Skúbbið hennar Láru.

Lára Ómarsdóttir þráir það að geta skúbba með fréttir. Henni hættir hins vegar til að láta kappið fara með sig í gönur, og varð þess vegna að segja af sér sem fréttamaður hjá Stöð 2, er hún ,,bjó til frétt" og var staðin að verki. Snautlegt. Maður skildi nú ætla að Lára lærði af mistökunum og hún færi að temja sér vandaða fréttamennsku.

Í kvöld birtist á fréttavef RÚV frétt skrifuð af Láru, sem fær mann til þess að hugleiða af hvaða hvötum sumir fréttamenn  semji fréttir.

Fréttin sagði frá því að Rannsókn Efnahagsbrotadeildar á svokölluðu Lífeyrisjóðsmáli í Kópavogi væri lokið. Í lok fréttarinnar kemur fram að engar frekari fréttir séu í málinu, né komið fram hvort ákært yrði. Sem sagt ekkert nýtt að frétta. Jú, Lára Ómarsdóttir notaði tækifærið til þess að misnota RÚV og sagði:,,Lánveitingar sjóðsins til bæjarins voru til rannsóknar í kjölfar kæru Fjármálaeftirlitsins en Gunnar Birgisson sat þar beggja vegna borðs." Tilgangurinn var sem sagt að sparka í Gunnar Birgisson áður en Lára færi heim til að gefa börnunum að éta. Til þess að tryggja árangurinn var mynd af Gunnari með fréttinni. 

Þeir sem þekkja til málsins vita að fjórir bæjarfulltrúar Kópavogsbæjar voru í stjórn Lífeyrissjóðs Kópavogsbæjar, þeir Flosi Eiríksson núverandi endurskoðandi hjá KPMG,  Ómar Stefánsson, formaður bæjarráðs Gunnar Birgisson starfandi bæjarstjóri og  Jón Júlíusson. Þessir fjórir vöru því allir báðu megin við borðið. Það spaugilega við dæmið var að með ákvörðun þeirra félaga björguðu þeir sjóðnum frá hruninu og ávöxtun sjóðsins alveg til fyrirmyndar. 

Bæjarfulltrúarnir ályktuðu um þetta í byrjun, en þegar þeim varð ljóst að störf þeirra gætu varðað við lög, reyndu þeir Flosi, Ómar og Jón að kenna framkvæmdastjóra sjóðsins og Gunnari um yfirsjónirnar. Það var hins vegar afar óheppilegt að framkvæmdastjórinn var afar nákvæm í fundarritun sem kom sér afar illa fyrir þá félaga. Síðan er þetta mál búið að hanga yfir stjórninni ásamt framkvæmdastjóranum. Þremenningarnir létu síðan segja framkvæmdastjóranum upp störfum, sennilega fyrir nákvæmnina. 

Fréttamennska Láru Ómarsdóttur er tegund sem þjóðin gertur alveg verið án í náinni framtíð. 

Frétt RÚV: http://www.ruv.is/frett/rannsokn-efnahagsbrotadeildar-lokid

 

Athugasemdir

[Helga Kristjánsdóttir, 14.1.2011 kl. 13:37]

Tilgangurinn helgar meðalið.  Lemja og ljúga er andstæðingum Gunnars hugleikið.

[Jón Atli Kristjánsson, 14.1.2011 kl. 13:52]

Lék forvitni á að vita hvernig fréttmaðurinn náði í þessa frétt. Fann ekkert um þetta á lögregluvefnum eða hjá Ríkislögreglustjóra. Helda að það sé mikið að gera hjá Láru og hún þurfi að fylgjast með fleirum enn Gunnari.  Dreg þess vegna þá ályktun að einhverjir sérlegir " vinir " Gunnars hafa bent henni á málið.  Alveg rétt þetta er í reynd ekkifrétt.  Það góða í málinu er þó að eitthvað er að gerast, en eins og kunnugt er hefur málið tekið óratíma og skaðað alla málsaðila.

[Sigurður Þorsteinsson, 14.1.2011 kl. 20:18]

Já, og Baugstíðindi sem mér skilst að hafi sett Gunnar á ,,taka niður" listann, voru ekki lengi að koma fréttinni um Gunnar á 3 síðu hjá sér, sem aðalfrétt, sem var jú ekki frétt. Lára er sennilega ekki búin að átta sig á að hún er ekki lengur fréttamaður hjá Baugstíðundum, og þarf ekki að næra ,,taka niður" listann. Þar sem hún hefur sannarlega unnið sitt verk, hlýtur að fylgja því dúsa. Eftir sitja nokkrar spurningar:

1. Samdi Lára þessa frétt alveg ein? Ef svarið er já, stafar það af óvild til Gunnars, eða stjórnlausri  aðdáun (eins og þekkist með forseta bæjarstjórnar í Kópavogi)

2. Fylgdi upplýsingum frá opinberum aðilum, beiðni um ,,niðurtöku" sem fúslega var orðið við, eða var um að ræða upplýsingar frá ,,vinum Gunnars". 

[Sigurbjörn Friðriksson, 14.1.2011 kl. 21:33]

Fréttamenn geta verið allskonar þegar kemur að því að búa til fréttir.  Hvað var aftur nafnið á fréttakonunni sem var rekin fyrir að hafa gloprað út úr sér í beinni útsendingu (sem átti ekki að vera) að útvega mótmælendum egg til að kasta í Lögregluna þegar vörubílstjóramótmælin stóðu sem hæst..??  Ég man það ekkií bili, en er sú ekki komin aftur til starfa?  Það safnast ótúlegur mannskapur í fjölmiðlaflóruna samanber DV, Helgarpósturinn heitinn o.fl., o.fl.

Kveðja, Björn bóndi