Fok í knattspyrnunni!

Það er alþekkt og í raun rökrétt þegar þjálfarar fá að fjúka ef árangurinn er óásættanlegur. Sá fyrsti sem fær að fjúka þetta árið í 1 og úrvalsdeildinni er Tómas Ingi Tómasson. Með fullri virðingu fyrir Tómasi þá kemur hann reynslulaus inn í meistaraflokksþjálfun, og það kann ekki góðri lukku að stýra. Einn fremsti þjálfari í Evrópu sagði í viðtali, það á enginn að fá að þjálfa meistaraflokk í félagi nema að hafa þjálfað yngri flokka í minnst 10 ár. Mjög oft gerist það að þekktir leikmenn gerast þjálfarar nánast eftir að leikferli þeirra lýkur. Allt of oft hefur það þýtt niðurbrot. Við Íslendingar getum litið til landsliðsþjálfara eins og Atla Eðvaldsson og Eyljólf Sverrisson. Báðir tóku við landsliði okkar of snemma. Það er gott til þess að vita að Eyjólfur hélt áfram og þá með 21 árs liðið. Eftir eitt  til tvö ár gæti Eyjólfur aftur komið til greina sem landsliðsþjálfari, reynslunni ríkari.

Fok Tómasar hefur lítið með Tómas að gera. Mér skildist reyndar að hann hafi ekki sjálfur komið á neinn hæfari í starfið. Það minnir okkur bara á að stundum veit maður ekki að maður veit ekki. Það er reyndar frumstig þekkingarinnar. Við tekur Ragnar Gíslason sem bæði var afburða leikmaður og er kominn með talsverða reynslu. Hann tekur hins vegar við afar erfiðu búi. Eitt stig eftir 7 umferðir, það verður mjög erfiður róður. Með baráttu sinni, reynslu og þekkingu er þó mögulegt  hann gerði það sem erfitt er að sjá í spilunum. Halda Kópavogsliði okkar Kópavogsbúa upp í 1 deildinni. Það þarf mikið að ganga upp til þess að svo verði raunin.  Mjög markviss uppbygging HK verðskuldar sæti í 1 deild og hærra síðar. 

Tómasi Inga sagt upp hjá HK

Athugasemdir

[Gísli Foster Hjartarson, 20.6.2011 kl. 20:03]

Þó við Tommi séum ágætir félagar þá er ég ekki hissa á þessari upsögn, árangurinn engan veginn verið ásættanlegur og það veit ég að Tómas Ingi þrætir ekki um það. Ég hélt reyndar eftir magurt ár í fyrra að hann yrði látinn taka poka sinn síðasta haust.  Hvort Raggi á eftir að gera betur mun tíminn leiða í ljós en liðið er klárlega komið út í horn og þarf að bíta ærlega frá sér ef að ekki á illa að fara. Nú þarf Tommi bara að taka HK reynsluna og nýta sér hana til góðs og halda áfram að þjálfa því ég þykist vita að hugur hans stefnir í þá átt.

[Sigurður Þorsteinsson, 21.6.2011 kl. 08:45]

Gísli ég tók að mér nokkur svona yfirtökuverkefni í gamla daga. Það var verulega erfitt, en þau tókust. Þá hafði ég í huga greiningu að 70% af gengi liðs hefur með mannskapinn að gera, 15% þjálfarann og 15% stjórnina og umgjörðina. Hjá HK þarf að styrkja alla þessa þætti ef þetta verkefni á að takast, en útlitið er ekki gott.

Tómas hefur sýnt að hann er áhugasamur og það skiptir miklu. Reynsla og þroski sem leikmaður getur gagnast vel, en það þarf talsvert meira til ef árangur á að nást. Tómas getur vel komið aftur, reynslunni ríkari.