Undrið Facebook

Það var á fimmtudaginn að ég gerði mér grein fyrir áhrifum á Facebook. Aðgangur að Facebook hafði verið lokaður í tölvum einnar stofnunar, vegna misnotkunar. Sama dag heyrði ég af tveimur öðrum fyrirtækjum sem hafði tekið sömu ákvörðun. Um kvöldið kom dóttir okkar í mat, en hún er orðin einskonar sérfræðingur í netnotkun ungs fólks. Hún sagði okkur að fyrir suma væri Facebooknotkun orðið að fíkn. Fólk stundar ekki skóla eða vinnu. Lífið er orðið að Facebook.

Auðvitað hefði ég átt að kveikja fyrr. Ljóskan  okkar í Kópavogi kom askvaðandi inn í umræðu hjá okkur fyrir löngu og  sagði okkur að nú þyrfti hún ekki að fara neitt í nám meira. Hún væri komin á Facebook og þá kæmi þekkingin bara til hennar. Einn í umræðuhópnum varð grænn í framan. Annar fór að hlæja, en hætti því fljótt því hinir vissu að þetta átti ekki að vera brandari. Sá þriðji, sagði, ,,já, já hvað eigum við að gera við þetta Icesave".  ,,Þetta er svo auðvelt", sagði ljóskan, ,,maður skráir sig bara inn". 

,,Í Icesave" spurði einn

,,Nei, Facebook" sagði ljóskan.

Á síðasta fundi sagði ljóskan okkur svo að hún kynni ,,öll trikkin" á Facebook.

Ég velti fyrir mér, ef maður vildi kynna sér öll trikkin á Facebook hvort maður ætti að kaupa Facebook for dummies, eða 100 stellingar á Facebook.  

Athugasemdir

[Sigrún Óskars, 3.4.2011 kl. 12:22]

allt er best í hófi!!  mér finnst facebook skemmtileg (í hófi) og maður fylgist með  fólki, sem maður hittir sjaldan eða aldrei.

annars er ótrúlegt hvað fólk setur inná facebook

[Helga Kristjánsdóttir, 3.4.2011 kl. 15:25]

 Ég kem þar við til að sjá hvað börnin eru að bralla.Þar eru aldrei langlokur að lesa. Þar get ég geymt pistla af blogginu. Fyrir utan allskonar grín og skemmtilegt efni. Þar sá ég fyrst Susan Boyle,töfrandi viðsnúning dómara og áheyranda,sem höfðu sýnt henni hálfgerða niðurlægingu,í British get        talents.minnir mig.

[Jón Atli Kristjánsson, 3.4.2011 kl. 22:54]

Sæll félagi Sigurður og verðandi sérfræðingur í ljóskum. Var á þessum fundi og gladdist með ljóskunni okkar vegna þroska hennar og tækniþekkingar. Er sjálfur hálfur inni á Facebook og hef ekki lagt nokkra rækt við þetta töfratæki. Þegar þú ræðir um " 100 stellingar " er greinilega eitthvað þarna að sækja !

[Sigurður Þorsteinsson, 4.4.2011 kl. 07:10]

Já, Facebook er skemmtilegt samskiptatæki, sem margir hafa gaman að. Hef eins og Jón farið með aðra löppina inn í herlegheitin. Hef eins og þú Helga séð skemmtilegt myndband þarna inni og eins og Sigrún hitt þar fólk sem ég hef ekki lengi séð og heyrt af.

Jón þetta átti auðvitað að vera trikkin 100, en ekki stellingar, en auðvitað geta þetta verið stellingar. Ef ég fer niður í Eymundson til þess að kaupa leiðbeiningar, geri ég eins og karlarnir gerðu hér forðum þegar ég vann í bókaversluninni. Tvö viðskiptablöð sett í samloku um eitt blátt blað. Nema hjá mér verður það tvö viðskiptablöð og síðan lesefni um trikkin á Facebook