðingu en með tímanum, getur þýðing orðsins breyst og haft fleiri en eina meiningu.

Tökum dæmi orðið kjúklingur. Upprunalega þýðir orðið eflaust afkvæmi hænu og hana, en síðan er farið að nota orðið um frekar slappar manneskjur. Hann eða hún er nú meiri kjúklingurinn. Það er líka talað um að einhver sé hænuhaus. Það þýðir nú ekki endilega að viðkomandi sé með gogg. 

Orðnotkunin að einhver sé kelling, er því komið í íslenskt mál fyrir áratugum síðan, hvor sem einhverjum kvenréttindakellingum líkar betur eða ver. Jafnréttindasinnum er hins vegar örugglega flestum sléttsama um notkun orðsins kerling eins og Ásmundur Friðriksson notaði það um Steingrím Sigfússon. Það er hins vegar dæmigert fyrir Oddnýju G. Harðardóttur þingmann Samfylkingarinnar að beita sér í þessu máli, á sama tíma og handónýtur flokkur hennar hefur ekki séð manndóm í sér að taka á vanda heimilanna. 

[Sigurður Þorsteinsson, 30.10.2010 kl. 23:30]

.. smá viðbót. Ingibjörg ég nota orðið kerlingu aldrei nema með meiningunni vælukjói og hef ekki gert í áraraðir. Hefur ekkert með karlmennsku að gera. Ég myndi þannig aldrei kalla menn eins og Hörð Torfason eða Pál Óskar Hjálmtýsson kerlingar. Þetta eru sterkir einstaklingar, með ákveðnar skoðanir og láta verkin tala.

[Helga Kristjánsdóttir, 31.10.2010 kl. 02:58]

Æi,var að enda við að vitna í okkar upplifun Siggi minn úr fótboltanum,           (á bloggi Jóns Lorenge)ef strákar tóku ekki á því spiluðu þeir eins og kellingar,eða kjúklingar,     Og hana nú,   sagði hænan og lagðist á bakið.   Svara ekki skömmum.

[Rafn Haraldur Sigurðsson (IP-tala skráð) 31.10.2010 kl. 08:28]

Þá gekk Bergþóra að pallinum og Þórhalla með henni og mælti Bergþóra til Hallgerðar: "Þú skalt þoka fyrir konu þessi."

Hún svarar: "Hvergi mun eg þoka því að engi hornkerling vil eg vera."

"Eg skal hér ráða," sagði Bergþóra.

Síðan settist Þórhalla niður.

Bergþóra gekk að borðinu með handlaugar.

Hallgerður tók höndina Bergþóru og mælti: "Ekki er þó kosta munur með ykkur Njáli. Þú hefir kartnagl á hverjum fingri en hann er skegglaus."

"Satt er það," sagði Bergþóra, "en hvortgi okkart gefur það öðru að sök. En eigi var skegglaus Þorvaldur bóndi þinn og réðst þú þó honum bana."

"Fyrir lítið kemur mér," segir Hallgerður, "að eiga þann mann er vaskastur er á Íslandi ef þú hefnir eigi þessa Gunnar."

Já oft hlýst illt af kvennahjali